Bugagia Bidibo Kolesagade Po Asęai Buku 22:2 - Godigo dwagi yai po buku

² Genuai Bidigo tigidali bidi nigali, te mone hauwa elalubo bidi dabe, me te magi nai meni yai te olo bidi dabe me nigali. Tama tibaso, te hani si te tiwai si dao.

Bugagia Bidibo Kolesagade Po Asęai Buku 22:2 Referans Kwoze

Jopgo Po Asęani Elalubo Buku 31:15

God aga digi ena te ena idago haligade ame nomainu yai dao. Tama aga naga te sę ebo we bidi me augwa ida dabego haligade ame nomainu yai dao. Te God deligo naga da tigidali nigilama, tama da te God aga gedude deli tigi tiwai naga bidibao,” wali.

Bugagia Bidibo Kolesagade Po Asęai Buku 14:31

Godigo tigidali bidi nigali, tama tiyu, te bidi me deligo te magi doado bage meni yai bidi dabe aiyaba elalubaso da, agai te God aiyaba elalu dolobao. Tiali goli, te magi doado bage meni yai bidi dabe bugagia wiegi yai ilibo kolesaga ebo bidi da, agai te Godiba genuai nogi mabo dao.

1 Samuel 2:7

Tama Genuai Bidigo te we bidi meba te doado bage meni yai bidi pedalumainu ilama, tama agai te meba bidi dabe te doado bage mone hauwa elalumainu ilaibao. Agai te meba aiyaba elaluama, tama te mebabolo te genuai nogi mayu ebo dao.

Bugagia Bidibo Kolesagade Po Asęai Buku 29:13

Genuai Bidigo te gedu tigidali we bidiba mawai, tama augwa tonobaso, usu yaibao. Agai te magi nai meni ebo bidi dabeba me mayu, tama me agai te magi nai meni ebo bidi dabe aiyaba elalubo bidi dabeba me mayu yalio.

Jopgo Po Asęani Elalubo Buku 34:19

God deligo naga agai te tama po wabo usu yaibao, magi baso meni, agai te tigidali we bidi nigai dao, tama agai gedude tigidali deli tigi poąį naga bidibao, te augwali doado bage hauwa elalubo bidi dabe me, te doado bage hauwa elalusiąbo bidi dabe me, tede moni homu me elalubeo, te tagalao. Te tigidali bidi Godigo gedude deli tigi tiwai naga bidibo dao.

1 Korin 12:21

Tama tibaso, gedugo te nogobolo te po wabo usu me egobe, “Te nogo, nage bidigi menigi sogo da, te enaduba deli ena bugagia bidigi dao.” Tama tobolugo me sągą bolo te po me wagobeo, “Te sągą, nage bidigi menigi sogo da, te enaduba deli digi ena bugagia bidigi dao,” te po wabo usu me egobeo.