Bugagia Bidibo Kolesagade Po Asęai Buku 21:26 - Godigo dwagi yai po buku

²⁶ Agai te tobage nai dabe te sesemane aga sabo homu eyu, bidibao. Tiali digi, te sę bomonama yali doloba pai bidi agai te doado bage hauwa te nai meni yai bidi dabeba mobaso, te usu dao.

Bugagia Bidibo Kolesagade Po Asęai Buku 21:26 Referans Kwoze

Godigo Nogi Ugwaba Sabo Tęąbi Po Wabo Buku Dabe 37:26

Te sesemane sogo te doloba pai kolesaga ebo bidigo te olo mu tau sabo wiegi yai kolesaga eyu, tama te gasa we bidi dabeba nai hauwa mayu ebo dao, tama augwa wai dabego te aya ida wiegi yai homu pemene ilibo sę ebo dao.

Efesus 4:28

Tama te polobadu nai wi sidu geai bidi agai te nai wi sabo sę tagalama silao. Megi aga digi doloba pai sę yao. Tama agai aga digi nai sabo sę aga nogogo digi eyu, tama aga digi tau siyu, te nai meni yai we bidi me tau siyu yao.

Godigo Nogi Ugwaba Sabo Tęąbi Po Wabo Buku Dabe 112:9

Agai nai hauwa nai meni yai bidi dabe augwali mabo dao. Agai dwagi yai kolesaga sesemane sogo ebo dao. Tama agai genuai nogi agai bulude elaluaibao, tama augwaligo aga nogi ugwaba saibao.

Matyu 5:42

Tama bidi me deligo nage dali te nai me deli po hanalu obaso da, teda nago te nai aga mao. Tama bidi mego nage dali negeli sainogo homu ebaso da, teda nago te bidi aga tudiba munama tama nage gesabi gasaba gegi pigio. Agabolo te nai osogo mao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 112:5

Dwagi yai kolesaga ebo bidi aga dali gasa bidigo nai negeli aga dali somainogo ebo, tama aga masigi sabo sę bisnis ebo tigidali bugagia dolo pabo, te bidigo homu dwagi yai yao.