Bugagia Bidibo Kolesagade Po Asęai Buku 21:4 - Godigo dwagi yai po buku

⁴ Te dwai kolesaga ebo bidi dabego te sę me edu, tama sesemane hagoma yaibao. Tama tiyu, te augwa bidibo ula doliyu, te dwai sęgo pągąnalubo dao.

Bugagia Bidibo Kolesagade Po Asęai Buku 21:4 Referans Kwoze

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

Bugagia Bidibo Kolesagade Po Asęai Buku 6:17

Te hagoma ebo kolesagago te gasa bidi dabe tonobo te olo bage tiwai ebo kolesaga. Me te tibo po wabo kolesaga. Me te gasa bidi dabe olo dali ela mubo kolesaga ebo.

Aisaia 2:17

Te Genuai Bidi sabalobo sogo da, agai te dene mabo kolesaga elama, augwa nogi ugwa sabo bidi dabego nogi aiyaba elaluaibao. Tama augwali hale mu yaibao. Tama me te tibo god dabe mu sia saibao. Tama te sogo Genuai Bidi aga deli naga te sogo genuai nogi saibao.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Polgo Po Pas Rom Dabeba Asęani 14:23

Tiali goli bidigo homu si elama te nai tuali da, te Godigo agabolo sęgę mawaibao. Magi baso meni. Aga te sęde te wiegi yai sę naga dao te homu isiąbadi aga homu si elama te nai tuali. Te tigidali sę deli delide e po mu po dao: te sę doloba pai sę mu da homu isiąbadi tama homu si elama te sę eyu da, teda dago tede dwai sę yalio.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Aisaia 3:16

Genuai Bidigo te po wali, “Jerusalem we dabe, suiąo. Augwaligo homugo augwali dwagi yai mu dao homu eyu, hagoma homu ebao. Te augwali bilibo sogo, augwaligo augwa sągą aulama, tama augwa sągąde hǫą omainu ebo dao. Augwaligo augwa tobolu sagolama, augwa dogoni dodolobo dao. Tama augwaligo gedu subigila bidi gedu tonobo dao.

Bugagia Bidibo Kolesagade Po Asęai Buku 21:27

Genuai Bidigo te dwai kolesaga ebo bidigo ofa te wei mu me egobeo, aga tede sębę ebo dao. Tama te bidigo te tibo kolesaga wali peyu, te ofa ebaso da, teda Genuai Bidigo te dwai kugumini yai kolesaga mu da homu ebo dao.

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Godigo Nogi Ugwaba Sabo Tęąbi Po Wabo Buku Dabe 10:4

Te hagoma ebo bidigo te tama po wabo da, “Eno koneani, Godigo eno ebo dwai sę wei ponobeo. Agai enade magi homu me egobeo.” Te dwai sę ebo bidigo te tama homu eyu, agai te Godigo ebo kolesaga wali pabo menio.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Bugagia Bidibo Kolesagade Po Asęai Buku 30:13

Te meba bidi dabego homugo augwali te wiegi yai mu da homu elama, tama gasa bidi dabe te olo bage te olo tiwai da homu ebo dao.

Dwagi Yai Gesi Po Lukgo Asęani 11:34

Naga tigigo sole te naga gedu da. Naga gedugo be ula bugagia suyu, naga homu kolesaga dwagi yai yaibao. Tiali goli, naga gedu doyu da, teda nago homu kolesaga me te be hulia selama dwaibao.

Bugagia Bidibo Kolesagade Po Asęai Buku 24:20

Magi baso meni, te bidi dabe augwali te wiegi yai sogo bidibo gegebo usu me egobeo. Menio. Te augwali te lam sole isibo tiwai gilama yaibao. (30)

Jopgo Po Asęani Elalubo Buku 18:5

Dwai kolesaga ebo bidi dabe augwali dene sabo dao. Godigo augwali silibo da, te bidigo lam sole sula sabo tiwai ebo dao.

Jopgo Po Asęani Elalubo Buku 18:6

Tama te bidi dabego augwa bede lam sole ula me elalubo sugobeo. Aga bede te hulia saibao.

Godigo Nogi Ugwaba Sabo Tęąbi Po Wabo Buku Dabe 101:5

Te eno te gasa bidi dabeba posobo po wabo bidi dolaibao. Tama eno te hagoma ebo bidi dabe bidimainu me sula tagalogobeo.

Godigo Nogi Ugwaba Sabo Tęąbi Po Wabo Buku Dabe 131:1

Genuai Bidi, eno te hagoma yali kolesaga tagalama, tama eno te ena digi te nogi ugwaba me sabeo. Eno te genuai nai dabede homu kone me isiąma, tama te eno konesiąwai nai dabede me eno homu kone me ebo menio.

Bugagia Bidibo Kolesagade Po Asęai Buku 6:16

Genuai Bidigo te bidi dabego te e 7 kolesaga dabe ebo da te godolo homu mu meni isąwanio, agai tede sębę ebo dao. Augwali e dao.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.