Bugagia Bidibo Kolesagade Po Asęai Buku 2:11 - Godigo dwagi yai po buku

¹¹ Te bugagia homu kone palubo kolesaga tego nage bobogela selama, tama wiegi yai kolesaga koneanigo te nage tonaluaibao.

Bugagia Bidibo Kolesagade Po Asęai Buku 2:11 Referans Kwoze

Bugagia Bidibo Kolesagade Po Asęai Buku 4:6

Nago wiegi yai homu kolesaga ebo me tagaligio. Menio. Nago aga godolo mu ebaso da, te agai nage tonaluaibao.

Efesus 5:15

Tama tibaso, dagego duga bilibo bugagia tonaluyu bilao. Dage bilibo te kolesaga meni yai bidi tiwai biligio. Menio. Dage bilibo te kolesaga koneai we bidi bilibo tiwai bilao. Tama tiyu dagego wiegi yai kolesaga naga yao.

Godigo Nogi Ugwaba Sabo Tęąbi Po Wabo Buku Dabe 25:21

Eno konealubo homu nageba elalubao, tama tiyu, nago eno te tigidali wiegi yai doloba pai kolesaga emainu eyu, tego te sesemane sogo ena tonalumainu ilao.

Kolesaga Koneai Bidigo Pusali Po Elalubo Buku 10:10

Te bidigo puna pai sigi hwą agai dulusiąwai yaibaso da, teda agai te ni gelebo sinabo sę dene mu yaibao. Me ma, te wiegi yai kolesaga elalubo bidigo da, te agai te ni gelebo sę wiegi yai yaibao.

Bugagia Bidibo Kolesagade Po Asęai Buku 1:4

Tama te bidi mebago te koneai kolesaga dwasianu naga elalubaso da, teda te e pogo te augwali tau selama, te gasagi yai bidi me pedalu, tama agai te koneani wiegi yai kolesaga te gesi bidi dabeba mayu, tama augwaliba te bilibo wiegi yai kolesaga ola mawaibao.