Bugagia Bidibo Kolesagade Po Asęai Buku 27:25 - Godigo dwagi yai po buku

²⁵ Te nosai bobobage igulubo sogo da, teda nago te naga kibu dabego tuabo nai togolama te sisinao. Tama te gesi nosai hogonu ma pedalubo dao.

Bugagia Bidibo Kolesagade Po Asęai Buku 27:25 Referans Kwoze

Bugagia Bidibo Kolesagade Po Asęai Buku 10:5

Te bomai bidigo da, te nai inilama tau ebo sogo te sisinaibao. Tiali goli, te bidi pila muyu, tama te sogo sę me isiąwani da, teda aga hani sibi we wai bidi te genuai hale saibao.

Godigo Nogi Ugwaba Sabo Tęąbi Po Wabo Buku Dabe 104:14

Nago te kibu bulmakaugo tuabo nosa dabe pedalao wai, tama nai dabe meba da we bidigo bulama, sela tuabo nai me pedelai.

Bugagia Bidibo Kolesagade Po Asęai Buku 27:26

Nago te sipsip dabego nisi selama, tama naga gudabo ugwa dabe nigabo te sao. Tama nago te meme mebade mone selama, te tǫ abelainu yao.

Aisaia 17:5

Megi te Israel dabe te wit nai hauwa te odogo malu Refaimde bulubo wit hauwa holobo ąǫ te ebao. Tiali goli, augwali boi bidigo dabego elebo si da, teda augwali te wit dili bidigo togai deli deli dolalua pabo tiwai yaibao, te wit gide.

Jeremaia 40:10

Ena digi ena te Mispade bidaibao. Te Babilongo da suagasobo sogo da, te ena dago Judade po pusubo bidi tiwai bidaibao. Tialima, dage te duga sali taun dabeba ma begasa pelama, te dagego ni du wai dabe selama, te wain me, wel me nigilama, te nosali sogo tuabo munalumainao,” wali.

Jeremaia 40:12

Tialima, te Juda dabego te boi bidigo augwali sela sąwani tǫ kantri tagalama, te augwali Judaba ma asalio. Tama augwaligo Mispa teba Gedalia sugi pali. Tama nosali, augwaligo te gide haniani nai sali, te augwaligo wain me wiegi yai nai hauwa elaluai.

Godigo Nogi Ugwaba Sabo Tęąbi Po Wabo Buku Dabe 147:8

Agai te dagalude pǫ pedalumainu elama, tama te tulubage tagala palama, tama te bulu du dabede te nosa pedalumainu ebo dao.