Bugagia Bidibo Kolesagade Po Asęai Buku 23:32 - Godigo dwagi yai po buku

³² Nosali nago te dwai nabi elalubo hasamanigo nage gąų kelibo tiwai te nago te dene ebo odaibao.

Bugagia Bidibo Kolesagade Po Asęai Buku 23:32 Referans Kwoze

Polgo Po Pas Rom Dabeba Asęani 6:21

Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Amos 9:3

Te augwali pelama, te Karmel bulu duba geme duala sigi pobaso da, teda eno augwali gegelama, te pageabi yaibao. Te augwali tamu wę page dologoba mu geme duala sigi pobaso da, teda eno te tamu ąįde bidibo dobo dwai hasamani kauwabidibolo walama, te augwali ela tueibao.

Amos 5:19

Te si asobo, dage geda mugobeo. E tiwai yaibao. Te bidi me deli te dwai hasa laionde wi pabo tiwai elama, tama aga te laion hasa tagalama, wi pobadi, te gasa moni dwai hasa me nogi bea te aga deliba gesabidi si unulama, tama beago aga gąų kelainogo yali. Tama te bidi te hasa bea wi pelama, tama aga be tomoba wi peyu, sana pabo homu elama, bugagia bidaiba homu yai. Tama toma tumainogo, aga te be dagaba nogo tola sigi pabo tiwai yali, tiali goli, tegoba, te be dagade bidali dwai hasamanigo aga gąų kelai dao, tama te bidi isai dao.

Jeremaia 8:17

Te Genuai Bidigo te tiwai po wali, “Odao. Te eno dwai hasamani dageba tagala palama, te dage gąų kelaibao. Tama dagego te hasamani dabe nagamenama, dua bidimainu eyu, te dage tagalomainu ebaso, usu egobeo. Mu menio,” te Juda dabego te po wali.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Aisaia 59:5

Te dagego dwai homu kolesaga elalubo, te dwai nabi elalubo hasamanigo ge tiwai elalubao. Te bidi me deligo te hasamani ge tubaso da, hobede yao, te aga isaibao. Te tama tiwai dagego dwai homu kolesagade dagego te haniani dwai sę pedalumainu elama, te gasa bagego bidibo ula dolobao. Te ababua dabego be sę ebo da, te augwa te dwasianu nai dabe tola sabode te augwa tueinu ebao. Te bidi dabego te ababua be selama, te ugwa nigilama gudugobeo. Te tama tiwai naga dagego te ebo sęgo te gasa bage tau me sogobeo. Menio. Augwa te gasa bage tola selama, te augwali elaluama, te augwaliba dwai sę ebo dao.

Aisaia 28:3

Tama te hanigo nage agalama, nage daidu augwali bilaibao, nage te genuai bidi dabe poliyu, nago nogi ugwaba sabo hanu dao.

Kolesaga Koneai Bidigo Pusali Po Elalubo Buku 10:8

Te bidi mego genuai tǫ dedage dogobaso da, teda aga digi te dedageba tulalueibao. Ma, te bidigo te masigigo bagulali obo alubaso da, teda te hasamanigo aga gąų kelaibao.

Bugagia Bidibo Kolesagade Po Asęai Buku 5:11

Te gasigo nage selama, tama nage te nomona saibao. Tama te nage isainu ebo sogo, te nage betde pila mudu te dwai gela mu udaibao.

Jopgo Po Asęani Elalubo Buku 20:16

Te tobagego sisinibo naigo augwa ma dolaibao, te gula manigo bidi gąų kelama, agai dwai nabigo augwali ela isilibo tiwai yaibao.

Ma Dobola Sali 7:12

Augwaligo me augwa dono sąbadi, tama hasamani gagawai, tiali goli Arongo hasamanigo augwaligo hasamani elama tuyu dalai.

Efesus 5:18

Te dage te bomo yai ąį hauwa tulama te polobo bidi tiwai egimio. Menio. Te tebo kolesagago dageba daganama dolainogo ebo dao. Dagego God agai wiegi yai Mobo Bidigo dageba daganama tonalumainao, te dage bugagia bidimainogo yao.

Godigo Nogi Ugwaba Sabo Tęąbi Po Wabo Buku Dabe 91:13

Te nago laion me hasamani agayu, tama te gesi ogwa bidi laion, me genuai hasamani dwai mu me agayu, yaibao.

Bugagia Bidibo Kolesagade Po Asęai Buku 20:1

Te bomai wę hauwa tubo bidigo te posobo po weyu, te dwai po me weyu, te hwįyu yaibao. Te bomai węgo aga tonalumainu ebo bidi da, teda aga wiegi yai homu me elalubeo.

Aisaia 11:8

Te wai bǫų dwasianu ame tubo dabe augwali te dwai gula manego tǫ dedage pąde gagali yaibao. Awe, te waigo aga nogo te bidi gąų kelebo hasamanigo pibo madiba muaibao, tiali goli te hasamanigo aga gąų kelegobeo.