Bugagia Bidibo Kolesagade Po Asęai Buku 19:5 - Godigo dwagi yai po buku

⁵ Te bidigo po tųde te tibo po weyu da, teda aga dene dwai saibao. Augwaligo aga me gogologobeo.

Bugagia Bidibo Kolesagade Po Asęai Buku 19:5 Referans Kwoze

Bugagia Bidibo Kolesagade Po Asęai Buku 21:28

Te sę ebo suali bidi te witnes bidigo te po tųde tibo po weyu da, teda te sę ebo suali te witnes bidi te isimainu yaibao. Tiali digi, te po bugagia odobo bidi, agai te po wainu ebaso da, teda te bidi dabego agai poba te bugagia olo munama, te po odobo dao.

Bugagia Bidibo Kolesagade Po Asęai Buku 19:9

Te bidigo po tųde tibo po obaso da, teda aga dwai dene saibao. Augwaligo te tobage tibo po wabo bidi ela muaibao.

Bugagia Bidibo Kolesagade Po Asęai Buku 6:19

Te tibo po tų yainu ebo kolesaga. Me, te bidi dabego te augwa ama hasi te dwai haliga ilibo kolesaga ebo dao.

Ma Dobola Sali 23:1

Tama Mosesgo Genuai Bidigo po pusuyu, te tiwai po wai, “Tama dagego te magi nai po me deli pedelali te po odoyu, tama te mu po meni homu eyu da, teda dagego te sę yali po subigila ola biligio. Tama bidigo te dwai kolesaga ebaso da, teda dagego aga tau siyu, te po tų ebode tibo po wagio.

Daniel 6:24

Tialima, kingo te Daniel po tų ilali bidi dabe augwali sao po olama, tama te augwali dali, te augwa we wai dabe dali, augwali te laion bidibo tǫ dedageba tula palalio. Augwali te tǫba tulalusiąbadi, te laion dabe posoga palama, tama augwali daboa sigulama, tama augwali tigi pepeda tulama, te mu dolai dao.

Bomai Po 5:11

“‘Dagego God eno nogi olo dali nogi igio, duga Genuai Bidi. Magi baso meni, eno nogi olo dali nogi ebo bidi dene mawaibao.’”

Te Israel me Juda Hani Sigo Tuni Bidigo Po Elalubo Buku Deli 2:9

Tiali goli, te nago agaba te dwai dene mao. Nago homu kolesaga te wiegi yai elama, te nago aga ela muainogo te mena sunumi wali pabo te konebaso, te aga ela muao,” te po wai.

Te Israel me Juda Hani Sigo Tuni Bidigo Po Elalubo Buku Deli 13:18

Tialima, te monu dabe profet bidigo te agabolo e tama po wali, “Ena me te nage tiwai bidi profet bidi dao,” wali. “Tama Genuai Bidigo sę ebo ensel bidi me deli asama, enabolo e tama po wagasali, ena nage ma pelama, nage oda sigi pelama, tama eno nage ma odasa, eno beba pelama, te me badu nai dabe nage mayu, tama me te nage tuabo ąį me mayu yao po wai.” Tiali goli, te monu dabe profet bidigo agabolo ili po ola mani.

Godigo Nogi Ugwaba Sabo Tęąbi Po Wabo Buku Dabe 56:7

God, nago te augwa ebo kolesagade dwai dene mao. Nago augwalide haliga sębę eyu, tama augwali mu dolama, aiyaba mu elaluao.

Bugagia Bidibo Kolesagade Po Asęai Buku 14:5

Te suali po pusubo bidigo te po mu po da weyu da, teda agai te po tųde doloba pai po naga pusaibao. Tiali goli, aga te tibo po wabo bidi yai baso da, teda agai po tigidali te dolo me egobeo.

Ma Dobola Sali 20:16

“Nago tibo po olama, tama gasa we bidi olo po tų ela magio.”

Bugagia Bidibo Kolesagade Po Asęai Buku 14:25

Te suali sę po dolasa te po tų ebode wabo bidi yai baso da, teda te po tųgo te magi sę isąwani bidi me ela po me wagobeo. Tiali goli, te sę suali bidi te witnesgo po te dolasa wasiąwani da, teda aga te tibo po wabo bidi dao.