Bugagia Bidibo Kolesagade Po Asęai Buku 3:32 - Godigo dwagi yai po buku

³² Magi baso meni, Genuai Bidigo digi te tobage bidi wei me isąwai. Te doloba pai kolesaga ebo bidi dali agai abagi homu ebo dao.

Bugagia Bidibo Kolesagade Po Asęai Buku 3:32 Referans Kwoze

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Dwagi Yai Gesi Po Jongo Asęani 15:15

Genuai bidi agai aga sę ebo bidibolo te sę yao po naga wabo dao. Agai te bidibolo te sę yabo po page ola mabo menio. Tiali goli, eno Ayago ena dali wali po tigidali, te po eno dage dali wai dao. Tama tibaso, eno dage sę ebo bidi da wabo nogi naga ma wagobeo, eno dage dali abagi dabe dao wabo.

Bugagia Bidibo Kolesagade Po Asęai Buku 11:20

Te sesemane sogo dwai homu ebo bidi dabede te Genuai Bidigo tede homu mu godolo isiąwai. Agai te bagede sębę mu ebo dao. Tiali goli, agai te dolo bilibo bidi dabe te wiegi yai homu pemene ebo dao.

Matyu 13:11

Agai po wei ponoyu te po wai, “Godigo agai we bidi tonalubo sę geme dualaluali po page haninama te agai dagebolo ola mawai dao. Tiali goli e bidi dabebolo te geme dualali po page te haninai menio.

Bugagia Bidibo Kolesagade Po Asęai Buku 17:15

Genuai Bidigo te kolesaga si te hagela homu mu ebo dao. Te dwai kolesaga ebo bidi dabe olo tagalubo kolesaga, me te dwai kolesaga isiąwai bidi dabeba dene mabo sę, te kolesaga si agai gedude dwai mu dao.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

Godigo Nogi Ugwaba Sabo Tęąbi Po Wabo Buku Dabe 18:26

Te bidi me deligo te meda mu meni yai kolesaga ebaso da, teda nago me agaba te wiegi yai kolesaga ola mabo da. Tiali goli, te bidigo dwai kolesaga wali pobaso da, teda nago agaba te dwai kolesaga wei ponobo dao.

Jopgo Po Asęani Elalubo Buku 29:4

Awe, eno homugo ena polobadu bidali tiwai naga bidimaina homu ebao. God eno dwagi yai abagi mu bidiyu, eno hani wai dabe, me be nai dabe agai bugagia mu tonaluai dao.

Kraisgo Geme Dualali Sę Pedelabo Po Jonbolo Ola Mani 2:17

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”

Dwagi Yai Gesi Po Lukgo Asęani 16:15

Tialima, Jisasgo augwalibolo te po wai, “Dagego homugo we bidi augwaligo dagede e homu yaibao, dage doloba pai bage dao. Tiali goli, God agai dagego homu kolesaga mu konebo dao. Tama we bidigo gedude wiegi yai nai dabe, te nai dabe Godigo gedude meda yai nai naga dao,” Jisasgo te po wali.

Bugagia Bidibo Kolesagade Po Asęai Buku 14:10

Te bidigo agade digi haliga sęgę ebo koneama, tama aga digi te pemene yabo koneani, tama agai te gasa bidiba me hanilibaso, usu egobeo.

Dwagi Yai Gesi Po Jongo Asęani 7:17

Niwai bidigo Godigo homu kolesaga wali pabo bidi agai eno ola mabo po page koneagameo. Eno te we bidibolo ola mabo po menade saliwe? Te Godigo po dawe? Ma eno homugo naga te po obawe? Niwai bidigo Godigo homu kolesaga wali pabo bidi agai eno ola mabo po page koneagameo.

Aisaia 41:24

Tiali goli, menio. Iya, tegoba! Dagego magi sę me deli yabo usu isąwai, magi baso meni, dage tibo god dabe te olo dwai nai naga dao. Tama te dagebolo lotu po wabo we bidi, augwali me eno gedude te dwai nai mu pedela silai dao.”