Bugagia Bidibo Kolesagade Po Asęai Buku 24:15 - Godigo dwagi yai po buku

¹⁵ Nage dwai bidi, nage geme duala selama, tama te doloba pai bidigo bede tonalugio, te agai be aluama, tama agai doado bage dabe sainogo te tiwai me elamu dao.

Bugagia Bidibo Kolesagade Po Asęai Buku 24:15 Referans Kwoze

Godigo Sęba Tagala Palai Bidigo Po 9:24

Tialima, augwaligo aga elaibao wabo po bidi me deligo agabolo pusali. Tama Damaskus tomoba iliama, u badu moni masigi obo elaluali. Sol wi dią pidali weyu, tama pio me, kigamu me, hulide me, te tųba Sol elai hagede, nǫ muagasai.

Jeremaia 11:19

Hasia eno te sę yabo konesiąwai. Ena te sipsip wai me deli tiwai te bidi dabego selasa pelama, ena eligi pabo tiwai yaibao. Te bidi dabego te tiwai po mia salio, ‘Tegobao, dago megi tama ela muinao, te bidigo te ni du walobadi togobo tiwai yaibao. Dago aga mu silama, te bidi dabego aga homu kone ma egobeo.’ Augwaligo tama po wali,

Aisaia 32:18

Tama Genuai Bidigo e tama po wali, agai we bidi dabe augwali bugagia bidiyu, augwali augwa bulude bugagia homu tegaluama, toma tuaibao. Tama augwali magi naide wi me egobeo.

Godigo Nogi Ugwaba Sabo Tęąbi Po Wabo Buku Dabe 140:5

Te hagoma ebo bidi dabego te ena tola somainu ebo bono gągą munama, elalubao. Te bono gągą augwa te bomai kedoago nigai, augwaligo te ena bilibo sunumide gebelama, te ena te hasa tiwai gilama sainu yali.

Godigo Sęba Tagala Palai Bidigo Po 25:3

Augwaligo bidi me badu dodolama, tąba nǫ mumainu, tama augwaligo homugo Pol elainu, tama augwaligo Festusbolo bomonama hanalu wali, “Dago homugo nago te bidi Pol Jerusalemba odasa asao,” wali.

Godigo Sęba Tagala Palai Bidigo Po 23:16

Te bidi Pol aga abego ogwa, te gesi bidigo te Pol nǫ mugi pelama elabo po mibo odali. Tama tibaso, aga pelama, ami bidi dabego bomai beba Polbolo te po wagi pali.

Matyu 26:4

Tama augwaligo Jisas geme dąų olama, tama aga ela muabo po miai dao.

Bugagia Bidibo Kolesagade Po Asęai Buku 22:28

Nago te naga wąį nǫų dabego te nago tǫ polobadu dąį ilali te ma kidiligio. (5)

Bugagia Bidibo Kolesagade Po Asęai Buku 1:11

Te tobage bidigo te tama po waibao, “Ae, tega, nage da dali aselama, tama da pelama, te bidi meba ela mugi pinao. Da pelama, te sunumi sesegeba geme duala sigi pelama, tama niwai bidi me asobaso, tama dago augwali ela muaibao. Te augwaligo magi dwai sę me isiąbadi digi, te dago homu weigo te naga wali pelama, tama te augwali ela muaibao.

Godigo Nogi Ugwaba Sabo Tęąbi Po Wabo Buku Dabe 59:3

Augwali suao. Augwali geme dualalu, te ena ela muainu ebao. Augwali te dwai hwįbo bidi dabe, tama augwali sisinama, te ena dali hwįainu ebo dao.

Godigo Nogi Ugwaba Sabo Tęąbi Po Wabo Buku Dabe 56:6

Augwa deliba sisinagaselama, geme dualalubo dao. Te augwaligo ena bilibo bugagia tonalu, tama ena augwaligo ela muabo homu eyu, te tama tibo dao.

Godigo Nogi Ugwaba Sabo Tęąbi Po Wabo Buku Dabe 37:32

Te dwai sę ebo bidi geme dualalu, tama te doloba pai bidi tonalueibao, tama aga ela muabo sunumi gegeyu tebo dao.