Bugagia Bidibo Kolesagade Po Asęai Buku 23:30 - Godigo dwagi yai po buku

³⁰ Te wain me bia wę te hauwa tubo te bidi dabe, te bidi dabe augwali naga tama dao.

Bugagia Bidibo Kolesagade Po Asęai Buku 23:30 Referans Kwoze

Efesus 5:18

Te dage te bomo yai ąį hauwa tulama te polobo bidi tiwai egimio. Menio. Te tebo kolesagago dageba daganama dolainogo ebo dao. Dagego God agai wiegi yai Mobo Bidigo dageba daganama tonalumainao, te dage bugagia bidimainogo yao.

Aisaia 5:11

Dage dolaibao. Dage te kigamu hulide hodaloama, wain wę tuyu, te haniani bomai wę tubo bage, dage dolaibao. Dagego te wę tulama, polodubadi be huli sesabi edelebo dao.

Bugagia Bidibo Kolesagade Po Asęai Buku 20:1

Te bomai wę hauwa tubo bidigo te posobo po weyu, te dwai po me weyu, te hwįyu yaibao. Te bomai węgo aga tonalumainu ebo bidi da, teda aga wiegi yai homu me elalubeo.

Bugagia Bidibo Kolesagade Po Asęai Buku 9:2

Agai te kibu hasa dabe elama, tama ulama, tama te pusai wain wę pedalumainu ilali. Tama agai te nai tuabo tebol sisi ilama, dodolai.

Godigo Nogi Ugwaba Sabo Tęąbi Po Wabo Buku Dabe 75:8

Genuai Bidigo te bomo yai gesi wain wę te kap me delide pągąwai tolaluai. Agai gea palama, tama tigidali bidi dwaigo tulama, tama mu siminanio. Te tama tiwai naga te dwai sę yali we bidi dabe te Godigo po tųba pedelama, tama te augwali mu hagawaibao.

Amos 6:6

Dagego te genuai kap wain wę hauwa tubo dao. Te dagego denami ebo sawi yai sanda, me ili yai nai te duga tigide denami iliyu mubo dao. Tiali goli, dagego te tǫ kantri Israel nosali dolabo homu dene dwasianu me ebo menio.

Tigidali Nai Gagalama Nigali Side 9:21

Tama nosali me sogo deli sogode agai te wain bomai ąį meba tulama, te aga tobolu gęǫ eyu, aga esela pai. Tama eyu, aga ugwa dabe pepeda pelama, tama aga bolu olo te aga ugwa be tomode pila muani.

1 Samuel 25:36

Tialima, Abigel te Nabalba ma geasa pali. Tama aga te beba sabolama suali, Nabalgo te nai daa tuali, te kingo genuai wiegi yai nai daa tiwai tobage tualio. Tama Nabal te gęǫ page mu eyu, tama wiegi yai homu pemene eyu bidali, tama tibaso, te Abigelgo po me deli te agabolo me wasiąma te kigamuba usu nani.

Bugagia Bidibo Kolesagade Po Asęai Buku 23:20

Nage te wę hauwa me nai hauwa tubo bidi dabe dali hai namu olama, me kisasa biligio.

Aisaia 28:7

Te profet dabe, me pris dabe, augwaligo te wain wę me bia wę hauwa tulama, polobo homu yabo homu elama, dodolama, wa bilabo homu eyu, dodola bilabo homu ebo dao. Augwaligo homu kolesaga menia pabo dao. Tama augwaligo augwa sę bugagia ebo menio. Tama me, te pris bidi dabe augwaligo te we bidi dabego sęgę bugagia dodolobo menio.