Bugagia Bidibo Kolesagade Po Asęai Buku 2:22 - Godigo dwagi yai po buku

²² Tiali goli, Godigo da te aga wali pisiąma te dwai kolesaga ebo bidi dabe sela sąwaibao. Te agai augwali magadu digayu, te bidigo aga gide te nai digabo tiwai gilama yaibao.

Bugagia Bidibo Kolesagade Po Asęai Buku 2:22 Referans Kwoze

Godigo Nogi Ugwaba Sabo Tęąbi Po Wabo Buku Dabe 52:5

Tiali goli, odao. Godigo te nage mu doloyu, tama nage te tiwai elalua paibao. Agai te nage pageabi elama, tama naga bede te nage sela sąwaibao. Tama nage mu sia somainu ilama, tama nage te tǫde ma bidimainogo me elalugobeo.

Godigo Nogi Ugwaba Sabo Tęąbi Po Wabo Buku Dabe 37:28

Magi baso meni, Godigo te doloba pai kolesaga ebo we bidi wei eyu, godolo mu ebo dao. Agai te aga we bidi hagamainu me egobeo. Sesemane sogo Genuai Bidigo te we bidi dabe dolasa bilimainu tonalueibao. Tiali goli, te dwai bidi dabego wai dabe da, te mu dolaibao.

Bomai Po 7:22

Dage pąba saboligi pabo si, agai te hani bidi dua dua sela sąbo sę iduaiba, te dage pąba saboligi pabo si. Tama dagego augwali polo dolobo usu me egobeo. Ma, dagego augwali polo doliyu da, teda bulu hasa dabe hauwa mu pedelama, tama augwaligo dage elaibao.

Bugagia Bidibo Kolesagade Po Asęai Buku 10:30

Te doloba pai bidi dabe te augwa bulu tǫ pedaide bugagia bidaibao. Tiali digi, te dwai sę ebo bidi dabe augwali te tiwai gilama me bidigobeo. Menio.

Godigo Nogi Ugwaba Sabo Tęąbi Po Wabo Buku Dabe 145:20

Agai te aga godolo mu ebo we bidi bugagia tonalubao. Tiali goli, te dwai kolesaga ebo we bidi, augwali dolaibao.

Godigo Nogi Ugwaba Sabo Tęąbi Po Wabo Buku Dabe 104:35

Genuai Bidi, nago te dwai sę ebo we bidi tigidali dolao. Eno homugo dwai sę ebo bidi dabe augwali mu haga yabo homu yai. Eno Genuai Bidigo nogi ugwaba sobao. Genuai Bidi agai nogi ugwaba mu saibao.

Jopgo Po Asęani Elalubo Buku 21:30

Mu tama. Augwaligo dagebolo e tama waibao. Te God sębę elama, tama dwai sę pedalumainogo elama, tama we bidi hani deli pesage badu dolainu da, teda agai te dwai kolesaga ebo we bidi dolobo menio. Menio. Augwali bugagia bidimainu sula tagalobo dao.

Godigo Nogi Ugwaba Sabo Tęąbi Po Wabo Buku Dabe 37:22

Te Genuai Bidigo wiegi yai po augwaliba wabo we bidi da, te augwali te bugagia tǫde bidaibao. Tiali goli, te Genuai Bidigo te dolomainao po wali we bidi dabe da, teda agai augwali sela sąwaibao.

Godigo Nogi Ugwaba Sabo Tęąbi Po Wabo Buku Dabe 37:20

Tiali goli, te dwai sę ebo bidi dabe, augwali da, mu dolaibao. Te Genuai Bidigo boi bidi dabe augwali te hagawaibao, te wiegi yai plauago, me nosaigo au tǫba tegaluama, te hagabo tiwai gilama yaibao. Mu tama, te augwali te sia hano te dwasianu sogo naga elaluama, tama te hano pela silibo tiwai gilama ebo dao.

Bomai Po 29:28

Genuai Bidi moni sębę elama, wado po dwai mu yali. Tama tibaso, agai augwali augwa tǫde sela sąnama, tama augwali gasa buluba dabe tagala palali. Tama megi me augwali te tama bidibao,’ te bagego nosali te po waibao,” Mosesgo te po wali.

Bugagia Bidibo Kolesagade Po Asęai Buku 11:3

Te doloba pai we bidi dabego doloba pai kolesaga ebogo te dwagi yai sunumi augwalibolo ola mabo dao. Tiali goli, te tibo po wabo bidi dabe da, te augwa tibo po wabo kolesagade digi te augwa dolaibao.

Bomai Po 29:20

Godigo te tama bidi dabego sęgę munu me sela sągobeo. Tiali goli, God sębę mu elama, tama isi delama, posolo genuai mu ebo tiwai mu yaibao. Tama te dwai sę dabe te bukude wali te dwai sę dabe te bidi tigide pedalaibao, te sę tama ela ela pidubadi, te Genuai Bidigo aga dolama, silibo siba usu nigi paibao.

Te Israel me Juda Hani Sigo Tuni Bidigo Po Elalubo Buku Deli 14:14

Genuai Bidigo bidi me deli dąį ilali, te bidi te Israel hanigo king bidi nigilainu, tama te king hanigo da te king Jeroboamgo hani mu augwaligo mu dola silaibao. Awe, te tama sę megi tama pedelaibao,” wali.

Tuni Bidi Dabego Po Elalubo Buku Deli 10:13

Sol isali, magi baso meni, agai Genuai Bidigo po bugagia wali pabeo. Menio. Agai te Genuai Bidi bomai po sela sąwani. Tama agai te isali bidi dabego noma bidiba hanalu te agaba mena sunumi ola mabo te agai wali painu yali,

Godigo Nogi Ugwaba Sabo Tęąbi Po Wabo Buku Dabe 52:7

“Suao. Te bidi te Godigo aga tau sabo homu wei isiąyu, te aga dąų me walobeo. Agai te aga mone, me doado bage hauwade teba homu munama, tama aga homugo te dwai kolesagago aga bugagia bidimainu ilaibao, te homu yali,” te po waibao.