Bugagia Bidibo Kolesagade Po Asęai Buku 26:24 - Godigo dwagi yai po buku

²⁴ Te gasa bidi dabe wei homu isąbo bidigo, agai te augwali homu bega sabo po weyu, te augwaligo homugo te agai augwali wei homu eba homu emainu tiaibao. Tiali goli, agai te augwali tibo po naga ola maiabo homu ebo dao.

Bugagia Bidibo Kolesagade Po Asęai Buku 26:24 Referans Kwoze

Bugagia Bidibo Kolesagade Po Asęai Buku 12:20

Te dwai kolesaga yabo homu ebo bidi dabego, augwa digi augwa tibo po ola mabo dao. Tiali goli, te we bidi dabe tau siyu bugagia bidimainu homu ebo bidigo da, teda aga digi te pemene ebo dao.

Bugagia Bidibo Kolesagade Po Asęai Buku 10:18

Te bidigo dwai haliga te gasa bidiba elama, tama te haliga dwai te geme dualainu ebaso da, teda agai te tibo po sesemane obao. Me ma, te bidigo te gasa bidiba geme posobo po obaso da, teda aga te kolesaga umuna sai bidi mu tiwai ebao.

Godigo Nogi Ugwaba Sabo Tęąbi Po Wabo Buku Dabe 41:6

Te bidi mebago ena suagasu, tama augwa enade odolali po miani. Augwaligo te ena gasi dwai ebo po odainu yali. Tama nosali augwa buluba dią soyu, tama augwaligo ena te gasi ebo po te tigidali habude te po pusubo dao.

Bugagia Bidibo Kolesagade Po Asęai Buku 14:8

Te wiegi yai homu elalubo bidigo te aga bilibo homu kolesaga te bugagia homu kone palaibao. Tiali goli, te wiegi yai homu meni yani bidi dabe te augwa digi tibo po ola mawaibao, magi baso meni, te augwaligo homu kolesaga te geda mubo dao.

Bugagia Bidibo Kolesagade Po Asęai Buku 12:17

Te sę ebo suali bidi, te witnes bidi, te mu po wabo bidi yai baso da, teda agai doloba pai po naga te po tų ebode pusaibao. Tiali goli, aga te tibo po wabo bidi tiwai eyu da, agai te po tų ebo te tibo dali waibao.

Bugagia Bidibo Kolesagade Po Asęai Buku 12:5

Te doloba pai bidi dabego sę yabo homu kolesaga te dolo naga dao. Tiali digi, te dwai sę ebo bidi dabego da, te sesemane sogo te we bidi tibo po ola maiabo haniani kolesaga yabo homu ebo dao.

Bugagia Bidibo Kolesagade Po Asęai Buku 11:1

Genuai Bidigo homugo te bidi dabego te skel dąį hasegelibo homu te agai hagela mu ebo dao, te we bidi tibo po ola menama, tama augwaligo mone anoma elama sobao. Tiali goli, te bidi dabego te doado bage te dąį ilalidu dolo dobabo bidi dabede te agai wiegi yai homu pemene ebo dao.

Bugagia Bidibo Kolesagade Po Asęai Buku 23:7

Magi baso meni. Te nage aga dali nai tubaso da, teda agai te tiwai po nagebolo waibao, “Ae, nago nai me wę tubo te naga homugo tuao,” waibao. Tiali digi, agai po te mu po menio. Te aga homude, agai te nisu naga nai nage maiabo te aga konea palio.

Jeremaia 9:4

“Dage we bidigo te duga abagi dabede bugagia osola suao, tiyu augwaligo dageba posobo po wabuo. Te duga ama dabego poba homu kęą pigio, magi baso meni, tigidali amago te gaga munubo sę te Jekopgo yali tiwai ebo dao.

Tigidali Nai Gagalama Nigali Side 34:13

Te Jekopgo ogwa dabego te augwa abe Dainade te Sekemgo dwai penani sę yali, tede homu kone palali. Tama augwaligo te Sekem dali, aga aya dali sibolo te tibo po ola mabo po wei ponani.

1 Samuel 18:17

Nosali Solgo te tama homu yai, ‘Eno homugo te Devit isimaina homu yali. Tiali goli, tiyu eno digi aga ela muidalio. Te aga te Filistia dabeba hwįgi pelama, tama te Filistia dabego aga ela mumainao,’ homu yai. Tama teyu, Solgo Devitba te po wali, “Odao. Eno nage te Merap maiabo homu ebao, te eno gomunai wegi, tama nago selama, duga si bidagameo. Eno homugo nago aga te tobage mone tiwaigo abelimainu homu yai. Nago eno ami bidi sęde bomo elama sę eyu, tama nage wi munu me elamuo. Tama te Genuai Bidigo homugo dago te boi bidi dali hwįgi pomainu ebo sogo da, teda nago te augwali dali hwįgi peyu yagameo,” wali.

2 Samuel 13:26

Tiali goli, Apsalomgo te po wai, “Tialima, te nage pogobe da wida, te nago gomunai ogwa Amnon pomainu ebo usu egowe?” Tama kingo agaba hanalu wali, “Magi eyu te nago aga pomainu obawe?”

2 Samuel 13:27

Tiali goli, Apsalomgo te Devitba bomo elama mu hanalu obaso, tama nosali Devitgo te Amnonde usu da weyu, te aga gasa ogomani dabe me te Apsalom dali pomainu yalio.

2 Samuel 20:9

Tama Joapgo te tama po Amasa dali wali, “Siade da, ama, nage bugagia bidibawe?” Tama aga Amasago penane nisi te dolo nogogo tola selama, tama agai te aga dali nono nainogo ebo tiwai gilama yalio.

Nehemia 6:2

Tama te Senbalat me Gesem sigo te po enabolo ola tolali, tama enabolo hanalu, te augwali si dali te bulu me deliba sisinaibao wali, te odogo bulu nogi Onoba sisinibo da wali. Tiali goli, eno koneai, te augwaligo ena muma sabo po olama, te augwaligo ena dolainogo wabo homu yai.

Godigo Nogi Ugwaba Sabo Tęąbi Po Wabo Buku Dabe 12:3

Genuai Bidi, nago te homu bega sabo po wabo bidi dabe pedauwali paniama, tama te hagoma ebo bidi dabe pedauwali me paniao.

Godigo Nogi Ugwaba Sabo Tęąbi Po Wabo Buku Dabe 28:3

Nago ena te dwai sę ebo bidi dabe dali aiyaba me elalugio, tama te dwai kolesaga ebo bidi dabe dali me, te tama me tigio. Augwali da te wiegi yai pusu yai pogo homu bega sabo po wabo bidi dabe dao, tiali goli augwali homude te dwai sę ebo kolesaga pągąnalubao.