Bugagia Bidibo Kolesagade Po Asęai Buku 27:13 - Godigo dwagi yai po buku

¹³ Te bidi me deligo te gasa bidigo dali nai negeli wei ponaibao wai, te gasa bidigo wei ponabo usu meni baso da, teda agai wiegi yai kolesaga me ebeo. Tama te bidi me deligo nageba nai negeli sabo homu elama, tama nago koneani, agai te tobage dąų wabo po obaso da, teda nago bomo elama, te agai nai me deli siyu, te agai te negeli sali naide wei ponabo te sa mubo tiwai ebo nai sao.

Bugagia Bidibo Kolesagade Po Asęai Buku 27:13 Referans Kwoze

Bugagia Bidibo Kolesagade Po Asęai Buku 20:16

Te bidi me deligo te gasa bidigo negeli sali te wei ponaiba po dąų wai, te gasa bidi me aga usu isąbaso da, teda agai te wiegi yai kolesaga me ebeo. Tama tiyu, te bidi me deligo nage dali negeli sabo homu elama, tama nago koneani, agai te tobage po dąų obaso da, teda nago te agai nai me deli sabo po bomo eyu, te agai negeli sabo te wei ponabo dąį ilibo tiwai te sao.

Ma Dobola Sali 22:26

Tama dage dali te negeli sabo bidigo agai te negeli sali wei begelainogo te agai holobo ugwa te sa mubo tiwai eyu, dagebolo mubaso da, teda dagego te sia ge dega sisąbadi, te sogo naga te ugwa agabolo ma mao.

Bugagia Bidibo Kolesagade Po Asęai Buku 11:15

Te bidi me deligo negeli sai madi, te aga digi te negeli wei begelabo usu isąbaso, tama nago te nai negeli sali wei ponabo po dąų walaibaso da, teda nosali te nage genuai sęgę elaluaibao. Tiali goli, te nage bugagia bidabo homu eyu da, nago te kolesaga tudiba muyu, gasa bidigo negeli wei ponabo po dąų wagio.

Bugagia Bidibo Kolesagade Po Asęai Buku 27:12

Te wiegi yai homu elalubo bidigo, agai te tiwai koneani, te sęgę agaba pedelainu ebaso, tama agai te geda sali. Tiali goli, te wiegi yai homu elalusiąbo bidigo, aga te aga sunumide te dwai sę edubo sulama digi, tama aga pelama, tama gesabidi si deliba unulama, tama te sęgę tolobo dao.