Bugagia Bidibo Kolesagade Po Asęai Buku 26:11 - Godigo dwagi yai po buku

¹¹ Te wiegi yai homu kolesaga meni yai bidigo te aga polasa yali esela pabo bidigo ebo kolesaga tobage me iduaibao, te yowigo bogulai bogu te ma begasa pelama, tugi pabo tiwai gilama ebao.

Bugagia Bidibo Kolesagade Po Asęai Buku 26:11 Referans Kwoze

2 Pita 2:22

Tama augwaligo ebo kolesaga te dago wąįgo polobadu wali mu po tiwai dao, “Te yowi ma geasa pelama, aga bugali bogu ma tugi pai.” Tama gasa po me weyu te po wai, “Te kibu aga wę pauwai digi, tiali goli te kibu aga pelama te tǫ pu yai digi pebege ma piligi pabo dao.”

Matyu 12:45

Tama aga pelama, gasa dwai noma te a naga olama me si sigi pali. Tama te gasa dwai noma haubo dabego te dwai dwai sę ebo kolesaga tebogo te hasia dwai mobo haubogo ebo dwai kolesaga aiyaba elalubo dao. Tama augwali aga dali aselama, tama augwali tomoba pelama, tama augwali te bede bidibo dao. Polobadu te bidi dwai bidai, tiali goli megi me te aga dwai mu bidibao. Te tiwai naga megi e sogo dwai sę eyu bidibo we bidi augwalibolo me te tiwai sę pedelaibao,” Jisasgo te po wai.

Ma Dobola Sali 8:15

Tama tuni bidi te gedeli dabe isali sulama, tama agai koneani, te dwai sogo silali. Tama tibaso, agai kolesaga ma doyu, gagea pai, te Genuai Bidigo agade po wali tiwai gilama tiwai, tama agai Moses de Aron sigo po odobeo.

Bugagia Bidibo Kolesagade Po Asęai Buku 23:35

Tama nago te tiwai po waibao, “Te augwaligo ena elali goli, te dene ebo eno odobeo,” po waibao. “Magi baso te ena hodaluabo usu ebewe? Ena hodaluama te wę me ma deli tuabo homu yai,” nago te tobage po waibao.

Bugagia Bidibo Kolesagade Po Asęai Buku 26:10

Te sę tonalubo bosman bidigo te homu kolesaga elalusiąbo bidi dabeba, me te subigila bidi dabeba te sę mobaso da, teda te bidigo enesigi balibi dolama, tama te ene dabe subigila enebo tiwai eyu, tama te bidi hauwa dolobo tiwai ebo dao.

Bugagia Bidibo Kolesagade Po Asęai Buku 27:22

Te nago te wiegi yai homu kolesaga me elalusiąbo bidi me deli te genuai gilama mu elebaso, te pąde isabo homu ebadi goli te tagalao, agai aga te dwai sę ebo kolesaga me tagalogobeo.

Aisaia 28:8

Augwa bogu te augwa bugulama, wę tubo tebol saide pesage holobo dao. Tama dwasianu wiegi yai me elalubo menio.