Bugagia Bidibo Kolesagade Po Asęai Buku 27:23 - Godigo dwagi yai po buku

²³ Nago te naga sipsip dabe me te meme bugagia tonaluao,

Bugagia Bidibo Kolesagade Po Asęai Buku 27:23 Referans Kwoze

1 Pita 5:2

Tama te homu kęna sabo po e dao: te kibu sipsip tonalubo bidi agai te kibu sipsip bugagia tonalubogia tama dagego te Godigo dagego nogoba muani we bidi bugagia tonaluao. Tama te sęde augwali tonalubo hagela homu eyu tama tonalugio. Woo, te menio. Dwagi yai homu naga eyu, dagego augwali bugagia tonaluao. Tama dagego te masigi naga somainogo te sę egimio. Te menio. Dagego homu mu bomo eyu, te augwali tau somainogo te sę yao.

Tuni Bidi Dabego Po Elalubo Buku Si 26:10

Usiago kau kibu hani hauwa me sipsip kibu hauwa mu te giliga dega sabo bulu badu te malu tǫde me te bulu du dabede hauwa mu elaluali. Tama tialima, agai te bidi meni yai kala sili bulu badu agai te sigi be taua me badu geselali, magi baso meni, te agai sę bidi dabe mebago tede bidiyu, te agai hasa dabe bugagia tonalubo usu mu yali. Tama me agai te hasa dabego tuabo wę ulu hauwa mu geselali. Tama me ma Usia aga didiman sę ebo godolo mu ebo bidi dao. Tama tibaso, agai te we bidi dabebolo te wain gi hauwa buluyu, me gasa nai dabe te wiegi yai tǫ ili hauwa elalubo tǫde bulao po wali, te bulu du yali madi me nai bulao po wali.

Tigidali Nai Gagalama Nigali Side 33:13

Tiali goli, Jekopgo agabolo te po wai, “Genuai bidi, nago koneani, te wai dabe augwali te bomo elama me pabeo. Tama eno homu hauwa te sipsip me, te bulmakau hani dali, te augwali tamadi holobo wai dabede te homu yai. Te augwali deli sogo bubugade bomonama pobaso da, tiyu te tigidali kibu sibi dabe te isila pidalio.

Bugagia Bidibo Kolesagade Po Asęai Buku 24:32

Eno te gi sulama, tama eno homu hauwa elama, tama eno te wiegi yai kolesaga me salio.

Dwagi Yai Gesi Po Jongo Asęani 10:3

“Te sipsip tonalubo bidi asobaso, te sipsip tomogai tų tonalubo bidi agai te tų dalama, tama te sipsip tonalubo bidi tomoba pelama, tama agai aga kibu sipsip nogi deli deli i wabo dao. Sipsip dabe i olama, tama aga polasa pobaso, tama te sipsip dabe augwali aga wali buluba soabo dao, te tubo noswai gegemainogo tebo dao.

Esekiel 34:31

Dage eno we bidi, dage eno sipsip kibu tiwai dao, tama dage ena tǫde bidiyu, tama eno dagebolo nai mabo dao. Tama ena dagego God bidibao, Genuai Bidi eno po polo wali.’ Te po augwalibolo pusao,” God Genuai Bidigo te po wali.

Bomai Po 32:46

Tama tialima, agai po geninama weyu, te tama po wali, “Dagego bugagia mu koneama, tama dagego eno megi dagebolo mani te bomai po bugagia mu wali piąo. Tama dagego duga wai puluba dabebolo me pusa mayu yao. Tama tiyu da, augwaligo me Godigo po tigidali sogo wali pomainao.

1 Samuel 17:28

Eliap, te Devitgo ama gomunai bidigo, te agai te bidi dabe dali po mibo odai. Tama aga haliga sębę elama, tama Devitbolo te tiwai po wai, “Magi baso nage eba asai dawe? Tama dego nago te dwai sipsip dabe te buside tonalubawe? Eno koneani, nage te hagoma ebo bidi, tama nage te hagoma kolesaga ebo bidi da. Nage te hwįbo naga suainogo asali dao,” wali.

Ma Dobola Sali 7:23

Tama tuni bidi aga beba ma pelama, te sogo yali sęde me agai homu midigi siyu hodalobeo.

Bugagia Bidibo Kolesagade Po Asęai Buku 24:27

Hasia bolo nago te naga tǫ dodolama, tama te gi dabe bulao, tama nosali nago te be sę ebaso, te usu dao.

Jeremaia 31:10

“Dage te me badu tǫ kantri hani we bidi dabe, dagego ena Genuai Bidigo poba bugagia olo muao. Tama dagego eno te po te digibulu bidibo we bidiba pusao, te tamu ąį u badu bidibao. Dagego te tiwai po augwaliba wao, ‘Genuai Bidigo te Israel dabe sela sąnama, tedela palali, tiali goli, agai augwali ma odasa asaibao. Te agai augwali bugagia mu tonalu, te tonalubo bidigo aga sipsip dabe tonalubo tiwai ebo dao.’ Te po wao.

Esekiel 34:12

Te eno te sipsip tonalubo bidigo te sipsip kibu tonalubo tiwai elama, tama eno te sipsip dabe subigila pali dabe gegaibao. Te eno sipsip kibu dabe augwali te genuai pǫ elama, hulia sali sogo augwali subigila tedela pai dao. Tiali goli, ena pelama, tama eno augwali pali pesageba tigidali gegegi paibao.