Bugagia Bidibo Kolesagade Po Asęai Buku 3:4 - Godigo dwagi yai po buku

⁴ Te nago tama tibaso da, te Godigo nage godolo ebadi, te bidi dabego me nage godolo homu yaibao, tama nago sę te wiegi yai pedelaibao.

Bugagia Bidibo Kolesagade Po Asęai Buku 3:4 Referans Kwoze

Dwagi Yai Gesi Po Lukgo Asęani 2:52

Tama Jisas genuai elama, agai homu kolesaga dwagi yai mu yali. Godigo me e tǫde bidigo me Jisas godolo mu elama, kua pali.

Polgo Po Pas Rom Dabeba Asęani 14:18

Tama bidi te tobage kolesaga ebogo te Kraisgo sę bidi bidiyu da, teda aga Godigo usu niba kadu waibao, tama te bidi dabe augwaligo homugo te aga wiegi yai bidi da te homu yaibao.

1 Samuel 2:26

Te sogo te Samuel te genuai bidi dwasianu pedalubo gana ebaso, tama God dali te bidi dabego me aga godolo homu yali, tama augwaligo homu me te bomai homu mu igulali.

Godigo Nogi Ugwaba Sabo Tęąbi Po Wabo Buku Dabe 111:10

Te bidi te kolesaga koneai bidi pedelainogo eyu da, aga te Godide wi yao. Agai te wiegi yai homu kolesaga te agaba homu mubo we bidiba mabo dao. Dago aga nogi sesemane bidada pabo sogo ugwaba sao.

Tigidali Nai Gagalama Nigali Side 39:21

Tiali goli, Yawe te Josep dali bidiyu, tama agai aga dali dwagi yai sę yali. Tama tiyu, Yawego te kalabus tonalubo bidigo Josep dali wiegi yai homu pemene emainogo yali.

Godigo Sęba Tagala Palai Bidigo Po 2:47

Augwaligo te po wabo da, “Te God da, aga dwagi yai mu da.” Tama te olo we bidi tigidali augwaligo te Jisasde homu dąų wai we bidi dabebolo wiegi yai homu yai. Tama Godigo sesemane deli deli sogo te olo we bidi dabe selama, agai po wali pabo bidi dabeba wadolobo dao.

Daniel 1:9

Tama Godigo te Aspenasgo te Daniel homu dene emainu ilali,

2 Korin 8:21

Dago wiegi yai dolo kolesaga yabo homu ebo, te dago Genuai Bidigo gedude naga te kolesaga me egobeo. Menio. Te e tǫde bidi dabego gedude dali te kolesaga ebo dao.

Bugagia Bidibo Kolesagade Po Asęai Buku 8:35

Te ena sabo bidi dabe, te augwa bidibo ula sali, tama Genuai Bidigo augwaliba wiegi yai haliga ebo dao.

Bugagia Bidibo Kolesagade Po Asęai Buku 12:2

Te bidigo wiegi yai kolesaga wali pobaso da, teda Genuai Bidigo aga dali pemene homu eyu, bugai haliga eyu dwagi yai sę yaibao. Tiali goli, bidi mego te gasa bidi dali muma sabo kolesaga ebaso da, teda Genuai Bidigo po agaba wabo si, teda aga dolaibao.

Bugagia Bidibo Kolesagade Po Asęai Buku 13:15

Te bidigo homu wiegi yai elalubaso da, teda te bidi dabe aga wei homu yaibao. Tiali goli, te tibo po wabo bidigo te dąų walali po bolama, aga te dwai sunumidu bilibo dao.

1 Samuel 2:21

Tialima, Genuai Bidigo Hana bugagia wiegi yai ilama, tama nosali Hanago ogwa sela me wegi si tama ame nani. Tama Samuel te Godigo sę idubadi, tama genuai dwasianu yali.