Bugagia Bidibo Kolesagade Po Asęai Buku 17:8 - Godigo dwagi yai po buku

⁸ Te homu bega sabo mone mabo bidi, agai te homu yai, te homu bega siyu mabo mone te aga tau sabo mone tiwai da weyu, te tobage magi sę dabe aga digi homugo yainogo tebo dao.

Bugagia Bidibo Kolesagade Po Asęai Buku 17:8 Referans Kwoze

Ma Dobola Sali 23:8

“Tama bidigo dage homu bega siyu, te po tų ebode tibo po omainogo te mone mobaso da, dagego te mone sigio. Magi basowe, te tiwai kolesagago te wiegi yai bidigo homu te tibo po wabo bidi tiwai pedelama, tama te dwai kolesaga isąwai bidigo po tų ebo aiyaba mesegelaibao.”

Maika 7:3

Augwaligo te dwai sę ebo kolesaga mu koneani. Te ofisa dabego me jas dabego te bidi dabeba i weyu, te augwaliba te mone menama, te po tų dolainu ebo dao. Augwaligo deli homu ebo dao. Te genuai nogi elalubo bidi dabego te jas dabeba te homu wei godolo ebo po obaso, te po tų doloyu, te jas dabego te bidi dabego wabo po wali peyu ebo dao.

Amos 5:12

Magi baso meni. Dagego sęgę dabe dwai mu elalubo eno koneani, tama eno koneani, dagego sęgę hauwa mu elalubao. Dagego dwai sę te wiegi yai bidi dabeba ebao. Dagego te dobo sę ebo bidi dabego nogode te mone ge dabe sabo dao. Tama te po tų ebo si, te magi nai meni yai bidi dabego gasa bidi dabe aiyaba elaluidali weyu, dagego te po tų dolobo dao.

Aisaia 1:23

Jerusalem, nago genuai bidi me, tobolu bidi me, augwali te po odisiąwai dabe bidiyu, tama nai wi sabo bidi dabego abagi dao. Tigidali sogo augwaligo te mone pesą eyu, augwaligo te bidi dabe augwali dali mone dabe sainogo ili po wabo bidi dabe tau sabo homu ebo dao. Tama te po tų odobo sogo, augwali te tiana wai dabe tau sabo homu ebo menio. Tama me, augwaligo te wilawe we dabego homu sęgę ebo dodolobo odama, dodolabo homu ebo menio.

Bugagia Bidibo Kolesagade Po Asęai Buku 21:14

Te bidi me deligo gasa bidiba wado po obaso da, teda te we bidi dabego aga susiąbadi te sogo agai agabolo te wiegi yai homu pemene ebo nai mobaso, tama te agai wado po wali te silaibao.

Bugagia Bidibo Kolesagade Po Asęai Buku 17:23

Te dwai kolesaga ebo bidi dabe, augwaligo te po tų yabo sę elalubaso da, teda augwaligo te po tų dolabo homu ebo dao. Tama tiyu, augwaligo te homu bega sabo mone mabo te bidi dabego susiąbadi te sogo geme saibao.

1 Samuel 25:35

Tama Devitgo te Abigelgo sesali nai tigidali selama, tama Abigelbolo te tiwai po wali, “Megi nage te naga beba ma peyu, tama nago haliga dua nagame igulama bidao. Te eno nago po wali tiwai gilama eyu, tama eno te Nabal me ela mugobeo,” wali.

Bomai Po 16:19

Te bidi dabe augwaligo te po tų odobo kolesaga te doloba pai kolesagadu naga yao. Augwaligo te po tų ebo dolama, tama bidi meba naga tau selama, tama te bidi meba aiyaba me elaluamuo. Tama augwaligo te bidi mebago augwali nai momainogo me elamuo. Magi baso meni. Te bidi gugu po olama mabo te nai dabego te doloba pai bidi dabego kolesaga dolama, tama te wiegi yai homu kolesaga yai bidi dabe te po tų ebo sogo augwaligo te po tų eyu, po bugagia dodologobeo.

Tigidali Nai Gagalama Nigali Side 43:11

Tialima, Israel, te augwa aya, agai augwalibolo te po wali, “Te tiwai tama pedalubaso da, teda dagego tama tiao. Te e bulude elalubo te wiegi yai nai dabe te selama, duga genuai waba munama, tama dage pelama, tama te gavman tobolu bidibolo te aga wiegi yai homu emainu magi pao. Te tobage tiwai dwasianu haniani nai tigidali sao, te ganima bunugo nigali pusu yai nai me, te mege me, tama te denami ebo ni kaneme, me te haniani sanda, tama me te meba ni haga du walobo tiwai ni du nogi pistasio, me te ni du amon, te tiwai haniani nai sela pao,” wali.

Godigo Nogi Ugwaba Sabo Tęąbi Po Wabo Buku Dabe 29:4

Te Genuai Bidigo i wabo bomo te genuai elalubao. Tigidali bidigo Godigo i wabo odolama, tama augwali agade wi ebo dao.

Godigo Nogi Ugwaba Sabo Tęąbi Po Wabo Buku Dabe 21:13

God, nage te naga bomo dali asao. Tama dago te nago naga bomogo yali genuai sę dabede balia po waibao.

Godigo Nogi Ugwaba Sabo Tęąbi Po Wabo Buku Dabe 19:6

Sia ge pedalobo te dagalu sesege badu pedalobo dao, tama gasa badu pabo dao, tama magi nai me agai posolo ebo digi me duala sogobeo.

Godigo Nogi Ugwaba Sabo Tęąbi Po Wabo Buku Dabe 18:16

Genuai Bidi te dagalude bidiyu, tama agai nogo te aiyaba muyu, tama ena tola sali. Ena te aiyanu mu yai węde te hagawainu ebo bidi tiwai ebadi, tama Godigo ena ma salio.

Kolesaga Koneai Bidigo Pusali Po Elalubo Buku 7:7

Te wiegi yai homu kolesaga elalubo bidi bidali, tiali goli agai bomonama eyu, gasa bidigo mone sobaso da, teda aga te wabo pabo bidigo homu kolesaga tiwai elalubao. Me, te bidi mego te po tų odoyu, te bidi agai gasa bidigo nogode geme mone sabogo te kolesagago agai te wiegi yai homu kolesaga dolai dao.

Tigidali Nai Gagalama Nigali Side 32:14

Agai e tama tiwai sa muani, 200 meme so kibu, te omai kibu bidi sese deli te 20, te 200 sipsip so, me te omai kibu bidi sese deli 20,

Tigidali Nai Gagalama Nigali Side 32:21

Agai te maiabo nai dabe polasa tagala palama, tama aga bidali pesagede te sogo hulide bidai.

Bugagia Bidibo Kolesagade Po Asęai Buku 18:16

Te nago te genuai bidi me deli dali po miainogo da, teda nago te agaba te wiegi yai homu ilabo nai me deli selasa pobaso, tama te agai te nage agaba asomainu yaibao.