Bugagia Bidibo Kolesagade Po Asęai Buku 27:9 - Godigo dwagi yai po buku

⁹ Sanda me te tobage wel dabe te wiegi yai denami elalubo, augwaligo dabolo te wiegi yai pemene ilibao. Tama te abagi dabego dabolo te wiegi yai pemene ilaibao, magi baso meni, augwaligo te da tau sabo homu mu elama, tama augwaligo wiegi yai mobo mabo po dabolo mabo dao.

Bugagia Bidibo Kolesagade Po Asęai Buku 27:9 Referans Kwoze

Bugagia Bidibo Kolesagade Po Asęai Buku 16:21

Te bidi dabego koneani, te wiegi yai homu kolesaga elalubo bidi yai baso da, teda agai te tobage homu kolesaga dabe dagalobaso, te usu yaibao. Tama aga te wiegi yai po wabo bidi yai baso da, teda te bidi dabego agai po odobo wei mu yaibao.

Godigo Nogi Ugwaba Sabo Tęąbi Po Wabo Buku Dabe 23:5

Nago te eno wiegi yai nai te hania te tebol saide sisi ilama, tama eno boi bidi dabego suali goli, te augwaligo magi sę me yabo usugobeo. Nago ena selama, te nage dali duayagasobo, tama ena nago bugagia gesebo dao.

Bugagia Bidibo Kolesagade Po Asęai Buku 15:23

Te bidi dabe po mibadi, tama nago te wiegi yai sogo ebo te tonaluama, tama nago te wiegi yai po me deli weyu da, teda nage pemene yaibao. Awe, nago pode te gasa bidi dabe me dwagi yai homu yaibao.

Godigo Nogi Ugwaba Sabo Tęąbi Po Wabo Buku Dabe 104:15

Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.

Solomon 4:10

Nage da eno we, te nage eno hobolu du mu da, nago ena godolo mu ebaso, te ena wiegi yai pemene mu ebao. Nago te godolo homu ebo pusu mu ebao, tama te wain ąįgo pusu aiyaba elaluali. Te nago au yali sanda denamigo te tobage wiegi yai pauda dabego denami aiyaba mu elaluali.

Solomon 3:6

Magi naigo te wa pai bulude bidali tagalama, asaliwe? Augwaligo te denami wiegi yai ebo tobage plaua dabe ulubo sogo pedalubo hano tiwai nai pedelali. Te aga denami ebo te bisnis bidi dabego te mone sabo paudago denami ebo tiwai yali.

Dwagi Yai Gesi Po Jongo Asęani 12:3

Tilama, te we Maria aga dwagi yai denami ebo wel selasa asai, dwasianu genagide. Te wel abelabo moni te hauwa mu, te dila pai nai mu dao. Agai te wel Jisas sągą sawalide pilai. Tama Jisas sągą Maria aga moni bobobage tobolu nisigo holai. Tama te bede bidali we bidi tigidali augwaligo te wel denami odai.

Godigo Nogi Ugwaba Sabo Tęąbi Po Wabo Buku Dabe 133:2

Te kolesaga te oliv ni dugo te wiegi yai wel tiwai ebao, augwaligo te Arongo toboluba gelama, tama te naboge tobolu nisiba dulama, tama aga bobage gudali ugwa sabiba usu nugulali.

Te Israel Tobolu Bidi Dabe 9:9

Tiali goli, te ni olivgo tama po wali, ‘Te enade elalubo wel te bidi dabego selama, te augwa god dabeba genuai nogi mabo sę ebo me te bidi dabeba te tiwai ebo dao. Magi baso te eno tagalu, tama te dagego king bidi pedalumainu obawe?’ te ni olivgo te po wai.

Godigo Sęba Tagala Palai Bidigo Po 28:15

Da Romba sabalisiąbadi, Jisasgo po wali pabo we bidi augwaligo da asobo po odama, da tų tomoba augwaligo tiąba asali. Tama me badu digibulu bobenu gana aselawali, maket me nogi Apiusde dago suali. Tama me badu aselama, te bidigo osogo abelama pibo be sela elalubo digide dago suali. Pol agai Jisasgo po wali pabo we bidi suyu, Godibolo nage usu dao wali, tebogo aga homu dąų walobao, te homu yali.

Solomon 1:3

Nago tigi denami wiegi yai ebao. Eno nago nogi odolama, te ena wiegi yai pemene ebao, te eno denami ebo sandade wiegi yai pemene ebo tiwai yali. Te we dabe sibi augwaligo nage godolo mu ebo dao.

Bugagia Bidibo Kolesagade Po Asęai Buku 7:17

Tama eno te haniani wiegi yai denami ebo pauda te betde gelali.

Godigo Nogi Ugwaba Sabo Tęąbi Po Wabo Buku Dabe 141:5

Wiegi yai bidigo te ena homu dene elama, tama ena sesanobo sę eyu, te enaba wado ilaibao. Awe, usu dao, po menio, te kolesaga ebogo agai ena tau sabo dao. Tiali goli, eno te dwai sę ebo bidi dabe dali abagi me wagobeo. Magi baso meni, te sesemane sogo eno te augwa ebo dwai kolesaga tagalomainu, te gedu haluasa po wabo dao.

Te Israel me Juda Hani Sigo Tuni Bidigo Po Elalubo Buku Deli 1:12

Te augwaligo nage dali, te nago ogwa Solomon dali elebo te nago hagela homu ebaso da, teda nago eno te e wabo po wali pao,” po wai.