Bugagia Bidibo Kolesagade Po Asęai Buku 24:30 - Godigo dwagi yai po buku

³⁰ Eno biliyu, tama eno te bidi me deligo gi suali. Te bidigo homu te wiegi yai elalusiąwai, te hagela bidi dao.

Bugagia Bidibo Kolesagade Po Asęai Buku 24:30 Referans Kwoze

Bugagia Bidibo Kolesagade Po Asęai Buku 12:11

Bidigo te aga gi bugagia tonalubaso da, teda agai nai hauwa saibao. Tiali goli, te wiegi yai homu kolesaga meni yani bidi da, aga te sę dene odolali eyu, te haniani sęgo aga me tau sainu ebaso, usu me egobeo.

Jopgo Po Asęani Elalubo Buku 4:8

Tiali goli, eno suali, dwai kolesaga hauwa ebo bidi dabe da, te bage da dwai kolesaga wali peyu, augwali sęgę hauwa wali peyu ebo. Te e tiwai dao, bidigo aga gide dwagi yai nai wai bulama, tama te dwagi yai nai sabo tiwai, ma te bidigo dwai nai wai bulama, tama te dwai nai sabo tiwai.

Bugagia Bidibo Kolesagade Po Asęai Buku 10:13

Te wiegi yai homu kolesaga elalubo bidigo agai te wiegi yai homu kolesaga po pusaibao. Tiali goli, augwaligo te wiegi yai homu elalusiąbo bidi dabe tudide te keloago elibo dao.

Bugagia Bidibo Kolesagade Po Asęai Buku 6:32

Tiali goli, te bidigo gasa bidigo we dali pibaso da, te mu geda munama, tama te esela peyu, te mu umuna pabo bidi tiwai ebao. Te kolesaga ebo bidi aga digi aga dolobo dao.

Godigo Nogi Ugwaba Sabo Tęąbi Po Wabo Buku Dabe 37:25

Polobadu ena gesi ogwa bidi bidali, tama megi da ena monu dabe yalio, tiali goli te Godigo doloba pai bidi me deli tudiba mubo te eno me subeo. Tama te doloba pai bidi dabego wai dabe te nai sǫą pabo te eno me susiąyu, tama te gasa bidigo augwali tau somainu i me wabeo. Mu menio.

Jopgo Po Asęani Elalubo Buku 15:17

“Megi da, Jop, nago eno poba bugagia olo muao. Eno sulama yali sę nagebolo ola mawaibao.

Jopgo Po Asęani Elalubo Buku 5:27

Jop, dago sulama, homugo koneama, tama dago mu suali, te nai dabe tama dago mu koneani, te mu tama mu dao. Eno te po pusali, te nage tau somainu. Tama tibaso, nago olo sąganama, bugagia odama, tama homu kolesaga bugagia sao,” Elifasgo te po wali.

Kolesaga Koneai Bidigo Pusali Po Elalubo Buku 7:15

Eno bidibo ula te olo nai tiwai elalubao, tialima ena te tǫde bidibo sogo eno te haniani kolesaga ebo suali. Eno suali, bidi mebago doloba pai kolesaga wali pali, tiali goli te bidi dabe augwali isalio. Te bidi mebago dwai kolesaga ebo eno suali, tiali goli augwali bobage sogo sesabi elama, bidibo dao.

Godigo Nogi Ugwaba Sabo Tęąbi Po Wabo Buku Dabe 107:42

Te doloba pai we bidi dabego te sulama, tama augwa bugai haliga yalio. Tiali goli, te dwai bidi dabego po meni yani. Augwa pedauwali pania siyu naga yalio.

Kolesaga Koneai Bidigo Pusali Po Elalubo Buku 10:18

Te bidigo aga sę ebo hagela eyu da, te aga be walawala ni dabe gaga paibao. Awe, aga olo naga bidibaso da, teda te be pedu tologa pelama, te tulubage be tomoba pelama, te be dolobo dao.

Bugagia Bidibo Kolesagade Po Asęai Buku 13:4

Te hagela bidigo te doado bage hauwa sabo homu wei yali, tiali goli agai me sogobeo. Tiali digi, te sę dene ebo bidi dabego da, te augwa homugo te doado bage hauwa sabo homu yaibao.