Bugagia Bidibo Kolesagade Po Asęai Buku 28:9 - Godigo dwagi yai po buku

⁹ Te bidigo te Godigo bomai po tudiba mubaso da, teda Godigo agai gedu haluasa po wabo me odogobeo. Te Godigo te gedu haluasa po wabo te kukumini ebo nai subo tiwai yaibao.

Bugagia Bidibo Kolesagade Po Asęai Buku 28:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 66:18

Tiali goli, eno homugo te eno dwai sę ebo kolesaga te olo nai tiwai da wagi sogo da, teda Genuai Bidigo te eno gedu haluasa po wabo te me odogi menigi dao.

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Godigo Nogi Ugwaba Sabo Tęąbi Po Wabo Buku Dabe 109:7

Te po tų odobo bidigo te bidigo dwai sę yali hanila palama, tama aga te kalabusiba tagala palao. Tama agai te bidigo gedu haluasa po wali me te sęgę da homu yaibao.

Bugagia Bidibo Kolesagade Po Asęai Buku 21:13

Te nago olo pania selama, tama te doado bage meni yai bidi dabego augwali tau somainu nageba i wabo nago odisąbaso da, teda nosali me te bidi dabe augwaligo te nago i wabo me odogobeo.

Dwagi Yai Gesi Po Jongo Asęani 9:31

Dago koneai, Godigo te dwai sę ebo bagego hanalu wabo po odobo menio. Tialima, bidi me deligo agai Godide wi eyu, Godigo po odoyu, Godigo homu wali pabo bidi, te bidigo hanalu wabo po Godigo odobo dao.

Bugagia Bidibo Kolesagade Po Asęai Buku 10:3

Genuai Bidigo te doloba pai kolesaga ebo bidi dabe te nai sǫą pomainu ilama gogologobeo. Tiali goli, agai te dwai kolesaga ebo bidi dabego te nai dabe somainu me iligobe, te augwaligo sainu te sę dene gesoai mu ebo dao.

Bugagia Bidibo Kolesagade Po Asęai Buku 21:27

Genuai Bidigo te dwai kolesaga ebo bidigo ofa te wei mu me egobeo, aga tede sębę ebo dao. Tama te bidigo te tibo kolesaga wali peyu, te ofa ebaso da, teda Genuai Bidigo te dwai kugumini yai kolesaga mu da homu ebo dao.

Aisaia 41:24

Tiali goli, menio. Iya, tegoba! Dagego magi sę me deli yabo usu isąwai, magi baso meni, dage tibo god dabe te olo dwai nai naga dao. Tama te dagebolo lotu po wabo we bidi, augwali me eno gedude te dwai nai mu pedela silai dao.”

Godigo Nogi Ugwaba Sabo Tęąbi Po Wabo Buku Dabe 94:20

Te bomo yai po mubo bidi dabe augwaligo te we bidibolo augwaligo dwai sę emainao wai. Nago te tobage dwai sę ebo tobolu bidi dabe dali abagi homu ebo menio.

Jeremaia 14:12

“Te augwaligo nai habu selama, enaba gedu haluasa po obadi goli, te tagalao, eno augwaligo i wabo munu me odogobeo. Te augwaligo sia ulama, tigidali dela pabo ofa ebadi goli, te tagalao, te wit ulubo ofa ebo me, eno te we bidi augwaliba wiegi yai pemene me egobeo. Menio. Te eno boi bidi dabe tagala palama, augwali elagasomainu yaibao. Te eno augwali nai menia somainu ilama, te augwali isaibao. Tama genuai gasi augwaliba pedalumainu elama, te augwali isila paibao. Tama tebo kolesagade te eno augwali silimainu yaibao,” wali.