Bugagia Bidibo Kolesagade Po Asęai Buku 18:22 - Godigo dwagi yai po buku

²² Te nago we deli siyu da, te wiegi yai mu da. Te tama tiwai ola mani, Godigo te wiegi yai pemene elama, tama nageba te bugai haliga emainu tebao.

Bugagia Bidibo Kolesagade Po Asęai Buku 18:22 Referans Kwoze

Bugagia Bidibo Kolesagade Po Asęai Buku 19:14

Te aya idago te be, me mone, te doado bage dabolo mawaibao. Tiali goli, God deligo agai te dabolo wiegi yai homu kolesaga elalubo we da mawaibao.

Bugagia Bidibo Kolesagade Po Asęai Buku 12:4

Te bidi me deligo wego te wiegi yai kolesaga ebaso da, teda te tebogo te aga bidiba te genuai nogi mobao. Tiali goli, wego te dwai kolesaga haniani eyu, tama aga bidi hale ilibo we yai baso da, teda te wego te dwai gasigo te aga bidigo dili te dolobo sę tiwai ebao.

Kolesaga Koneai Bidigo Pusali Po Elalubo Buku 9:9

Dago bidibo ula te olo nai tiwai ebao, te aga page meni yai elalubao. Tialima, nago te we deli godolo homu mu ebaso da, teda tigidali side te Godigo nage da olama, dąį ilali te tǫde bidibao, nago te we dali wiegi yai homu pemene yao. Godigo te kolesaga yabo sę nageba dąį ilali, te nage tǫde bidibo sogo nago te sę emainogo yali.

1 Korin 7:2

Tiali goli te haniani penani ebo kolesaga te tǫde elalubao. Tama dagego te kolesaga idali weyu, te tigidali bidi deli deligo te augwa we sao, tama tigidali we dabe deli deligo me te augwali sali bidi dali bidao. Te bidigo tigi te aga wego da, tama bidigo me geą siyu tama dąų munu me olamuo. Te tiwai naga, wego tigi te aga bidigo da, tama wego me geą siyu tama dąų munu me olamo dao.

Tigidali Nai Gagalama Nigali Side 2:18

Tama Yawe Godigo aga digi homude te po wai, “Tiyu, te bidi agaduba deli naga bididalio, te usugobeo. Te eno te aga tau siyu bidabo abagi me deli nigilaibao,” te homu yai.

Hosea 12:12

Polobadu mu dago wąį nǫų Jekop aga ama Isode wi ebaso, aga te tǫ kantri Mesopotemiaba wi pai. Tama aga te we sabo homu eyu, tama tiali, tialima aga te gasa bidigo sipsip tonalubo sę yali, te bidi aga wegi ma abelainu tama tiai dao.

Bugagia Bidibo Kolesagade Po Asęai Buku 8:35

Te ena sabo bidi dabe, te augwa bidibo ula sali, tama Genuai Bidigo augwaliba wiegi yai haliga ebo dao.

Bugagia Bidibo Kolesagade Po Asęai Buku 3:4

Te nago tama tibaso da, te Godigo nage godolo ebadi, te bidi dabego me nage godolo homu yaibao, tama nago sę te wiegi yai pedelaibao.

Tigidali Nai Gagalama Nigali Side 24:67

Tama Aisakgo Rebeka te aga ugwa beba odasa pelama, tama agai aga salio. Aisakgo te Rebeka godolo mu elama, tama aga homu wiegi yai ma yali. Polobadu te aga ida isibaso, tama aga homu dene eyu, homu sęgę elaluai dao.

Tigidali Nai Gagalama Nigali Side 29:28

Jekopgo te pode usu da po olama, tama te we sabo sogo te nai ulali Sarere deli silibode, Labango Resel te Jekopbolo menama, tama Resel te aga we mu pedelama bidali.

Rutgo Po Elalubo Buku 4:10

Tama nai me deli digi elalubo. Eno Rut selama, tama megi te eno we dao. Te Moap bulu we Malongo sai, tama Malon isiyu, aga taga pai. Eno te Rut selama, tama Malongo tǫ te aga hanide dolo elaluaibao. Tama te isali bidi aga page bulu, te aga deli hanigo aga nogi sesemane sogo konealumainogo yaibao. Megi dagego sulama, tama dagego te sę ebo koneani dao,” te po wai.