Bugagia Bidibo Kolesagade Po Asęai Buku 19:8 - Godigo dwagi yai po buku

⁸ Te bidi agai digi tau sabo homu ebo bidi, aga te wiegi yai homu kolesaga koneabo sę bomo yaibao. Tama bidigo te koneani kolesaga te aga homude dąų weyu tolaluyu da, teda te aga bugagia bidabo bomo te elalubo dao.

Bugagia Bidibo Kolesagade Po Asęai Buku 19:8 Referans Kwoze

Bugagia Bidibo Kolesagade Po Asęai Buku 16:20

Te bidi dabego aga ola mabo poba olo bugagia munama te po odobaso da, teda aga bugagia bidibo kolesaga elaluaibao. Tama bidigo konealubo po Genuai Bidiba dąų obaso da, te aga wiegi yai homu pemene yaibao.

Bugagia Bidibo Kolesagade Po Asęai Buku 3:18

Wiegi yai homu ebo kolesaga te bidibo ula mabo ni tiwai yaibao. Tama te wiegi yai homu ebo kolesaga te dali kęą pabo bidi dabe, augwa te bidabo ula wiegi yai mu elalubaso, tama augwa wiegi yai homu pemene yaibao.

Bugagia Bidibo Kolesagade Po Asęai Buku 4:6

Nago wiegi yai homu kolesaga ebo me tagaligio. Menio. Nago aga godolo mu ebaso da, te agai nage tonaluaibao.

1 Pita 3:10

Magi baso meni. Te polobadu mu bidi mego e po asęani, “Niwai bidi agai homu ‘Ena dwagi yai homu eyu, tigidali sogo bugagia bidaio,’ te homu agai eyu da, teda agai dwai po olamuo, te we bidi dene maiabo tibo po wagio.

Dwagi Yai Gesi Po Jongo Asęani 14:21

“Bidigo eno bomo yai po selama, bugagia wali pabo da, te bidi agai ena godolo mu eyu ebao. Tama niwai bidigo ena godolo ebo bidi, te eno Ayago me te bidi godolo yaibao. Tama eno me aga dali dwagi yai homu eyu, godolo eyu, ena digi te ena agabolo hania ola mawaibao,” Jisasgo te po wai.

Bugagia Bidibo Kolesagade Po Asęai Buku 22:18

Te po nago homude elaluyu, tama nago gasa bidiba pusubaso usu yabo ąǫ ebaso da, teda nago haliga te bugagia tegaluao.

Bugagia Bidibo Kolesagade Po Asęai Buku 17:16

Te wiegi yai homu kolesaga elalusiąbo bidi, te agai tobolu te dąų ola sigi pelama, tama agai te kolesaga me konegobeo. Tama tialima, magi baso agai te skul fi mone sela asaliwe?

Bugagia Bidibo Kolesagade Po Asęai Buku 4:21

Nago eno te po bugagia homude kęą selama, tama nago homuba bugagia muao. Tiyu, nago tagalabuo.

Bugagia Bidibo Kolesagade Po Asęai Buku 4:4

Tama ena dwasianu ogwa bidibadi, te eno ayago ena ola mani. Agai enabolo te tiwai po wali, “Te nago homuba eno po bugagia munama, tama dolo wali pao, tama nage bugagia mu bidaibao,” po wali.

Bugagia Bidibo Kolesagade Po Asęai Buku 3:21

Wai, nago te bugagia tonalu, te nago naga wiegi yai homu kolesaga, me koneani kolesaga te bugagia dąų olama, tolaluao. Tiyu, nago tagalabuo.

Godigo Nogi Ugwaba Sabo Tęąbi Po Wabo Buku Dabe 19:11

Nago bomo yai pogo naga sę bidi eno koneabo homu kolesaga mabo dao. Eno nago bomai po wali pobaso, tama nago ena dulalubo digi dwagi yai ilibo da.

Dwagi Yai Gesi Po Jongo Asęani 12:25

Tama te tiwai bidi aga tǫde bidibo sogode aga tobade aga digi dąų obaso da, teda nosali te bidi aga mu bidada pabo sogo mu hagawaibao. Me ma, bidigo e tǫde bidibo sogo aga digi tudiba muyu da, te bidi aga bidibo sogo mu elaluaibao, aga bidada peyu, bidada paibao.

Esekiel 36:26

Tama eno dagebolo gesi kolesaga me gesi homu mawaibao, te eno poba begi pabo homu kolesaga dao. Polobadu dagego tobolu te masigi tiwai dila pai dao. Tiali goli, eno te dwai homu kolesaga sela sąnama, tama eno dagebolo gesi homu kolesaga mawaibao.

Bugagia Bidibo Kolesagade Po Asęai Buku 19:9

Te bidigo po tųde tibo po obaso da, teda aga dwai dene saibao. Augwaligo te tobage tibo po wabo bidi ela muaibao.

Bugagia Bidibo Kolesagade Po Asęai Buku 3:22

Te wiegi yai homu ebogo, me te koneani homu kolesaga dali, tego nage ula mayu, tama nago wiegi yai au elalubo tiwai gilama yaibao.