Bugagia Bidibo Kolesagade Po Asęai Buku 3:20 - Godigo dwagi yai po buku

²⁰ tama agai te tǫba wę pedalumainu iliyu, te agai te dagalude elalubo pǫ dabe sisinimainu ilama, tama te tulubage tulubo dao.

Bugagia Bidibo Kolesagade Po Asęai Buku 3:20 Referans Kwoze

Tigidali Nai Gagalama Nigali Side 7:11

Te Noa te kibu be hauwa mu 600 bidama, tama te si wabo polua, dei 17 nogo si olama, sągągo a naga, me badu sągągo si tama side, te tǫ dologode te tigidali genuai wę dabe te sunumi dala pela silama, tama wę ugwaba pedelali. Tama dagalude me te tigidali dedage dala pelama, tama wę aiyaba gelalio.

Tigidali Nai Gagalama Nigali Side 27:28

Te eno homugo te Godigo hulide te siginibo wę tagala palomainu elama, tama nago tigidali gide nai hauwa holomainu yaibao. Te agai nagebolo te wit hauwa me, wain wę me hauwa momainu yaibao.

Tigidali Nai Gagalama Nigali Side 1:9

Nosali Godigo te po wai, “Te dagalu dologode elalubo wę, te wę dologode elalubo tǫ hania ugwaba pedalumainogo eyu, te wę te deli madiba me sisinigi pelama, te bulu tǫ wa pomainao,” te po wai. Tama tiyu, tama te bulu tǫ pedelama, tama wa pali.

Joel 2:23

“Te Saion we bidi dabe, dage wiegi yai pemene iyąo. Dagego te duga Genuai Bidi ena Godigo dage tau sali sęde wiegi yai pemene yao,” wai. “Eno dageba te tulubage te nai bulabo sogo usu nama mawai, tama dageba te polobadu yali tiwai te tulubage hauwa mawai.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Bomai Po 33:28

Tama tiyu da, te Jekopgo hani augwali bugagia bidaluyu, tama te boi bidi dabego augwaliba me hwįagasogobeo. Tama te pesagede te hulide ąį segeni tulama, tama tǫ tedolama, tama tubo nai dabe hauwa elama, wain dabe me hauwa elaluaibao.

Bugagia Bidibo Kolesagade Po Asęai Buku 8:24

Ena pedelali sogo, te Genuai Bidigo te tamu ąį me te ulu ąį dabe nigisiąbadi,