Bugagia Bidibo Kolesagade Po Asęai Buku 24:8 - Godigo dwagi yai po buku

⁸ Te bidigo te sesemane sogo dwai kolesaga yabo homu ebo bidi yai baso da, teda augwaligo aga te tibo kolesaga ebo bidi nogi poaibao.

Bugagia Bidibo Kolesagade Po Asęai Buku 24:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 21:11

Te boi bidi dabe augwa homude koneama, tama agaba dwai sę yabo miani. Tiali goli, augwaligo aga aiyaba elaluainu ebo usu me ebeo.

Polgo Po Pas Rom Dabeba Asęani 1:30

Te augwaligo posobo po olama tama hanilama me po pusuyu tama bidi mebago nogi dolali. Augwaligo God dali boi bidi eyu, tama po dagą weyu, tama hagoma elama, tama augwa digi augwa nogi ugwaba sai. Augwaligo dwai gesi noma kolesaga pedalai. Tama augwaligo augwa aya de ida sigo po sela sąyu yai dao.

Bugagia Bidibo Kolesagade Po Asęai Buku 14:22

Te dwai kolesaga yabo homu ebo bidi dabe da, teda augwa homu da te mu geda mubao. Tiali goli, te bidi dabego wiegi yai kolesaga emainu homu wei ebo bidi da, te augwaligo agaba te bugai haliga mu ebo dao. Tama augwaligo agaba homugo kęą pabo kolesaga ebo dao.

Bugagia Bidibo Kolesagade Po Asęai Buku 6:18

Te dwai sę yabo homu ebo kolesaga. Tama me te dwai sę asesa polo ebo kolesaga.

Bugagia Bidibo Kolesagade Po Asęai Buku 6:14

Sesemane sogo augwaligo te dwai sę yabo homu kolesaga kone paludu, tama augwaligo te bidi dabego te gasa bidi dabeba dwai haliga yabo sę eyu ebo dao.

Nahum 1:11

Dage Ninive bidi dabe me deligo te dwai homu kolesaga elalu, tama agai te Genuai Bidiba dwai sę yabo po mianio.

Aisaia 32:7

Tama te dwai bidi dabego te dwai homu kolesaga hauwa augwaligo tobolude pągąna pabo dao. Augwaligo homu kone palama, tama augwaligo haniani ili po wabo homu kolesaga dabe gegelama, tama augwaligo te nai meni yai we bidi dabego po tų ebode dolama, aiyaba elaluabo sunumi dabe gegebo dao.

Bugagia Bidibo Kolesagade Po Asęai Buku 24:9

Te wiegi yai homu kolesaga meni yani bidi dabe, augwaligo te dolo isiąbo tobage kolesaga dabe yabo homu elama, tama te kolesaga tigidali te dwai sę ebo kolesaga ebao. Te bidi dabego te hagoma ebo bidi dabe subo, te dwai bidi mu subo tiwai ebo dao. (24)

Bugagia Bidibo Kolesagade Po Asęai Buku 24:2

Augwaligo te bidi dolabo homu naga elama, tama augwaligo te sesemane sogo po miyu, te dwai sę pedalubo kolesaga ebo dao. (20)

Te Israel me Juda Hani Sigo Tuni Bidigo Po Elalubo Buku Deli 2:44

Te nago dwai kolesaga te nago eno aya Devitba yali, te nago koneai. Tama megi da, nago te yali kolesagade, te Genuai Bidigo te nageba dene mawainu ebao,” wali.