Bugagia Bidibo Kolesagade Po Asęai Buku 3:1 - Godigo dwagi yai po buku

¹ Waio, eno nage ola mawainu ebao, tama nago homude te po munu me tagaligio. Menio. Te sesemane sogo nago bugagia homu kone palao.

Bugagia Bidibo Kolesagade Po Asęai Buku 3:1 Referans Kwoze

Bugagia Bidibo Kolesagade Po Asęai Buku 4:5

“Nago homu wiegi yai elama, te nago wiegi yai kolesaga koneama sao. Nago eno po te munu me sela sąyu, ma homugo gegeda pelama, tagalu me elamuo.

Godigo Nogi Ugwaba Sabo Tęąbi Po Wabo Buku Dabe 119:16

Nago bomo yai po eno godolo mu ebao. Tama eno homugo te po gegeda peyu, tagalogobeo.

Bugagia Bidibo Kolesagade Po Asęai Buku 1:8

Ogwa o, nago te naga ayago mobo mabo po odolama, tama nago idago po me sela sągio.

Godigo Nogi Ugwaba Sabo Tęąbi Po Wabo Buku Dabe 119:93

Eno nago bomo yai po me tagalogobeo, magi baso meni, eno te po dabe wali pobaso, te nago ena bidabo ula mobaso ena bidibao.

Godigo Nogi Ugwaba Sabo Tęąbi Po Wabo Buku Dabe 119:34

Nago te dwagi yai po enabolo hania bugagia ola mayu da, te eno wali paibao. Eno homugo ena hodolobaso da, te eno te dwagi yai po tigidali wali paibao.

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.

Godigo Nogi Ugwaba Sabo Tęąbi Po Wabo Buku Dabe 119:11

Eno nago po eno homude munama, tama eno konealuai. Magi baso meni, eno nage dali dwai sę idali weyu tibao.

Bomai Po 8:1

Tama Mosesgo te po wali, “Dagego megi eno dagebolo mawainogo ebo te bomai po wiegila wali piąo. Tama tiyu da, dage bugagia bidiyu, tama dagego Genuai Bidigo dagego wąįbolo mawaibao olama dąų walali te tǫ sigi paibao. Tama dage tede hauwa mu pedalaibao.

Godigo Nogi Ugwaba Sabo Tęąbi Po Wabo Buku Dabe 119:153

Nago suali, ena te genuai sęgę elalubo, tama tialima, nago te sęgę sela sąyao. Eno nago bomo yai po homu kone me gegeda palobo menio.

Hosea 4:6

Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.

Bomai Po 4:9

Dagego bugagia tonaluiąo. Te dage tigidali sogo e tǫde bidiyu, dagego duga te suali te nai dabe munu me gegeda pelamuo. Te Godigo yali sę suali te duga homude mu dąų walao. Dagego duga wai dabe, me waigo wai dabeba pusa mayu,

Godigo Nogi Ugwaba Sabo Tęąbi Po Wabo Buku Dabe 119:176

Eno te sunumi tagalama olo bilibao, te kibu sipsip wai hagabo tiwai ebao. Tama tibaso, nago ena naga sę bidi gegagasao. Magi baso meni, eno nago bomo yai po homu kone palobo, me gegeda pabo meni dao.

Bomai Po 4:23

Dage bugagia tonaluao. Tiyu dagego God Genuai Bidigo dage dali dąų walali te po dagego gegeda pabuo, dagego. Dagego agai po wali piąo. Tama dagego duga tibo tibo god dabe me geselamuo.

Bugagia Bidibo Kolesagade Po Asęai Buku 31:5

Tiyu, augwaligo te wę tubaso, tama augwa te bomai po dabe, me tama augwaligo te doloba pai kolesaga te magi nai meni yai bidibolo ebo, te kolesaga dali homu kone tua peyu, tagalabuo.

Aisaia 51:17

Jerusalem, nage hogodao. Nage hogodama, bomonama ma dolugulao. Genuai Bidigo haliga sębę te wain ąį me deli te nageba mani tiwai ebao. Te agai nago te ąį tulama, silainu ebo tiwai yali. Te naga gęǫ page mu elama, umuna palali dao.

Ma Dobola Sali 20:6

Tiali goli, ena godolo homu elama, tama eno bomai po tigidali wali pabo we bidi bidibaso, teda eno augwali me godolo eyu, te augwaligo wai dabe hauwa 1,000 mu nosali pedalobo hani me, te eno augwali dali wiegi yai homu eyu, augwali eno godolo mu yaibao, tama te kolesaga ebo siligobeo.”

Godigo Nogi Ugwaba Sabo Tęąbi Po Wabo Buku Dabe 91:16

Te augwaligo bidabo ula te ibanu gana bobage kidilama, te augwa gasa ugwadu me daganobo tiwai yaibao. Tama eno augwali ma selama, tama augwali ena dali bidaibao,” wali.

Godigo Nogi Ugwaba Sabo Tęąbi Po Wabo Buku Dabe 119:61

Te dwai bidigo usu sabo homugo ena paliyu, tama ena augwaligo kolesagaba oda sainogo ebao, tiali digi eno nago bomai po tagalobeo.

Bugagia Bidibo Kolesagade Po Asęai Buku 2:1

Wai, nago eno po odama, tama naga homuba bugagia muao.

Bugagia Bidibo Kolesagade Po Asęai Buku 4:2

Te eno nagebolo mabo po, te wiegi yai mu, tama tibaso, dagego munu me sąnamu dao.

Bugagia Bidibo Kolesagade Po Asęai Buku 16:31

Te bidi dabego te monu dabego ayadeba tobolu nisi sulama, tama augwa koneaibao, te monu dabe augwa te doloba pai kolesaga wali paligo tama augwa te tǫde sesabi elama bidibao. Tama tiyu, te augwaligo te genuai nogi augwaliba mabo dao.

Bugagia Bidibo Kolesagade Po Asęai Buku 23:26

Ogwao, nago eno po bugagia odolama, tama eno kolesaga suyu, wiegi yai pemene yao.

Bomai Po 5:16

“‘Dage duga ida aya dologode elaluyu, tama augwaligo po wali piąo, te ena God, dagego Genuai Bidi, eno dagebolo wabo yali gilama. Tialima, dagego te tama sę eyu da, teda dagede tigidali sę wiegi yai mu pedelaibao. Tama dage eno megi te mabo te tǫde dage bobobage sogo mu bidaibao,’ wali.”

Bomai Po 5:33

Te tigidali bomai po bugagia wali peyu da, dagego ebo sę dabe tigidali wiegi yai pedalaibao. Tama dage bobobage sogo mu te megi dagego sainogo ebo te tǫde bidaibao,” Mosesgo te po wali.

Bugagia Bidibo Kolesagade Po Asęai Buku 4:21

Nago eno te po bugagia homude kęą selama, tama nago homuba bugagia muao. Tiyu, nago tagalabuo.

Bugagia Bidibo Kolesagade Po Asęai Buku 8:1

Wiegi yai doloba pai homu kolesaga te we me deli dolugulama, te da i wabo tiwai ebao.

Bugagia Bidibo Kolesagade Po Asęai Buku 9:1

Wiegi yai doloba pai homu kolesagago aga be sę yani. Agai te pos nogo a naga olama, me badu nogo si te dodolama, te dąų walama, te be au ilali.