Bugagia Bidibo Kolesagade Po Asęai Buku 28:8 - Godigo dwagi yai po buku

⁸ Te bidigo te bidi dabego agaba te nai negeli somainu elama, tama agai te augwalide gasa ugwadu daganobo profet mone genuai dali sobaso da, teda agai te mone tolalubaso, usu me egobeo. Menio. Te mone te magi nai meni yai bidi dabe tau sabo bidigo nogoba pelama, tama te magi nai meni yai bidi dabe tau somainu ebo dao.

Bugagia Bidibo Kolesagade Po Asęai Buku 28:8 Referans Kwoze

Bugagia Bidibo Kolesagade Po Asęai Buku 13:22

Te wiegi yai bidi isibo sogo, te aga hani ogwa dabego te agai doado bage hauwa saibao. Tiali goli, te dwai bidigo sisinibo sę yali mone yai baso da, teda nosali te doloba pai bidi dabego te agai sisinani nai dabe sabo dao.

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Pris Sę Ebo Bomai Po 25:36

Te agai dagede mone negeli yai baso da, teda agai te mone negeli wei ponobo sogo te dagego gasa ugwadu daganobo mone dali manama, momainogo elamuo. Te agai nai abelainogo ebaso, te dagego mone ugwaba holoyu, te agade gasa mone dali saiba homu igio. Dage Godide wi naga elama, te abagi dage dali bidimainao.

Esekiel 18:17

“Agai te magi nai meni yai bidi dabe dolobo sę me isąyu, tama agai te abagi dabede te wei ponobo mone gasa dali ugadu daganama me sabo menio. Agai eno tigidali bomai po, me eno gasa po dali wali pobaso, te tobage bidi te bugagia bidaibao. Mu tama, aga ayago te dwai sę hauwa yali, tiali goli wai da, te ayago yali dwai sęgęde me isigobeo.

Ma Dobola Sali 22:25

“Tama eno we bidi augwali mone mu menia sobaso, tama augwaligo dage dali negeli sobaso da, teda dagego te mone sabo bisnis sę ebo bidigo negeli mabo tiwai igio. Tama augwaligo te negeli sali wei ponobo sogo, te dagego gasa mone dali daganama, sigio. Mu menio.

Esekiel 18:13

Tama aga abagi dabego te negeli wei ponobo sogo, agai te gasa ugadu daganobo mone dali sabo dao. Te tobage bidi da, te bugagia bidaibao homu eba, agawe? Mu menio. Agai te yali kolesaga dabe eno godolo homu mu isąbaso, te aga isimainao,” wali. “Te aga yali kolesaga pagede te aga isaibao po wai dao,” wali.

Esekiel 18:8

Te abagi me delibolo agai negeli ilibo sogo, te negeli wei ponobaso da, teda agai te gasa ugadu daganobo mone dali me sogobeo. Te agai po tų odobo sogo, agai doloba pai kolesaga naga eyu, tama agai te po tųba asali bidi dabe dali po bugagia dodolobo dao.

Bugagia Bidibo Kolesagade Po Asęai Buku 14:31

Godigo tigidali bidi nigali, tama tiyu, te bidi me deligo te magi doado bage meni yai bidi dabe aiyaba elalubaso da, agai te God aiyaba elalu dolobao. Tiali goli, te magi doado bage meni yai bidi dabe bugagia wiegi yai ilibo kolesaga ebo bidi da, agai te Godiba genuai nogi mabo dao.

Bugagia Bidibo Kolesagade Po Asęai Buku 19:7

Te bidi te doado bage sǫą pai baso da, teda te aga ama dedego te wei homu me egobeo. Te tiwai eyu da, te aga abagi dabego me te aga tudiba muaibao. Te agai augwali homu bega sabo po obadi digi tagalao, te aga po odolali waibao.

2 Samuel 12:6

Tama agai te magi nai doado bage meni yai bidibolo te sipsip me si me si te wei ponao wagi dao, magi baso meni, agai dwai kolesaga mu elama, tama te bidide homu dene dwasianu me ebeo,” wali.

Godigo Nogi Ugwaba Sabo Tęąbi Po Wabo Buku Dabe 72:13

Agai te bomo meni yai we bidi dabe te dwai bidibo, te agai augwali homu dene ebo dao. Tama te magi doado bage meni yai we bidi dabe agai augwali ma sabo dao.

Bugagia Bidibo Kolesagade Po Asęai Buku 14:21

Te bidigo gasa bidiba dwai po weyu dolobo bidi da, teda aga te dwai sę dolo ebo bidi mu yali. Tiali goli, te doado bage meni yai bidi dabe te bidigo wiegi yai homu elama, te olo mu tau sabo kolesaga ebo bidi da, te aga wiegi yai homu pemene yao.