Bugagia Bidibo Kolesagade Po Asęai Buku 3:27 - Godigo dwagi yai po buku

²⁷ Te bidi me deli aga te doado bage sǫą pobaso, tama agai nagebolo mao olama, hanalu obaso da, nago te po me sela sągio, nago agabolo te po “Menio,” wagio. Te nage usu elalubaso da, nago aga mao.

Bugagia Bidibo Kolesagade Po Asęai Buku 3:27 Referans Kwoze

Galesia 6:10

Tama tibaso, dago te dwagi yai kolesaga ebo tų subaso da, teda dago te tigidali we bidi tau sao. Tama te Kraisde augwa homu tigidali muani we bidi te augwali dago hani we bidi tiwai dao. Tama tibaso, dago bomonama, tama augwali te dwagi yai kolesaga eyu, hauwa sogo tau sao.

Polgo Po Pas Rom Dabeba Asęani 13:7

Dagego te bidi dabe augwalibolo te haniani negeli elalubaso da, teda dagego te augwalibolo mao. Te haniani takis, te maket takis dali, kaunsil takis dali, te tobage negeli te tedali tedali takis mone sabo bidi dabebolo mao. Dagego te gavman dabede deli dologode bidabo negeli elalubao. Tama tibaso, dage augwali dologode bidao. Dagego te gavman bidi dabe nogi ugwaba sabo negeli elalubao. Tama tibaso, dagego augwaligo nogi ugwaba sao.

Jems 5:4

Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.

Tigidali Nai Gagalama Nigali Side 31:29

“Eno te nage dolabo bomo elaluali, tiali goli hulide nago ayago Godigo enabolo te po wali, ‘Nago te Jekop wi ilibo sę deli me elamuo,’ po wali.

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Bomai Po 15:13

Tama agai te bidigo sę ebo tagalama pabo si da, teda te page bidigo aga aga buluba olo taga palamuo. Menio.