Bugagia Bidibo Kolesagade Po Asęai Buku 24:7 - Godigo dwagi yai po buku

⁷ Te wiegi yai homu kolesaga koneani te ugwanu mu elaluyu, tama te wiegi yai homu kolesaga konesiąwani bidigo kolesaga te aiyaba elaluaibao. Tama te bidi dabe dugulama, te genuai naide po mibo konila obaso da, teda te wiegi yai homu kolesaga konesiąwani bidi da, te olo dugulalu, tama pedauwali panialubo dao. (23)

Bugagia Bidibo Kolesagade Po Asęai Buku 24:7 Referans Kwoze

Bugagia Bidibo Kolesagade Po Asęai Buku 14:6

Te hagoma bidi dabego te wiegi yai homu kolesaga sabo homu eyu da, teda augwaligo usu me egobeo. Tiali goli, te wiegi yai homu elalubo bidigo da, te agai da te sę dene isiąyu, te gasa wiegi yai kolesaga sabo dao.

Godigo Nogi Ugwaba Sabo Tęąbi Po Wabo Buku Dabe 10:5

Te agai yali sę tigidali, te wiegi yai pedalubo dao. Agai te Godigo po tų yabode te homu kone dwasianu me ebeo. Agai te boi bidi dabeba te posobo po weyu ebo dao.

1 Korin 2:14

Tiali goli te Tedali Mobo Bidi elalusiąbo bidi da, agai te Godigo Mobogo olo mabo nai dabe sogobeo, aga usu egobeo. Magi baso meni, agai homugo te page meni yai nai dao, tama agai te naide te page bugagia konegobeo. Te naide po dago te Tedali Mobo Bidide naga sali, tama te Tedali Mobo Bidi meni yani bidi da, agai te po page me dagalogobeo.

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Amos 5:12

Magi baso meni. Dagego sęgę dabe dwai mu elalubo eno koneani, tama eno koneani, dagego sęgę hauwa mu elalubao. Dagego dwai sę te wiegi yai bidi dabeba ebao. Dagego te dobo sę ebo bidi dabego nogode te mone ge dabe sabo dao. Tama te po tų ebo si, te magi nai meni yai bidi dabego gasa bidi dabe aiyaba elaluidali weyu, dagego te po tų dolobo dao.

Amos 5:10

Te doloba pai bidi dabe augwali te po tųba sabalobo sogo, te mu po naga weyu, te dage dwai kolesaga ebo bidi dabeba wado po obaso da, teda dagego te doloba pai bidi dabe wei homu me ebo meni.

Aisaia 29:21

Tama te deli tobage dene me te ili po olama, gasa bidi dabe po tų ela mabo bidi dabe me, dene saibao. Te gasa bidi dabe olo dali po tų ela mabo bidi dabe tiaibao. Te dwai sęgę elalubo bidi dabe tau sela menama, te sęgę meni yai bidi dabego po dolobo bidi dabe, te dedeli dene naga saibao. Te augwaligo po tų dolama, tama doloba pai bidi dabego te po tų dolama, tama doloba pai bidi dabego te po tų ugwa ela hologobeo.

Bugagia Bidibo Kolesagade Po Asęai Buku 22:22

Nago homugo te magi nai doado bage meni yai bidi dabe, augwali te olo bidi naga da homu elama, tama nago augwaligo doado bage odolali me kekelama sigio. Tama augwali te po tųba sabalubo sogo da, teda nago te augwali aiyaba elaluabo po tų me igio,

Bugagia Bidibo Kolesagade Po Asęai Buku 17:24

Te kolesaga koneai bidi, agai te wiegi yai doloba pai kolesaga sabo sę bomo yaibao. Tiali goli, te wiegi yai homu kolesaga elalusiąbo bidigo, agai te haniani nai dabe sesa bilabo sę bomo ebo dao.

Bugagia Bidibo Kolesagade Po Asęai Buku 15:24

Te wiegi yai homu elalubo bidigo da, te sunumidu ugwaba holama, te aga bidabo ula saibao. Tama tialima, aga te isali bidi dabego pesageba me dulugobeo.

Jopgo Po Asęani Elalubo Buku 31:21

Ma, eno homugo gasa tobolu bidi dabe eno po mu dao omainu elama, tama ena po tų ebode dolama tibo po olama, te augwa aya isai wai dabego nai sainu ebeo.

Jopgo Po Asęani Elalubo Buku 5:4

Ao, augwa wai puluba dabe bugagia bidabo sunumi meni yai. Tama bidi dwai dabego augwali po tų ebode aiyaba elaluainu ebaso da, teda augwali po tų ebode kisa sabo hai namu meni yaibao, te po tųde ela holabo.

Godigo Nogi Ugwaba Sabo Tęąbi Po Wabo Buku Dabe 127:5

Te wai ogwa hauwa elalubo bidi, aga te wiegi yai pemene yao. Te agai te aga boi bidi dabe dali te po tų ebo pesagede te po tų ebo sogo, te augwaligo aga tau saibao. Tama aga te po tųde hagamainu me egobeo.

Bugagia Bidibo Kolesagade Po Asęai Buku 17:7

Te wiegi yai po wabo kolesaga te wiegi yai homu elalusiąbo bidigo homu kolesaga tiwai me elalugobeo. Tama mu tama, te tibo po wabo kolesaga te genuai bidigo kolesaga te tama me telalubeo.

Bugagia Bidibo Kolesagade Po Asęai Buku 17:16

Te wiegi yai homu kolesaga elalusiąbo bidi, te agai tobolu te dąų ola sigi pelama, tama agai te kolesaga me konegobeo. Tama tialima, magi baso agai te skul fi mone sela asaliwe?

Aisaia 32:6

Te polobo sę ebo bagego te subigila po dabe wabo dao. Tama tigidali sogo augwaligo dwai polobo sę naga ebo dao. Augwaligo Genuai Bidigo godolo yabo sę dabe ebo menio. Tama ili po hauwa Genuai Bidide ela palobo dao. Tama augwaligo te nai meni yai bidi dabebolo nai masiąma eyu, me augwaligo te wę nogone ebo bidi dabe wę mayu ebo menio.

Bugagia Bidibo Kolesagade Po Asęai Buku 28:5

Te dwai kolesaga ebo bidi dabego, te doloba pai kolesaga te magi nai da te homu elama, te augwaligo konesiąyu ebao. Tiali goli, te Genuai Bidi wali pabo homu ebo bidi dabego da, augwaligo te doloba pai kolesaga page mu konebo dao.

Bugagia Bidibo Kolesagade Po Asęai Buku 31:23

Te bulude bidalubo polalubo bidi dabego te genuai nogi agai bidiba mawai. Tama aga bidi te polalubo bidi dabe bidalubo digi te aga me te polalubo bidi bidibo dao.