Bugagia Bidibo Kolesagade Po Asęai Buku 27:6 - Godigo dwagi yai po buku

⁶ Te abagi dabe mu dede augwaligo te nageba dene mabo te nage tau somainu ebao. Tiali goli, boi bidi dabego nageba te abagi kolesaga eyu da, dua dao, augwaligo te tibo po ola naga ola mayu tebo dao.

Bugagia Bidibo Kolesagade Po Asęai Buku 27:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 141:5

Wiegi yai bidigo te ena homu dene elama, tama ena sesanobo sę eyu, te enaba wado ilaibao. Awe, usu dao, po menio, te kolesaga ebogo agai ena tau sabo dao. Tiali goli, eno te dwai sę ebo bidi dabe dali abagi me wagobeo. Magi baso meni, te sesemane sogo eno te augwa ebo dwai kolesaga tagalomainu, te gedu haluasa po wabo dao.

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

Hibru 12:10

Te da te ogwa wegide bidibadi, dago e tǫde aya augwaligo te dago kolesaga te dwasianu sogo naga dodoloyu, te augwaligo homu kolesaga usu nama tama tiali. Tiali goli God agai da dodolobogo te da mu tau selama, tama dago te aga digi ebo te wiegi yai magi dwai sę isąwai kolesaga saibao wai.

Bugagia Bidibo Kolesagade Po Asęai Buku 10:18

Te bidigo dwai haliga te gasa bidiba elama, tama te haliga dwai te geme dualainu ebaso da, teda agai te tibo po sesemane obao. Me ma, te bidigo te gasa bidiba geme posobo po obaso da, teda aga te kolesaga umuna sai bidi mu tiwai ebao.

Bugagia Bidibo Kolesagade Po Asęai Buku 20:30

Te nago te dwai sę ebo bidi aga te homu begelimainu te keloago aga elibaso da, teda te tebogo agai te dwai kolesaga ebo tudiba munama, tama aga wiegi yai bidi pedelaibao.

Bugagia Bidibo Kolesagade Po Asęai Buku 27:7

Te bidi aga nai tulama, te haliga pągąna peyu, tabia pabo sogo, agai te nai ma tubo hagela homu yaibao, te hani tiwai te pusu mu ebo nai me te tagala homu yaibao. Tiali digi, te bidi nasi ebo sogo, agai te tigidali nai te wiegi yai da homu yaibao. Te ha elalubo nai me tagalao, te me te aga pedauwalide pusu naga ebo dao.

Bugagia Bidibo Kolesagade Po Asęai Buku 28:23

Nago te bidi me deligo kolesaga dodolobaso da, teda agai nagede wiegi yai pemene mu yaibao. Te kolesagago agabolo te homu bega sabo ili po wabo kolesaga te aiyaba mu elaluaibao.