Bugagia Bidibo Kolesagade Po Asęai Buku 3:5 - Godigo dwagi yai po buku

⁵ Nago konealubo po Genuai Bidiba bomonama dąų wao. Nago te homu eyu, te naga digi koneani kolesagago te naga tau sabo usu yaibao homu munu me elamu dao.

Bugagia Bidibo Kolesagade Po Asęai Buku 3:5 Referans Kwoze

Godigo Nogi Ugwaba Sabo Tęąbi Po Wabo Buku Dabe 37:5

Nago te naga bidibo ula te Genuai Bidi nogoba muao. Te konealubo homu agaba dąų weyu, te agai nage tau saibao.

Bugagia Bidibo Kolesagade Po Asęai Buku 28:26

Te bidigo te homu eyu, te aga koneani kolesagago digi te aga tau selama, te tigidali sę ebo usu yaiba homu yali da, teda agade te wiegi yai homu kolesaga me elalubeo. Tiali goli, te bidigo te wiegi yai homu ebo kolesaga wali pobaso da, teda aga bugagia mu bidaibao.

Godigo Nogi Ugwaba Sabo Tęąbi Po Wabo Buku Dabe 37:3

Nago konealubo homu Godiba munama, tama wiegi yai kolesaga yao. Nago tama tiali da, tama nage te naga tǫde sesabi elama bidaibao, tama magi nai me deligo nage me dologobeo.

Godigo Nogi Ugwaba Sabo Tęąbi Po Wabo Buku Dabe 62:8

Eno hani dabe, sesemane sogo dagego te Godiba konealubo homu dąų waiyąo. Dagego te duga tigidali sęgę me, te tigidali homu te agaba pusao, awe, bidigo te wę gelibo tiwai eyu yao. Magi baso meni, da te agaba pelama, bugagia bidainu te tama tiao.

Aisaia 12:2

Mu tama, Godigo ena ma oda sai dao. Tama megi da, eno agaba homu dąų ola saibao. Tama ena wi me egobeo. God, Genuai Bidigo ena bomo ilibo dao, tama tibaso, eno balia po obao, te agai nogi ugwaba sainogo. Magi baso meni. Agai ena ma oda salio.”

Godigo Nogi Ugwaba Sabo Tęąbi Po Wabo Buku Dabe 37:7

Nage dua digi te Genuai Bidi pąba pelama, bidao. Te dua digi bidiyu, te agai nage tau sabo tonaluao. Te bidi dabego augwa ebo kolesagade te wiegi yai nai dabe sabode te nago homugo pesa me elamuo. Mu tama, te haniani dwai kolesaga yabo homu ebo bidi dabego ebo homude nago homu kekeli eyu, tama te tiwai sę eyu, pedelabo homu me elamuo.

Bugagia Bidibo Kolesagade Po Asęai Buku 3:7

Te nago homugo tiyu, te nago koneani kolesaga te mu nai da homu elamuo. Menio. Nage te Genuai Bidi wi eyu, aga dologoba pelama, tama dwai kolesagaba tudi ola mao.

Jeremaia 10:23

Genuai Bidi, eno koneani, te bidi dago dena bilibo tonalubo usu isąyu, te dena godolo homu ebo sunumi dabe wali painu ebaso, usu egobe dao.

Polgo Po Pas Rom Dabeba Asęani 12:16

Dagego duga ama dede augwali dali deli homu tiwai elama, te duga digi dugade ebo homu tiwai augwali dali yao. Dagego homu dage genuai bidi bidabo homu me ilamuo. Menio. Dage te nogi meni yai olo we bidi dabe dali abagi homu eyu bidiąo. Dagego te homu elama duga digi te po me wagio, “Eno naga eno koneai bidi dao,” te po me wagio.

Godigo Nogi Ugwaba Sabo Tęąbi Po Wabo Buku Dabe 125:1

Te Genuai Bidiba homu kęą pali we bidi dabe, augwali te Saion bulu du tiwai dao. Te bulu du mumunu me isiąma, tama aga page dąų mu elalubao.

Jeremaia 9:23

Genuai Bidigo te tama po wali, “Te po page koneai bidigo aga koneani kolesaga wiegi yai homu pemene igio. Tama bomai bidigo aga bomode homu pemene igio. Te mone bidigo aga monede wiegi yai homu pemene egio. Menio.

Bugagia Bidibo Kolesagade Po Asęai Buku 22:19

Megi naga eno te po pusainu ebao, te naga digi odolama, tama nago konealubo homu te Genuai Bidiba dąų mu omainu yaibao.

Jopgo Po Asęani Elalubo Buku 13:15

Eno gasa nai me tonalubeo. Ma, tama Godigo ena elama, isiliyu da, teda aga homugo naga dao. Tama tiali goli, hasia eno agai gedu e tama ola mawaibao, eno dwai sę me ebeo.

Bugagia Bidibo Kolesagade Po Asęai Buku 23:4

Nage te mone hauwa elalubo bidi pedelabo sę dene mu igio. Te nage wiegi yai homu elalubaso da, teda nago te tiwai me igio.

Efesus 1:12

Tama hasia te gasa we bidi augwaligo te kolesaga isiąbadi da Juda we bidi dena homu tigidali te Godigo sa muani nosali asaibao wali bidi Krais te bidiba dena homu muani. Tama dena homu tigidali agaba munama, tama dwagi yai homu eyu, da aga ma asobo bugagia tonaluai dao. Tama da te tobage sę hasia ebo bidi dabe dago Godigo ula yai bomo elalubo nogi ugwaba sao.

Israel Hanigo Namba 9:20

Te me sogo da, te pǫ be pedude pęwadage sogo bidama, tama ma gudasa peyu ebo dao. Te bobobage sogo ma pęwadage sogo bidibadi me tagala. Te Israel dabe augwaligo te Genuai Bidigo po wali peyu, te pǫgo augwali ola mabo te wali naga tama peyu ebo dao.

Israel Hanigo Namba 9:22

Te mena tama sogo te pǫ name ugwa bede elaluali me tagala, te sigo me ma deli sogo me, ma polua deli me, ma kibu be deli bidibo me, augwali me pabeo. Tiali goli, te pǫ gudasa pabo si da, augwali me gudasa pabo dao, te bulu taga peyu.

Esra 8:23

Tialima, dago te osogo nai gisilama tama gedu haluasa po bomo elama, Godiba weyu, te agai da te sunumidu pabo tonalumainu emainao, tama agai dago te gedu haluasa po wali odolama, tama agai da bugagia tonaluali.