Biblia Todo Logo
Bib sou entènèt

- Piblisite -




Bugagia Bidibo Kolesagade Po Asęai Buku 21:25 - Godigo dwagi yai po buku

25 Te hagela bidigo te doado bage sabo homu wei sabo dao, tiali digi aga te sę isiąbo bidi dao. Tama tialima, aga te wei ebo homugo te aga ela muaibao.

Gade chapit la Kopi




Bugagia Bidibo Kolesagade Po Asęai Buku 21:25
13 Referans Kwoze  

Te hagela bidigo te doado bage hauwa sabo homu wei yali, tiali goli agai me sogobeo. Tiali digi, te sę dene ebo bidi dabego da, te augwa homugo te doado bage hauwa sabo homu yaibao.


Te sę dene ebo bidi da, te tonalubo bidi pedelaibao. Tiali goli, te hagela bidi dabe te olo sę naga ebo bidi pedelaibao.


“Tiali goli aga genuai bidigo po agabolo wei ponoyu, te po wai, ‘Nage dwai sę bidi dao. Nage sę hagela ebo bidi. Ma, nago bugagia koneani eno te nai ge bulasiąwai goli, te nai siyu, tama gasa bidigo tǫde telawai nai sabo te nago konebo dao.


Hagela bidigo te homu yai, te agai koneani kolesagago te nogo a naga olama, me badu nogo si wali bidigo te augwa bugagia konea pai te hania mu pusubo wiegi yai homu kolesaga te agai aiyaba elaluali homu ebo dao.


Te hagela bidigo te pou pletba nogo muyu, te nai sainogo yaibao. Tiali goli, agai nogo te ugwaba sagulama, tama te nai pedauwaliba me mugobeo.


Te hagela bidigo te aga bidibo ula te dwai mu da, te homu yaibao, te aga busi sunumidu pabo tiwai yali. Tiali goli, te doloba pai bidigo koneai, te aga bidibo ula te wiegi yai mu da wali, te aga genuai sunumidu pabo tiwai ebo dao.


Te hagela bidigo te hasa enegi peyu da, te augwaligo gegebo me sugobeo. Tiali goli, te sę dene ebo bidi da, augwali te dwagi yai bidi dabe mu dao.


Te hagela bidigo te aga giba te nai wai bulainu te tǫ eligi pabo sę me egi pogobeo. Tama tialima, te nai inilama, te tau yai sabo sogo, teda aga te giba odolali mu pelama gegegi paibao.


Hagela bidi te be tomode olo dugulalu bidaibao. Agai te tama po waibao, “Te laion me deli te sunumide bidibao,” wabo. “Tama tibaso, ena te buluba me teda soagobeo,” wabo dao.


Te sę igi pabode hagela homu ebo bidi te be tomode olo dali bidai. Agai te tiwai po waibao, “Te laion hasa me deli te sunumide bidibao,” wai. “Tiyu, ena buluba soade tama te laiongo ena elidalio,” waibao.


Nosali augwali ma asu, Josuabolo te tiwai po wai, “Nago te tigidali bidi pomainu mu elamuo. Te bidi sese sigo te umabo bidi hauwa mu 2,000, ma te bidi sese sela wabogo te umabo hauwa 3,000 bidi naga pelama, te Ai hanuba hwįgi pomainu tagala palao. Nago te tigidali bidi mu tagala palama, te hwįgi pomainogo me elamuo. Te genuai hanu menio,” te po wai.


Swiv nou:

Piblisite


Piblisite