Bugagia Bidibo Kolesagade Po Asęai Buku 3:25 - Godigo dwagi yai po buku

^25-26 Nago konealubo po te Genuai Bidiba bomonama dąų wali da, tama te agai nage bobogela selama, te nago tonalu, tama te boi bidi dabego augwa wade te nage me kęą sogobeo. Tama te dwai sę ebo sogo te dwai bidi dabeba pedelama, te augwali dolobaso da, nage wi me elamuo. Te tobage dwai sę pedalubo sogo te augwaliba polo tama pedalu, te genuai wali me tulubage asobo tiwai ebo dao.

Bugagia Bidibo Kolesagade Po Asęai Buku 3:25 Referans Kwoze

Godigo Nogi Ugwaba Sabo Tęąbi Po Wabo Buku Dabe 112:7

Agai te sęgę pedelabo po odolama, aga wi homu me egobeo. Agai Genuai Bidi dali konealubo po bomo elama, dąų wabo dao.

1 Pita 3:14

Tialima dagego te doloba pai sę yai goli te gasa bidi dabe augwaligo dage dene me sogo mayu da, teda God agai dage dali dwagi yai homu eyu dwagi yai kolesaga dage dali yaibao. Tama tibaso, dage augwalide wi egio, te augwaligo dage dali ebo sęde me dage moni homu egimio.

Godigo Nogi Ugwaba Sabo Tęąbi Po Wabo Buku Dabe 91:5

Nago te magi nai me deli nageba te hulide pedelaiba homu eyu, wi me egobeo. Tama te giligade nage te magi nai me delide wi eyu, te nage dolabo nai me deli te polo pedelabo homu wi me elamu dao.

Dwagi Yai Gesi Po Jongo Asęani 14:1

Te bidi Jisasgo aga bidi dabebolo te po me wai, “Dagego homu kolesaga midigi sigio. Dagego duga homu God dali dąų wabo dao. Dagego ena dali me duga homu dąų wao.

Dwagi Yai Gesi Po Makgo Asęani 4:40

Tama agai aga wali pabo bidi dabebolo te po wai, “Magi baso dage te tiwai wi ebawe? Te dagego enade te konealubo po dąų weyu enaba duga homu me tialubo meniwe?” te po wai.

Matyu 24:6

Tama dagego te moni wąbi hwįbo kulukulu dali te wąbi hwįbo po sabilibo po odaibao. Dagego odama, dage midigi polo selama noma sigio. Te sę bolo pedelaibao, tiali goli te tǫ de dagalu si silabo sogo me elalubao. Te nosali mu pedelaibao.

Godigo Nogi Ugwaba Sabo Tęąbi Po Wabo Buku Dabe 73:19

Augwali te polo tama dolali. Tama augwali te isibo te dwai mu ebo dao.

Dwagi Yai Gesi Po Lukgo Asęani 21:9

Dagego odoyu da moni wąbi hwįbo po odobo si, teda dage didibili egio. Ma, bidi dabe augwaligo te gavman sela sąwai hagede wąbi hwįbo po odobo si, te dage didibili egio. Te sę polo hasia pedaliyu polo yaibao. Tiali goli, te si polo siligobeo, tigidali nai silabo si polo asogobeo,” Jisasgo te po wai.

Matyu 24:15

Jisasgo te po me wai, “Te polobadu bidali bidi Daniel agai Godigo po pusuyu, te dolobo gasa dwai naide po pusali, polobadu. Tama dagego te dwai nai te magi dwai sę isąwai wiegi yai bulude bidibo sueibao. (Bidigo te po nedebaso da, agai homugo bugagia koneao.)

Bugagia Bidibo Kolesagade Po Asęai Buku 1:27

Te dwai sogo te dageba te bomai wali aselama, te pedalubo tiwai eyu, tama te sęgę me dene tego dage doliyu, te wę gegi page pobegebo tiwai bomai waligo ebo tiwai gilama yaibao.”

Aisaia 54:14

Te eno doloba pai kolesagade te eno nage bomai pedalumainu ilaibao. Te nage aiyaba elaluama, te dwai sęgo dolabo bidi me menio, te nage magi nai me delide wi me egobeo. Te nago wi ebo tigidali silaibao.

Maika 4:4

Tama tigidali bidi deli deli te augwa wain bono gi, me ni fik kaya gi pąde bugagia bidalu, te mena bidi me deligo augwali wi ilabo sę me iligobeo. Te Tigidali Bomo Elalubo Genuai Bidigo te po dąų waliyu, wai dao.

Sekaraia 9:8

“Te eno ena tǫ kantri tonalu, eno te tǫba te ami bidi dabe uga peyu, eda asu ebo sę munu ma egobeo. Te boi bidi dabego eno we bidi dabe aiyaba elaluama, te augwaliba dwai sę ebo eno me gogolama sula tagalogobeo, magi baso meni, eno suali, te we bidi dabe augwali dene sabo suai dao.” Genuai Bidigo te po me wai.