Bugagia Bidibo Kolesagade Po Asęai Buku 23:21 - Godigo dwagi yai po buku

²¹ Te bomai wę tulama, te gęǫ page ebo bidi te wabo pabo dabe, me te nai hauwa tubo bidi dabe da, te magi doado bage meni yai bidi mu pedelaibao. Te bidigo te nai tulama, te godege piyu naga eyu da, te pąde sogo tama digi te aga tigi mesegelibo te dwai ugwa badi naga elaluaibao. (16)

Bugagia Bidibo Kolesagade Po Asęai Buku 23:21 Referans Kwoze

Bugagia Bidibo Kolesagade Po Asęai Buku 21:17

Te bidigo te wiegi yai nai me wę tuabo homu wei ebo kolesagade pemene homu ebaso da, teda te aga mone silama, tama aga te doado bage sǫą paibao.

Filipai 3:19

Augwa tigigo tuabo nai dabe, te nai sabo homu naga augwaligo eyu, tama te kolesaga wali pabo dao. Te sabo nai dabe augwaligo tibo god tiwai mu dao. Augwaligo dwai haniani hale ebo kolesaga ebo dao. Tiali goli augwali tede hale menio, tede augwaligo dwagi yai homu eyu, tama augwa nogi ugwaba sabo dao. Tama augwaligo e tǫde elalubo naide naga homugo dąų olama tama bidibo dao. Tama augwaligo te tobage kolesaga ebaso, augwali mu dolaibao, te dwai buluba paibao.

Galesia 5:21

te gasa bidigo naide dwai homu ebo kolesaga me, te bomo yai ąį tulama polobo bidi tiwai ebo kolesaga me, te dwai dwai penani sę ebo kolesaga me, tama te tobage haniani kolesaga ebo dao. Tama eno polobadu dagebolo wali po megi ma obao, te tobage kolesaga ebo bidi aga te Godigo we bidi tonalubo bomo dologoba munu me pisiąbaso aga tede wiegi yai homu egobeo.

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

Bugagia Bidibo Kolesagade Po Asęai Buku 19:15

Te hagela bidi dabe te sesemane godege pila mudaibao. Te olo naga bidibo bidi da, teda te nai meniama, te nai sili bidaibao.

Bomai Po 21:20

Te ida ayago te tobolu bidi dabebolo te po wao, ‘Da sigo ogwa te bidi po odisąbo bidi dao,’ po wao, ‘tama po sela sąyu, tama agai da sigo po odobo menio. Aga te polobo bidi tiwai dao, aga te poliyu, da sigo mone subigila sąyu ela bilibo dao,’ tama po wao.

1 Korin 6:10

tama te nai wi sabo bidi dabe tama te gasa bidi dabego doado bagede pesa homu ebo bidi dabe me, tama te bomai wę tubo bidi me, tama te gasa bidi dali posobo po wabo bidi dabe me, tama te gasa bidi dabego doado bage anoma elama sabo bidi dabe me, te tobage kolesaga ebo bidi dabe tigidali te augwali Godigo we bidi bugagia tonalubo bomo tomoba pabo usu me egobeo.

Joel 1:5

Dage te bomai ąį tulama, gęǫ page ebo bidi dabe, hogodama gela waiąo. Dage te wain wę tubo bidi dabe, dage me gela waiąo, magi baso meni, te kuli mano dabego dagego te gesi wain ąį nigabo bono du tigidali te dolali dao.

Matyu 11:19

Me ma, te Godigo Bidi Mu asali, tama agai nai dali ąį dali tuyu yai, tama augwaligo agade te po wai, ‘Suao, aga te nai hauwa mu tubo bidi, tama agai te bomai wain wę me hauwa mu tubo dao. Aga te takis mone sabo dwai bidi dabe dali te sęgę sai bidi dabego kisasa bidibo abagi dao,’ te po wai dao. Tiali goli te God aga mu konebo homu kolesaga ebo po te we bidigo odama, tama te kolesagago yali sę nosali subaso da, teda augwaligo koneaibao, te homu kolesaga mu dao,” Jisasgo te po wai.

Bugagia Bidibo Kolesagade Po Asęai Buku 18:9

Hagela bidi da, te doado bage dabe dolobo bidi tiwai tobage bidi dao.

Kolesaga Koneai Bidigo Pusali Po Elalubo Buku 10:18

Te bidigo aga sę ebo hagela eyu da, te aga be walawala ni dabe gaga paibao. Awe, aga olo naga bidibaso da, teda te be pedu tologa pelama, te tulubage be tomoba pelama, te be dolobo dao.