Bugagia Bidibo Kolesagade Po Asęai Buku 26:23 - Godigo dwagi yai po buku

²³ Te bidigo wiegi yai kolesaga yaibao wabo po bomo elama wali, tiali goli aga homude elalubo page, te dwai kolesaga naga yainu ebaso da, teda te tǫgo nigali sospen sene me deli augwaligo te silvago haluama, tama te tonobo sawi yai mu tiwai ebo dao.

Bugagia Bidibo Kolesagade Po Asęai Buku 26:23 Referans Kwoze

Dwagi Yai Gesi Po Lukgo Asęani 11:39

Tama Genuai Bidigo te po wali, “Dage Farisi dabego te kap dabe me, pou dabe me te eda badu bulu badu meda elalubaso, te bugagia dua digi me te ąįde telabo dao. Tiali goli, dagego homude dwai sę yabo konealubao, gasa bidigo nai sulama, eno somainawe homu ebo bage dao. Tama te ebogo homu dwai dao ola mabo dao.

Bugagia Bidibo Kolesagade Po Asęai Buku 10:18

Te bidigo dwai haliga te gasa bidiba elama, tama te haliga dwai te geme dualainu ebaso da, teda agai te tibo po sesemane obao. Me ma, te bidigo te gasa bidiba geme posobo po obaso da, teda aga te kolesaga umuna sai bidi mu tiwai ebao.

Matyu 23:27

“Dage bomai po page ola mabo bidi me, dage Farisi dabe dali, hobede ya. Dageba te dwai sogo mu pedelaibao. Dage te gų page ola be augwaligo te tedela yai pengo pilali tiwai dao. Bulu badu da, te bidigo subo dwagi yai ilali, tiali goli tomode da, te isai bidi dabego dili dabe me te tigidali dwai meda yai mobia pai nai te pągąnalubo dao.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

Bugagia Bidibo Kolesagade Po Asęai Buku 25:4

Te augwaligo silva kakali sela sąbaso da, teda te silva wiegi yai pedelama, tama bidigo te wiegi yai pou plet nigibo dao.

Bugagia Bidibo Kolesagade Po Asęai Buku 26:25

Te tobage bidigo po dabe te nago olode pusu yaibao, tiali goli nago agai po nago homuba dąų me ola sigio. Magi baso meni, te gasa tobage dwai homu dabe te agai haligade pągąnalubao.

Bugagia Bidibo Kolesagade Po Asęai Buku 23:7

Magi baso meni. Te nage aga dali nai tubaso da, teda agai te tiwai po nagebolo waibao, “Ae, nago nai me wę tubo te naga homugo tuao,” waibao. Tiali digi, agai po te mu po menio. Te aga homude, agai te nisu naga nai nage maiabo te aga konea palio.

Bugagia Bidibo Kolesagade Po Asęai Buku 27:6

Te abagi dabe mu dede augwaligo te nageba dene mabo te nage tau somainu ebao. Tiali goli, boi bidi dabego nageba te abagi kolesaga eyu da, dua dao, augwaligo te tibo po ola naga ola mayu tebo dao.