Bugagia Bidibo Kolesagade Po Asęai Buku 3:21 - Godigo dwagi yai po buku

²¹ Wai, nago te bugagia tonalu, te nago naga wiegi yai homu kolesaga, me koneani kolesaga te bugagia dąų olama, tolaluao. Tiyu, nago tagalabuo.

Bugagia Bidibo Kolesagade Po Asęai Buku 3:21 Referans Kwoze

Josua 1:8

Nago te bomai po elalubo bukugo po munu me homugo gegeda pelamuo. Te nago bugagia tonaluyu, tama te bomai pode elalubo tigidali po mu wali pomainogo eyu, nago te giligade me, hulide me, nago te bomai pode bugagia skul elama, konea sao. Te nago tama tiyu da, te nago gasa sę tigidali ebo te wiegi yai naga ilaibao.

Bugagia Bidibo Kolesagade Po Asęai Buku 4:21

Nago eno te po bugagia homude kęą selama, tama nago homuba bugagia muao. Tiyu, nago tagalabuo.

Bomai Po 4:9

Dagego bugagia tonaluiąo. Te dage tigidali sogo e tǫde bidiyu, dagego duga te suali te nai dabe munu me gegeda pelamuo. Te Godigo yali sę suali te duga homude mu dąų walao. Dagego duga wai dabe, me waigo wai dabeba pusa mayu,

1 Jon 2:27

Tialima dagede, dage Kraisgo aga Mobo Bidi olo mayu tama aga dage dali me bidibao. Tama aga Mobo Bidi dage dali bidibadi, te sogo dage te po ola mabo bidi dage dali me sǫą pabeo. Dagego te gasa po ola mabo bidi dabe sabo homu egio. Menio. Mobo Bidi agai dage tigidali kolesaga ola mabo dao. Tama te Mobogo mu po tama naga wabo dao. Agai tibo po me wabeo. Agai tama tibaso, dagego agai po wali peyu tama Krais dali wadoloyu bidiąo.

Dwagi Yai Gesi Po Jongo Asęani 8:31

Tama tibaso, Jisas agai te agabolo homu tamadi muai we bidi tebolo te po wai, “Dagego eno ola mabo po wali peyu da, teda dage ena wali pabo we bidi mu dao.

Bugagia Bidibo Kolesagade Po Asęai Buku 2:7

Agai te doloba pai bidi dabego homu kolesaga dodoliyu, tama augwaligo te augwa wali pabo kolesaga te bugagia dagalaibao. Tama agai augwali bugagia seselalubaso, te augwali me dologobeo.

1 Jon 2:24

Te dagego polobadu te Godigo po odobo gagalali sogode odali po, te po dagego duga homude dąų ola sao. Dagego te gagalali sogode odali po bugagia dąų ola siyu da, teda dage te Ogwa dali Aya dali si dali wadoloyu sesemane sogo bidaibao.

Bugagia Bidibo Kolesagade Po Asęai Buku 1:4

Tama te bidi mebago te koneai kolesaga dwasianu naga elalubaso da, teda te e pogo te augwali tau selama, te gasagi yai bidi me pedalu, tama agai te koneani wiegi yai kolesaga te gesi bidi dabeba mayu, tama augwaliba te bilibo wiegi yai kolesaga ola mawaibao.

Bugagia Bidibo Kolesagade Po Asęai Buku 5:2

Tama tibaso da, teda nage te doloba pai kolesagade bilaibao, tama te nago po tigidali te wiegi yai kolesaga koneai bidigo po tiwai yaibao.

Bugagia Bidibo Kolesagade Po Asęai Buku 8:14

Eno te wiegi yai homu kolesaga te we bidi dabeba mayu, tama eno augwali te tau siyu, te wiegi yai sę ebaso, usu igi dao. Ena digi eno te wiegi yai homu elalu, tama eno genuai bomo elalubo dao.

Bugagia Bidibo Kolesagade Po Asęai Buku 18:1

Te abagi homu isiąbo bidigo, agai homu te agade digi naga elaluaibao. Te gasa bidi dabego te wiegi yai homu elalubo te tagalu, te bidigo te augwaligo ebo homuba wei eyu godolo me egobeo.

Bugagia Bidibo Kolesagade Po Asęai Buku 4:6

Nago wiegi yai homu kolesaga ebo me tagaligio. Menio. Nago aga godolo mu ebaso da, te agai nage tonaluaibao.

Bugagia Bidibo Kolesagade Po Asęai Buku 19:8

Te bidi agai digi tau sabo homu ebo bidi, aga te wiegi yai homu kolesaga koneabo sę bomo yaibao. Tama bidigo te koneani kolesaga te aga homude dąų weyu tolaluyu da, teda te aga bugagia bidabo bomo te elalubo dao.