Bugagia Bidibo Kolesagade Po Asęai Buku 20:9 - Godigo dwagi yai po buku

⁹ Dego te tama po weyu, “Eno te ena digi te magi dwai sę me isiąwai mu, te ena wiegi yai mu te God geduba pedalu, tama megi eno te dwai sę me deli ebeo,” po obaso, te usu egowe? Bidi meni.

Bugagia Bidibo Kolesagade Po Asęai Buku 20:9 Referans Kwoze

Kolesaga Koneai Bidigo Pusali Po Elalubo Buku 7:20

Te doloba pai bidi me deligo wiegi yai kolesaga sesemane sogo me idugobeo. Menio. Me sogo agai me sęgę sabo dao.

Te Israel me Juda Hani Sigo Tuni Bidigo Po Elalubo Buku Deli 8:46

“Tigidali we bidigo dwai sę ebo da. Tama nosali te Israel dabego te dwai sę nageba ebaso, tama nago augwali dali wado po weyu, tama nago te boi bidi dabego augwali aiyaba elalumainu elama, te augwali kalabus elama, tama augwali te pąde elalubo bulu tǫba, ma te digibulu tǫba selasa pomainu ilama,

Jopgo Po Asęani Elalubo Buku 14:4

Da we bidi nago gedude meda mu yali. Tama dego da hasegelama, da tigi wiegi yai nago gedude ilaibawe? Mu meni.

Jems 3:2

Tama hauwa sogo da tigidali bidigo te pode geda muyu haniani sę ebo dao. Tama tibaso, bidi mego agai wabo pode dwai sę me esiąyu da, te aga te wiegi yai bidi mu dao. Tama te bidi aga tigigo ebo sę tigidali bugagia tonaluyu te bidi usu yaibao.

1 Korin 4:4

Mu tama, te Godigo enabolo mani sę ebode eno homugo eno te sęde sǫą pabeo, bugagia yai dao. Tiali goli te eno tama tiwai po wabo usu me egobe: “Ena doloba pai bidi da,” te wagobeo. Te ena dagalobo sę ebo bidi te Genuai Bidigo sę naga dao.

Jopgo Po Asęani Elalubo Buku 25:4

Mena tama da tǫde bidi doloba pelama, Godigo gedude meda meni yai pedalaibawe?

Jopgo Po Asęani Elalubo Buku 15:14

We me, bidi me, Godigo gedude doloba pai me elalubeo.

Godigo Nogi Ugwaba Sabo Tęąbi Po Wabo Buku Dabe 51:5

Nago koneai, idago ena ame nani sogo, ena dwai sę ebo bidi pedelai. Mu tama, ena idago haligade bidibadi, ena sęgę sai bidi dao.

Tuni Bidi Dabego Po Elalubo Buku Si 6:36

“Te tigidali we bidigo sęgę sabo sę ebo dao. Tama tialima, dago nage dali sęgę sabo sę eyu da, tama nago da dali wado elama, tama nago boi bidi dabego da dali hwįagaselama da aiyaba elaluama, tama da kalabus elama, da digibulu o pąde elalubo kantri dabeba pomainu sula tagaliyu,

Polgo Po Pas Rom Dabeba Asęani 3:9

Te Godigo te Juda dabe dali yali kolesagade dago magi homu egowe? Te ena me, te dage Rom we bidi meba me, te da te Juda hani bage dao. Te dago te Juda hani isąwai we bidi dabe augwali aiyaba elalubo dawe? Te me tegobeo. Mu menio. Eno tamadi te po walio, te dwai kolesaga sęgęgo da tigidali badi, te Juda me te Juda hani isąwai bage dali te sęgęgo mesegelai dao.