Bugagia Bidibo Kolesagade Po Asęai Buku 2:6 - Godigo dwagi yai po buku

⁶ Magi baso meni, Genuai Bidide digi agade te wiegi yai homu kolesaga page elalubao. Tama agai te wiegi yai homu konebo kolesaga te dabolo mabo dao.

Bugagia Bidibo Kolesagade Po Asęai Buku 2:6 Referans Kwoze

Jems 1:5

Tialima, dage tomode te bidi me deli aga te sę yabo kolesaga habuge ebaso da, te agai God hanalu wao, dwagi yai kolesaga momainogo hanalu wao. Tama Godigo agabolo mawaibao. Wado po wagobeo, God agai tigidali bidibolo augwaligo hanalu wali nai mabo dao. Agai dwagi yai homu eyu augwalibolo nai olo mabo dao.

Godigo Nogi Ugwaba Sabo Tęąbi Po Wabo Buku Dabe 119:98

Nago bomo yai po ena dali sesemane sogo elalu, tama te konebo homu kolesaga enabolo mabo dao. Tama tebo sęgo te ena kolesaga koneai bidi mu tiwai elama, tama eno te ena boi bidi dabe koneani homu kolesaga aiyaba elaluai dao.

Jopgo Po Asęani Elalubo Buku 32:8

Tiali goli, bidi mego kibu be hauwa elama, dwagi yai homu kolesaga agai naga elalugobeo. Menio. Tigidali Bomo Elalubo Godigo Mobo Bidi daba aselama, da dwagi yai homu kolesaga dabe mabo dao. Tama tibaso, polo monu dabego naga te dwagi yai kolesaga dali, dwai kolesaga dali si dagalogobeo.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Aisaia 54:13

“Te ena digi eno nago wai dabe ola mayu, te augwa bidabo pesage bugagia mu elalueibao.

Dwagi Yai Gesi Po Jongo Asęani 6:45

Te Godigo nosali yabo sę po pusa mani profet bidi dabe augwaligo te po asęani, ‘Godigo tigidali we bidi ola mawaibao.’ Mena bidi me Ayago po odolama, tama koneama, te bidi ena pageba asobo dao.

Te Israel me Juda Hani Sigo Tuni Bidigo Po Elalubo Buku Deli 3:12

Tama tiyu, te mu tama, nago enaba te hanalu wali nai te eno nage mawaibao,” wali. “Megi da, te eno nagebolo te konebo wiegi yai homu kolesaga hauwa mawaibao,” po wai. “Polobadu te bidi me deligo te tobage kolesaga koneai me elalubeo, tama te nosali me te bidi me deligo nago te koneani kolesaga tobage tiwai te bidi mego sogobeo.

Godigo Nogi Ugwaba Sabo Tęąbi Po Wabo Buku Dabe 119:104

Nago bomai pogo enabolo te wiegi yai homu kolesaga mawaibao, tama tialima, eno te dwai kolesaga tigidali ebo te eno homu hagela mu ebao.

Daniel 2:23

Te eno wąį nǫų dabego God, eno nageba gedu haluasa po weyu, usu da olama, te nage nogi ugwaba sobao. Magi baso meni, nago enabolo te konebo kolesaga me te bomo enaba mawai, tama nago eno gedu haluasa po wabo odolama, tama enabolo te dago nageba hanalu wali nai ola mawai. Tama nago dabolo te dago te kingba aga nade pusabo po meba mawai dao,” Danielgo te gedu haluasa po wai.

Daniel 1:17

Tama Godigo wiegi yai konebo homu kolesaga te Danielba me, te aga abagi sela daliba menama, tama augwaligo koneani kolesaga te genuai mu elalu, te bukude elalubo po dabe me te mu konea pelama elaluai, tama augwaligo gasa nai dabe konebo kolesaga hauwa mu elaluali. Tama me, te Godigo Danielba te na ebo page dabe pusa mabo konebo kolesaga wiegi yai mani.

Aisaia 8:20

Te augwaligo te augwa Godiba pelama, tama agai homu kolesaga siyu, agai bomai po sigi peyu eyąo. Ma, augwaligo tama tisąma yali da, teda augwali hulia sai madi me bididuaibao. Tama wiegi yai sogo me sugobeo.

Te Israel me Juda Hani Sigo Tuni Bidigo Po Elalubo Buku Deli 4:29

Godigo te wiegi yai homu me konebo homu kolesaga te Solomonba mawai. Agai koneani kolesaga te umabo mu, te nabis wę sanede te masigi kemi tiwai elalu, tama te bidigo nedainu ebo te usu me egobeo.

Daniel 2:21

Nago te giliga side, me tulubage side te tonalubao, tama nago digi te bidi dabe king pedalumainu elama, tama nago te king dabe augwa sęde sela sąyu ebo dao. Tama nago te wiegi yai konebo homu kolesaga te we bidi dabeba mabo dao.

Bugagia Bidibo Kolesagade Po Asęai Buku 6:23

Magi baso meni. Te aya idago po te lam ula me deli te wiegi yai eyu, te nageba sunumi ola mabo tiwai ebao. Tama augwaligo te nage dodolobo sogo, te nage bidibo ula elalubo tau sabo wiegi yai kolesaga wali pomainu yaibao.

Godigo Nogi Ugwaba Sabo Tęąbi Po Wabo Buku Dabe 19:7

Genuai Bidi Godigo bomo yai po te tigidali dolo mu naga ebo dao, tama dabolo bidibo bomo yai ula mabo dao. Genuai Bidi God agai pode dago bomo yai homu agabolo dąų olama, muyu da, te usu mu yaibao. Te pogo dwagi yai homu kolesaga agai po kuna konesiąwani bidi polo agai mabo dao.

Te Israel me Juda Hani Sigo Tuni Bidigo Po Elalubo Buku Deli 3:9

Tama tibaso, eno homugo nago enabolo te konebo wiegi yai homu kolesaga mao, te tama eno nago te we bidi bugagia tonalumainogo tiao, tama te mena kolesaga te wiegi yai ebo, ma te mena dwai kolesaga ebo me, te eno bugagia dagalamainu te tama tiao. Te meni ebaso da, teda te mena bidi me deligo nago te genuai we bidi hani dabe tonalubaso, te usu egobeo. Ena digi eno te usu mu me egobeo,” wali.

Ma Dobola Sali 31:3

tama agabolo eno homu kolesaga te bomo mawai. Tama eno agabolo te wiegi wiegi yai nai gol, me silva, me bras nigabo wiegi yai homu kolesaga mawai dao.

Tuni Bidi Dabego Po Elalubo Buku Deli 22:12

Te eno homugo Genuai Bidigo te wiegi yai homu konebo homu kolesaga nagebolo menama, tama nago te dago Genuai Bidi te Godigo bomai po tigidali wali paibao, te agai nage te Israel king pedalumainu ilibo sogo te tama tiaibao.

Nehemia 7:5

Tama Godigo ena te homu kolesaga mayu, te we bidi dabe dali, te polalubo bidi dabe me, te ofisa dabe dali, me te tigidali we bidi wai puluba augwaligo nogi te buku me delide asęmainu yai. Eno tama tiainogo homu ebo sogo, tama eno te polasa te Babilon tagalama, te Juda Provinsba ma asali bidi hani dabego nogi elalubo buku me deli suali.

Jopgo Po Asęani Elalubo Buku 22:22

Nago agai nage mawainu ebo kolesaga po nago tigidali sao. Tama agai po nago homude bugagia mu muao.

Godigo Nogi Ugwaba Sabo Tęąbi Po Wabo Buku Dabe 51:6

Nago homugo te eno nage dolo naga wali asiyu, tibo kolesaga igio homu ebao. Tama tibaso, nago ena dwagi yai homu kolesaga ola mao.

Kolesaga Koneai Bidigo Pusali Po Elalubo Buku 2:26

Te we bidi mebago te Godigo homu wali pobaso, tama agai augwali dali dwagi yai homu ebo dao. Agai augwaliba te wiegi yai homu kolesaga menama, te augwali pemene ilibo dao. Tiali goli, te tobage kolesaga isąwai bage, te dwai sę ebo bage yaibaso da, teda agai augwaliba te sę dene menama, te sali nai hauwa te sisinama, te Godigo dwagi yai homu ilibo we bidi augwaliba momainu ebo dao. Te sę dene eyu, doado bage hauwa sabo kolesaga me te page meni yai elalubao, te bidi udayu, te wali nogogo tola sainu ebo tiwai ebo dao.

Te Israel me Juda Hani Sigo Tuni Bidigo Po Elalubo Buku Deli 10:24

Te tigidali bulu bidi dabe aselama, Solomon suagasu yali, te Godigo agabolo mani te koneani wiegi yai homu kolesaga te po odainu yai.

Esra 7:25

“Tama Esra, odao. Nago Godigo nageba te homu kolesaga hauwa mu mani, tama tiyu nago te kiap dabe nigiliyu, tama te tigidali we bidigo po tų dodolobo bidi dabe dali, te jas bidi te Godigo tigidali bomai po tonaluabo bidi dabe nigilama, tama te wę Yufretis u badu tǫ pedaide bidimainu yao. Tama dage we bidi mebago te Godigo bomai po konesiąbaso da, teda nago augwali bugagia ola mayu, te augwaligo me wali pomainao.

Jopgo Po Asęani Elalubo Buku 12:13

Tiali goli, Godigo homu kolesaga dali, te dwagi yai kolesaga sigo te polo bidi dabego kolesaga edelai elalubo. Tama agai genuai bomo me elalubo. Agai magi sę me yainu yali da, agai eyu naga ebo dao,” wali.

Jopgo Po Asęani Elalubo Buku 12:16

Godigo genuai bomo dali, kolesaga dali elaluyu yaide, tigidali sę agai yabo homu ebo dao. Te ili po wabo bidi dali, te ili po wali pabo bidi dabe dali si, te tigidali tama Godigo nogode naga munalubo.

Godigo Nogi Ugwaba Sabo Tęąbi Po Wabo Buku Dabe 19:8

Genuai Bidigo dabolo dwagi yai po mu ola mabo dao. Te pogo dago homu kolesaga dwagi yai pemene mu ebo dao. Genuai Bidigo tama tiao wabo po te dwagi yai mu dao, tama dabolo dwagi yai koneabo homu kolesaga mabo dao.

Godigo Nogi Ugwaba Sabo Tęąbi Po Wabo Buku Dabe 94:10

Agai te tigidali tǫde bidibo bidi hani tonalubo dao. Tialima, agai augwali dodolobo meniwe? Tama aga tigidali we bidigo po ola mabo bidi. Agai konebewe?

Godigo Nogi Ugwaba Sabo Tęąbi Po Wabo Buku Dabe 119:34

Nago te dwagi yai po enabolo hania bugagia ola mayu da, te eno wali paibao. Eno homugo ena hodolobaso da, te eno te dwagi yai po tigidali wali paibao.