Biblia Todo Logo
Bib sou entènèt

- Piblisite -




Bugagia Bidibo Kolesagade Po Asęai Buku 18:6 - Godigo dwagi yai po buku

6 Te wiegi yai homu kolesaga elalusiąbo bidigo te gasa bidi dabe dali te konila po waibao. Tama augwaligo agai po odainu ebo sogo, augwaligo te aga keloago elabo homu ebo dao.

Gade chapit la Kopi




Bugagia Bidibo Kolesagade Po Asęai Buku 18:6
14 Referans Kwoze  

Te wiegi yai homu me elalusiąbo bidigo dobo kolesagago, agai te genuai sęgę dabolo mawaibao, tama te sęgęgo te genuai masigigo sęgę, me te masigi kemi pesage holali te aiyaba elalubo dao.


Te wiegi yai homu elalubo bidigo te wiegi yai homu elalusiąbo bidi me deli te po tų ilibaso da, teda te wiegi yai homu elalusiąbo bidigo, agai te wado po me weyu, te posobo po naga waibao, tama te pedauwali me pania sogobeo.


Te bidi agaduba deli te be pedude dugulaluali da, te kolesagago te be tomode te wado po me po hauwa wabo we dali bidibo kolesaga te aiyaba elaluali.


Bidigo te hwįbo kolesaga tudiba mubaso da, teda agai genuai nogi elalueibao. Tiali goli, te wiegi yai homu me elalusiąbo bidi da, agai te konila po sesemane sogo polo subigila wabo dao.


Te po dwai weyu, posobo po wabo bidi dabe te dwai dene mu saibao. Tama te bidi dabego te dobo kolesaga wali pabo sę ebo bidi dabe te keloago elaibao.


Te wado po polo weyu ebo bidi da, teda aga dwai sę yali sęgę te aga tolomainao. Te nago aga tau selama, tama te sęgę silibo si da, teda nosali te nago aga ma tau somainu homu yaibao.


Bidigo te wado po me deli wali, te tobage te bidigo te obo agebelidu te dwasianu dedage nigilama, te genuai wę gebo domainu palibo tiwai ebao. Te tama tebo kolesaga agai tagalu da, tama te genuai wado me pedalugobeo.


Te wiegi yai homu kolesaga elalubo bidigo da, te Genuai Bidide wi eyu, te bugagia tonalu, tama te sęgę sabo sę dabe te agade ela soaibao. Tiali goli, te wiegi yai homu elalusiąbo bidi, agai te homu eyu, te tobage tigidali sę yabo homu elama, tama agai te ebo kolesagade te homu bugagia me egobeo.


Te wiegi yai homu kolesaga meni yani bidigo po, te we bidi dabeba te tiwai ola mawaibao, aga digi te aga nogi ugwaba sabo homu elama, te po wali. Tiali goli, te wiegi yai homu elalubo bidigo pogo, te aga digi aga seselaluama, tama te bugagia bidibo dao.


Te hagoma kolesagago te wado po me hwįbo po pedalubo sę ebo dao. Tiali goli, te bidi aga te gasa bidigo agaba te wiegi yai homu momainu ebo bidi da, teda te bidigo homugo koneani kolesaga te wiegi yai elalubao.


Te wiegi yai homu kolesaga elalusiąbo bidi dabego te bidi mego magi sę me deli augwaliba ebo si, te augwali haliga sębę polo eyu yaibao. Tiali goli, te wiegi yai homu elalubo bidiba te dwai po obaso da, teda agai te pode homu elama, sula tagalobo dao.


Te hagoma ebo bidi dabe sela sąbaso da, tama te tobage konila po wabo, me te dwai po wabo te sia saibao.


Swiv nou:

Piblisite


Piblisite