Bugagia Bidibo Kolesagade Po Asęai Buku 24:32 - Godigo dwagi yai po buku

³² Eno te gi sulama, tama eno homu hauwa elama, tama eno te wiegi yai kolesaga me salio.

Bugagia Bidibo Kolesagade Po Asęai Buku 24:32 Referans Kwoze

1 Korin 10:11

Te sę dabe tigidali augwaliba pedalali, te gasa we bidigo sumainogo ebo sę noma tiwai pedalali. Tama dago me te tobage dwai sę idali weyu gasa bidi dabego te po te Godigo po bukude asęani. Magi baso meni. Te da megi bidibo sogo te tigidali nai silabo sogo pąba yagasai dao.

1 Korin 10:6

Tama te augwalide pedalali sę tigidali te noma tiwai pedalali, te dago sulama tama dago wąį dabe augwaligo te pesą yali tiwai te dago me te dwai sęde pesą idali weyu dago sumainogo yali.

Dwagi Yai Gesi Po Lukgo Asęani 2:51

Tama aga ida de aya si dali Nasaretba aiyaba ma dulali. Tama tigidali sogo agai ida dali aya sigo po wali piduali. Tama aga idago tigidali po aga homuba munama, te dąų olaluali.

Dwagi Yai Gesi Po Lukgo Asęani 2:19

Tama Mariago te po odobo si, agai te po page me, agai gedugo suali sę me, mena tama yaliwe te homu idu konealudu geani.

Godigo Nogi Ugwaba Sabo Tęąbi Po Wabo Buku Dabe 4:4

Dage te Godide wi elama, tama te dwai sę ebo kolesaga tagaliąo. Te dage betde godege pibo sogo, dagego tede bugagia kone paliyu, tama pedauwali pania siąo.

Jopgo Po Asęani Elalubo Buku 7:17

“Da we bidi magi nai dao olama, nago da homu ebo dawe? Magi baso nago da tigidali sogo tonalubo dawe?

Bomai Po 32:29

Tialima, augwaligo homu kolesaga elaluyu da, teda augwaligo augwali te dolali te sę page konigi dao.

Bomai Po 21:21

Tialima, te hanude tobolu bidi dabego te ogwa te masigi nogogo selama, aga tigiba sąnama, elama, isilao. Tama tialima, dagego te dwai nai dabe sela sąnama, tama dage tomode elalumainu igio. Tama te Israel we bidi sesego te tama tiali po odama, tama augwali wi yaibao,” Mosesgo te po wai.

Bomai Po 13:11

Dagego te we o bidi mu tama ela muiąo. Teda te Israel we bidi sesego te tama tiali po odama, tama augwaligo bugagia tonaluama, tama augwali wi elama, tama augwaligo te tobage dwai kolesaga me ma egobeo,” wali.

Bugagia Bidibo Kolesagade Po Asęai Buku 24:31

Te sesane yai bonogo, me te dwai dosago te gi mesega sai elaluai. Tama te gi bagulali masigi obo te degasa pai yalio.

Bugagia Bidibo Kolesagade Po Asęai Buku 24:33

Te hagela bidi dabego te po wai, “Tagalao, da godege manu gana piaibao,” wali. “Da te dwasianu sogo naga toma nenama, tama da hodaluaibao,” wali.