Bugagia Bidibo Kolesagade Po Asęai Buku 23:25 - Godigo dwagi yai po buku

²⁵ Nago te wiegi yai kolesaga wali pali da, teda naga aya ida dede te wiegi yai haliga mu yaibao. Awe, te nage ame nani idago wiegi yai homu pemene yaibao. (17)

Bugagia Bidibo Kolesagade Po Asęai Buku 23:25 Referans Kwoze

Bugagia Bidibo Kolesagade Po Asęai Buku 17:25

Te bidigo te esela pabo bidigo kolesaga tiwai wali pobaso da, te aga aya ida te dwai haliga elama, tama haliga sęgę mu ebo dao.

Dwagi Yai Gesi Po Lukgo Asęani 1:58

Aga hani dabe me, te deli bulu bage me tigidaligo Godigo Elisabet aga olo dali tau sali po odama, tigidali Elisabet dali bugai homu ela silai dao.

Bugagia Bidibo Kolesagade Po Asęai Buku 27:11

Eno ogwao, nago te wiegi yai kolesaga konea sabo homu sobaso da, teda ena bugai haliga mu yaibao. Tama te bidi me deligo enaba te kisilibo po obaso da, teda eno agaba te po wei ponobaso, usu yaibao.

Bugagia Bidibo Kolesagade Po Asęai Buku 23:26

Ogwao, nago eno po bugagia odolama, tama eno kolesaga suyu, wiegi yai pemene yao.

Bugagia Bidibo Kolesagade Po Asęai Buku 10:1

Te e da te Solomongo pęwadage te wiegilama bidibo kolesagade po wali. Agai tama tiwai po wai. Te ogwago wiegi yai homu ebo kolesaga koneai elalubaso da, teda aga aya de ida si wiegi yai homu pemene ilaibao. Tiali goli, te ogwago te esela pabo kolesaga wali pobaso da, teda aya de ida si haliga sęgę mu ilaibao.

Bugagia Bidibo Kolesagade Po Asęai Buku 23:15

Ogwa, te nago wiegi yai homu kolesaga konebaso da, teda eno haliga te wiegi yai mu yaibao.