Bugagia Bidibo Kolesagade Po Asęai Buku 2:16 - Godigo dwagi yai po buku

¹⁶ Tama gasa bidigo we me deligo te nago aga dali penani ebo kolesaga yainu nage muma sabo po obaso da, teda te wiegi yai homu ilibo pogo nage bobogela selama, tama nago te wego po wali me pogobeo.

Bugagia Bidibo Kolesagade Po Asęai Buku 2:16 Referans Kwoze

Kolesaga Koneai Bidigo Pusali Po Elalubo Buku 7:26

Eno te tiwai page gegelama suali, te isibo kolesaga te ha ebo nai tiwai dao. Tiali goli, te bidi dali dwai sę yainogo sinabo we te bidi bolo tubo kę tiwai dao. Te da te ha mu ebao. Te tobage we da, te sųgų hagane togobo wa tiwaigo da bidi tola sobao. Te agai nogo te sen tiwaigo da kalabus ebao. Godigo te bidi me deli godolo ebaso da, teda te bidigo te tobage hagane togobo wa gedelama, wi paibao. Tialima, te hagane togobo wago te sęgę sabo bidi dabe tola sobaso, te augwali me geda muyu, ela soagobeo. Mu menio.

Bugagia Bidibo Kolesagade Po Asęai Buku 23:27

Te penani sę ebo we te aiyanu mu igulai tǫ dedage me deli tiwai ebao, tama te bidi dabe teba tulalubaso da, te dolaibao.

Bugagia Bidibo Kolesagade Po Asęai Buku 22:14

Te penani sę ebo wego te bidi homu bega sabo po weyu, tama te tǫ dedage aiyanu mu igulai tiwai me deli ebao. Te Genuai Bidigo te bidi me deligo dwai kolesaga wei ponabo homu ebaso da, teda te bidi te tǫ dedageba tulaluaibao.

Bugagia Bidibo Kolesagade Po Asęai Buku 6:24

Te augwaligo te pogo nage tau siyu, tama te dwai sę ebo we dabego te nage tibo po me ola masiąbo po me wasiąyu, tama nago te gasa bidigo wego pusai po wabo me odogobeo.

Bugagia Bidibo Kolesagade Po Asęai Buku 29:5

Te bidigo tibo homu bega sabo po obaso da, te tiwai agai te wa kekelama, te aga abagi tola somainogo ebo tiwai ebao.

Te Israel Tobolu Bidi Dabe 14:17

Te wego te tiwai gela naga odubadi, te genuai nai ulama tuyu bidali te sogo te a naga olama, me badu nogo si wali sogo usu nigi pali. Agai po hauwa mu obaso, tama te a naga olama, nogo me si wabo side, Samsongo te begelali po page agabolo walali. Tama aga pelama, te aga hanibolo wagi pai.

Bugagia Bidibo Kolesagade Po Asęai Buku 26:28

Te bidigo te gasa bidi dabeba tibo po obaso da, teda te tiwai ola mobao, agai augwali wei homu isąbaso, tama augwali dolainu ebao. Tama te bidigo homu bega sabo po sesemane sogo obaso da, teda tego te gasa bidiba dwai sę mu ilibo dao.