Bugagia Bidibo Kolesagade Po Asęai Buku 24:24 - Godigo dwagi yai po buku

²⁴ Te bidi me deligo dwai sę ebaso, augwaligo aga po tų ilali, tiali goli te jasgo aga odolali pomainu tagala palobaso da, teda te tigidali bulu tǫ pedaide bidalubo we bidigo te jas bidi wei homu me isiąma, tama augwaligo agaba te i ola mabo po waibao.

Bugagia Bidibo Kolesagade Po Asęai Buku 24:24 Referans Kwoze

Bugagia Bidibo Kolesagade Po Asęai Buku 17:15

Genuai Bidigo te kolesaga si te hagela homu mu ebo dao. Te dwai kolesaga ebo bidi dabe olo tagalubo kolesaga, me te dwai kolesaga isiąwai bidi dabeba dene mabo sę, te kolesaga si agai gedude dwai mu dao.

Aisaia 5:23

Te dagego po tų odobo sogo da, dagego te augwaligo nogode te ili po wabo po tų abelebo masigi dagego selama, tama te dwai sę yali bage olo taga palobo dao. Tiali goli, dagego te po sęgę meni yai bidi dabego po bugagia osola subo menio.

Bugagia Bidibo Kolesagade Po Asęai Buku 11:26

Te bidigo aga nai te we bidi dabego abelainu ebadi te gea sobaso da, teda augwaligo te po dwai agaba waibao. Tiali digi, te bidigo te we bidigo agai nai abelimainu ebaso da, teda augwaligo agaba te wiegi yai pemene ebo dao.

Bugagia Bidibo Kolesagade Po Asęai Buku 28:27

Te magi doado bage meni yai bidi dabe nai mabo bidi da, te agade te doado bage dabe te munu me sǫą pogobeo. Tiali goli, te bidigo te magi doado bage dabe meni yai bidi dabe sulama, tama augwali tau sabo homu meni yai da, teda te bidi dabego te aga dwai bidi da po waibao.

Esekiel 13:22

“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.

Aisaia 66:24

Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao.

Aisaia 5:20

Dage dolaibao. Te dagego haniani nai hasegelama, tama te po wabo dao, “Dwai kolesaga te wiegi yai dao, te wiegi yai kolesaga te dwai dao,” wabo dao. Me, dagego te po wabo dao, “Te hulia sali te ula dao. Me, te ula ebo te ma huli sali dao,” wabo dao. Tama me dagego te po wabo dao, “Te ha ebo nai te pusu ebo, ma te pusu ebo nai te kelede ha ebo,” po wabo dao.

Bugagia Bidibo Kolesagade Po Asęai Buku 30:10

“Nage te sę tonalubo bosman bidiba pelama, tama agai sę ebo bidiba posobo po me wagi pelamuo. Tiyu, te sę bidigo nageba te dwai sę emainu i ola mabo po obaso da, tama te nage sęgę elaluabuo.”