Bugagia Bidibo Kolesagade Po Asęai Buku 29:1 - Godigo dwagi yai po buku

¹ Te bidi me deli augwaligo hauwa sogo dodolali, tiali goli te aga hagoma ebo sę te umabo pedaludubaso da, teda polo tama mu te aga dolama, tama augwaligo aga tau sabo sunumi menia saibao.

Bugagia Bidibo Kolesagade Po Asęai Buku 29:1 Referans Kwoze

Bugagia Bidibo Kolesagade Po Asęai Buku 6:15

Tiali digi, polo mu tama te dolobo genuai sęgęgo te augwaliba pedalubaso da, teda augwali te usu ma ilabo sunumi me elalugobeo.

1 Samuel 2:25

Te bidi me deligo gasa bidi dali dwai sę me ebaso da, teda Godigo te po isimainu elama, tama te sę dodoloyu ebo dao. Tiali goli, bidigo te Godiba dwai sę yali da, te niwai bidi te tomode dolalu, tama te dwai sę dodolaibawe?” Eligo augwali sibolo te tiwai po wali, tiali goli, te Genuai Bidigo augwali si ela muabo homu elama, tama agai augwali sigo tobolu te dila palama, tama augwali sigo te augwa ayago po me odobeo.

Bugagia Bidibo Kolesagade Po Asęai Buku 28:18

Te bidigo doloba pai kolesaga wali peyu da, te Godigo aga tonaluyu, aga bugagia bidaibao. Tiali goli, te bidigo dwai kolesaga yali da, te polo mu tama aga dolaibao.

Dwagi Yai Gesi Po Jongo Asęani 13:18

Te agai po me weyu, te po wai, “Dage tigidali dali eno te po wabeo. Ena digi te ena sa muai bidi dabe, te eno konealubao. Tialima, te Godigo po bukude polobadu wali po te nai egilama, mu pedalaibao. Te polobadu asęani po te dao, ‘Ena dali nai tuali bidi te bidi agai megi ena dali boi bidi yaibao.’

Dwagi Yai Gesi Po Jongo Asęani 13:26

Tama Jisasgo po wei ponoyu, te po wai, “Eno e tubo nai bret dagego te poude elalubo tubo nai meba selama, tama bidi me deli mawaibao. Te bidi te tama dao.” Tilama, Jisasgo bret naigo te poude elalubo nai meba selama, tama Judasbolo mawai. Te bidi Judas, aga aya nogi Saimon, aga bulu nogi Keriot dao.

Godigo Sęba Tagala Palai Bidigo Po 1:25

da ola mao, te Judasgo yali sę somainu, nago tagala pali bidigo sę. Te sę Judasgo tagalama, aga digi dwai sę yali. Tialigo da, aga genuai sęgę mu salio,” te po wai.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Godigo Sęba Tagala Palai Bidigo Po 1:18

(Polobadu Judas agai Jisasde dwai sę elama, masigi dabe sai dao. Tama te masigigo tǫ abelama, tede tulaluyu, aga tabi peda peyu, aga haliga dabe buluba dią soyu, tama isai dao.

Nehemia 9:29

“Nago po bomo elama augwaliba weyu, te nago bomai po wali pomainu yali. Tiali goli, augwaligo hagoma eyu, tama augwaligo nago bomo yai poba tudi ola mawai. Augwaligo koneani, augwaligo te bomo yai po wali pobaso da, te augwali bugagia bidimainu yai. Tiali goli, augwaligo tobolu te dila pelama, tama augwaligo tabi haliga te dagana sali, tama tiyu te augwaligo nago po wali me pisąwai dao.

Tuni Bidi Dabego Po Elalubo Buku Si 36:13

Sedekaia aga sębę mu elama, tama aga homu begelebo hagela elama, tama aga Genuai Bidi te Israel dabego Godiba ma asobo hagela mu yali. Nebukatnesargo Sedekaiabolo te Godigo gedude te ugwa dagalu bidigo gedude tigidali sogo Nebukatnesar agai po naga wali paibao po dąų omainu ilali. Tiali goli Sedekaia aga tobolu gagea pelama, tama aga Nebukatnesar dologode munu me bidibeo.

Tuni Bidi Dabego Po Elalubo Buku Si 33:10

Te Genuai Bidigo Manase me te we bidi augwaligo te dwai kolesaga eboba tudi ola mao po wali, tiali goli augwaligo po odama wali pabeo.

Te Israel me Juda Hani Sigo Tuni Bidigo Po Elalubo Buku Deli 22:28

Tama Mikaiago Ahapba te tiwai po ma wali, “Nage te dolobo sęgo gegesiąma, te nage asobaso da, teda Genuai Bidigo enabolo te po mabe da homu yagameo,” wali. Tama Mikaiago te tama po ma wali, “Dage tigidali hani we bidigo te po bugagia odao,” wali.

Te Israel me Juda Hani Sigo Tuni Bidigo Po Elalubo Buku Deli 18:18

Tama Elaijago Ahapgo poba wei ponoyu, te tiwai po wai, “Nago tibo po obao. Te sę yabo page eno menio. Te sę yabo page nago dali, te nago ayago hanide dali elalubao, magi baso meni, dagego te Genuai Bidigo po sela sąnama, te dagego tibo god Bal dabeba lotu oduai dao.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

1 Samuel 2:34

Tama nosali nago ogwa si, Hopni me Finias, te augwali si te deli sogo bubugade naga isaibao,” wali. “Tama augwali si isibo sogode nago koneaibao, eno te wali po tigidali mu po da homu yaibao.

Jeremaia 17:23

Tialima, duga wąį nǫų dabego eno po me odama, wali me pabeo. Menio. Augwa hagoma naga eyu, tama augwa te eno wiegi yai kolesaga ola mabo hagela homu yai dao.

Aisaia 48:4

Magi baso meni. Eno te tiwai bugagia koneani, dagego tobolu te masigi me ain dila pai tiwai elalu, tama dagego eno po wali me pisąwai dao.

Tuni Bidi Dabego Po Elalubo Buku Si 25:16

Profetgo po odubadi tama Amasiago agai po togoyu, te po wali, “Dego nage enabolo kolesaga mabo bidi nigilai dawe? Nage penane pania sao. Tiyu, eno ami bidi me delibolo nage elama isila po wai dalio,” wali. Profetgo te po odama, aga penane pania sainogo, hasia bolo agai kingbolo te po walali, “Megi da, eno koneanio, Godigo nage dolainogo yalio, magi baso meni, nago dwai kolesaga elama, tama megi nago eno po odobo hagela yalio,” wali.

Te Israel me Juda Hani Sigo Tuni Bidigo Po Elalubo Buku Deli 20:42

Tama profetgo kingba te tiwai po wai, “Genuai Bidigo te tama po walio, ‘Ena Genuai Bidi, eno te po wai dao, te dage boi hwįbo sogo, dagego te boi bidi tigidali mu ela muao. Tiali goli, nago te Benhadat sula tagalama pomainu yali, tama nago aga ami bidi dabe wi pomainu sula tagalai. Tama tibaso, nage isibogo te Benhadatgo pesage nago hasegelaibao, te nago ami bidi dabe me isibogo te agai ami bidi dabego pesage hasegelaibao,’” te po wai dao.

Jopgo Po Asęani Elalubo Buku 9:4

Godigo haniani dwagi yai kolesaga dabe, me dwagi yai homu kolesaga, tama bomo me elalubo, tama dęą sogobeo. Tialima, niwai bidigo Godigo bomo dali, kolesaga dali si usu selama, God edelaibawe?

Bugagia Bidibo Kolesagade Po Asęai Buku 28:28

Te dwai kolesaga ebo bidi dabe te bulu kantri tǫ pedai tonaluabo tobolu bidi te pedalubo sogo, te we bidi dabe augwalide geme duala saibao. Tiali goli, te bidi dabe isai madigi da, te doloba pai bidi dabego hani te genuai bidi pedelaibao.

Jeremaia 36:31

Te eno nagebolo me, te nago wai dabeba me, te nago ofisa dabeba me, te dwai dene mu ilama, te dagego dwai kolesaga yali wei ponaibao. Te eno dwai dene me sęgę mabo sę te Jerusalem me Juda we bidi dabeba yaibao, te eno yaibao po wali gilama te sę yaibao. Eno te bukude asęani po augwaliba mani, tiali goli augwaligo me odobeo,’ te po te king Jehoiakimbolo asęao” Genuai Bidigo Jeremaiabolo wali.

Habakuk 2:7

Deli sogo polo tama te gasa hani dabe aiyaba elalubo bidi dabe, te dugade digi genuai negeli elalueibao, tama gasa hani bidi dabe dageba aselayu, tama dagebolo te po weyu, te negeli elalubo polo tama wei ponao po waibao, tama dage wi eyu, tigi didibili yaibao. Awe, te boi bidi dabe aselama, bomonama, te dagego doado bage tigidali kegelama, tama sela paibao.

Ma Dobola Sali 9:7

Tama tuni bidigo aga hani dali hanalu wali, “Te Israel bagego kibu dabe te bugagia bidibowe?” Tama te bidi mebago agabolo te po wai, “Awe. Tigidali bugagia bidibao. Me deli munu me isibeo.” Tiali goli, te tuni bidi homu kolesaga dwai me elaluyu, tama te we bidi augwali me tagala palobeo.

Bugagia Bidibo Kolesagade Po Asęai Buku 28:14

Te bidi Genuai Bidide wi eyu, aga dologode sesemane sogo bidibaso da, teda aga wiegi yai homu pemene yao. Tiali goli, te bidigo hagoma elama, tama Genuai Bidigo po sela sąbaso da, te agaba dwai sę agaba gegagasaibao.

Aisaia 28:22

Tama tiali, dagego te Genuai Bidigo po dolobo kolesaga tagaliąo. Ma, meniyu da, dagego sęgę dabe genuai mu pedalaibao. Magi baso meni. Eno odali, God Tigidali Bomo Elalubo Bidigo te bomai po tama wabo suali. Agai e bulu tigidali pesage mu dola silaibao.

Jeremaia 14:19

Genuai Bidi, nago te tǫ kantri Juda tudiba mu muani da, agawe? Te nago Saion hanu godolo homu mu meni ebawe? Magi baso nago da dwagila mu elama, te da usu ma yabo ąǫ isąbawe? Dago homu te da bugagia bidaiba homu yali. Tiali goli, te da bugagia me dugulalubeo. Te dago homugo te da usu ma yabo sogo pedelaiba homu yali, tiali goli, te boi bidi dabe aselama, te wi dwai mu ilibo sę ebo dao.