Bugagia Bidibo Kolesagade Po Asęai Buku 21:15 - Godigo dwagi yai po buku

¹⁵ Te we bidi dabego te po tų ebode wiegi yai doloba pai kolesaga wali pabo sogo, te wiegi yai we bidi dabego sulama, tama pemene yaibao. Tiali goli, te dwai kolesaga ebo bidi dabego sulama, te augwali wi mu ebo dao.

Bugagia Bidibo Kolesagade Po Asęai Buku 21:15 Referans Kwoze

Bugagia Bidibo Kolesagade Po Asęai Buku 10:29

Te doloba pai bidi dabego Genuai Bidigo po wali pobaso, agai augwali bugagia tonaluaibao. Tiali goli, te dwai kolesaga ebo bidi dabego agai po wali pisąbaso, augwali dolaibao.

Matyu 7:23

Tama te sogo eno augwalibolo te po hanilama waibao, ‘Eno dage munu me konebeo. Dage dwai sę ebo bage, dage piąo,’ eno te po te sogo waibao,” Jisasgo te po wai.

Aisaia 64:5

Nago pemene eyu, te doloba pai kolesaga mu elama, nago te godolo homu ebo kolesaga wali pabo bidi dabe tau sagasobo dao. Tiali goli, nago daba wado po wai goli, te dago kolesaga me hasegelebeo. Dago te dwai sę yabo bomo iduai dao.

Kolesaga Koneai Bidigo Pusali Po Elalubo Buku 3:12

Eno te naide homu kone palama, tama eno koneani, te uganu ela holobo kolesaga me deli elalubao. Te kolesaga e tiwai dao. Dago wiegi yai pemene eyu, te wiegi yai kolesaga da e tǫde bidadubadi ebaso, te usu yaibao.

Bugagia Bidibo Kolesagade Po Asęai Buku 21:12

Te Genuai Bidigo kolesaga te dolo mu ebao, tama agai te dwai kolesaga ebo bidi dabego te augwa be tomode te tigidali sę ebo te agai koneanio. Tama Genuai Bidigo te bidi dabe dolaibao.

Bugagia Bidibo Kolesagade Po Asęai Buku 5:20

Ogwao, nago te gasa bidigo weba homu kone eyu, tama nago te agai amede homu palamuo.

Godigo Nogi Ugwaba Sabo Tęąbi Po Wabo Buku Dabe 119:16

Nago bomo yai po eno godolo mu ebao. Tama eno homugo te po gegeda peyu, tagalogobeo.

Godigo Nogi Ugwaba Sabo Tęąbi Po Wabo Buku Dabe 112:1

Genuai Bidigo nogi ugwaba sao. Genuai Bidi dali wi eyu, agai bomo yai po wali pabo bidi, agai dwagi yai homu yaibao.

Godigo Nogi Ugwaba Sabo Tęąbi Po Wabo Buku Dabe 40:8

Eno God, eno te nago homu wali pabo wei mu ebao. Te nago bomai po te ena haliga tomode elalubao.”

Polgo Po Pas Rom Dabeba Asęani 7:22

Mu tama, eno homude eno Godigo bomai po mu godolo ebo dao.

Dwagi Yai Gesi Po Jongo Asęani 4:34

Jisasgo augwalibolo te po wai, “Eno nai da, e tama dao: eno ena tagala palali bidigo homu wali pabo dao. Tama eno agai ena nogoba muani sę polo silaio,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 119:92

Te eno nago bomo yai po godolo menigi sogo da, teda nago enaba dene mabo sę ebaso, te isigi dao.

Bugagia Bidibo Kolesagade Po Asęai Buku 21:16

Bidigo te wiegi yai homu kolesaga ebo sunumi te tagalubo bidi da, te isilama, tama te isali bidi dabe dali bidigi paibao.