Bugagia Bidibo Kolesagade Po Asęai Buku 17:13 - Godigo dwagi yai po buku

¹³ Tama augwaligo te bidi me deli dali wiegi yai kolesaga ebadi, tama te bidigo dwai kolesaga augwaliba wei ponobaso da, teda sesemane sogo te aga we wai bidalubo kolesaga te dwai elaluaibao.

Bugagia Bidibo Kolesagade Po Asęai Buku 17:13 Referans Kwoze

Polgo Po Pas Rom Dabeba Asęani 12:17

Tama gasa bidigo dwai kolesaga dagebolo ebaso da, teda dagego te dwai kolesaga augwalibolo wei me ponogimio. Menio. Dagego duga ebo kolesaga bugagia osola sulama, tama te tigidali bidigo gedude wiegi yai dolo kolesaga te kolesaga naga iyąo.

1 Pita 3:9

Bidi mego dage dali dwai sę ebo si, tama dagego dwai sę eyu ma wei ponogio. Ma, bidi mego dage dali dwai dwai po wabo si, dagego te dwai po me weyu wei ponogio. Te menio. Dagego God hanalu wabo po wao, agai augwali dali dwagi yai sę emainogo yao. Te God agai dagego te tobage sę emainogo dage i wali dao, tama nosali agai dagebolo dwagi yai kolesaga mu yaibao.

Godigo Nogi Ugwaba Sabo Tęąbi Po Wabo Buku Dabe 35:12

Eno wiegi yai kolesaga augwaliba ebadi, tama augwaligo dwai kolesaga enaba wei ponani. Tama tibaso, eno haliga sęgę mu yai.

Godigo Nogi Ugwaba Sabo Tęąbi Po Wabo Buku Dabe 38:20

Eno dwagi yai kolesaga augwaliba ebadi, tiali goli augwaligo enaba dwai kolesaga wei ponoyu yai. Eno te wiegi yai kolesaga wali pobadi, tama tede augwaligo homu koneama, tama enade augwa boi bidi pedelali.

2 Samuel 12:10

Tialima, bugagia odao. Nago eno po sela sąwanima, tama nago te Uriago we sali. Tama tialima, tigidali sogo nosali te bidi dabe mebago te nago hani sibi wąį bǫų dabe meba ela mubo sę yaibao.

1 Samuel 24:17

Tama agai Devitba te tiwai po wali, “Nage wiegi yai bidi, te ena da dwai bidi mu dao. Nago enaba wiegi yai kolesaga mu yali, tiali goli eno dwai kolesaga nage dali yalio.

1 Tesalonaika 5:15

Gasa bidi dabe augwaligo dage dali dwai sę ebaso da, dagego augwali dali te dwai sę ebo wei ponogio. Dagego te tiwai idali weyu, bugagia tonaluao. Tigidali sogo dagego bomo elama, duga hasi augwali dali dwagi yai sę naga yao. Tama te sę tiwai tigidali bidi dali me yao.

Matyu 27:5

Tama Judasgo te silva mone ge dabe te Moni Lotu Be tempel tomode sąnama, tama aga pelama, aga digi te ba bonoba waligi pelama isai.

Matyu 27:25

Tama tigidali we bidi augwaligo po wei ponoyu, te po wai, “Te aga elebo sęgę te daba me te dena wai dabeba asomainao,” wali.

1 Samuel 19:4

Tialima, kigamu Jonatan de Sol si peyu, tama po miani, tama Jonatango te Devit nogi ugwaba siyu tama Solbolo te tiwai po wai, “Ayao, te eno magi nai po me deli nageba wabo usu egowe? Te e tiwai dao. Nago dwai kolesaga te naga sę bidi Devitba munu me elamuo. Magi baso meni, te agai dwai sę me deli nage dali me ebeo, menio. Te tigidali sę agai yali, te nage tau siyu naga yali.

1 Samuel 25:21

Devitgo te tiwai homu yali, “Magi baso eno te bidigo nai dabe te wa pai bulude bugagia tonaluali, agawe? Dago te agai nai me deli wi me sabeo, menio. Te agai nai tigidali te bugagia elaluali. Tama megi agai dwai kolesaga enaba wei ponani. Te aga kolesaga dolo me ebeo.

Te Israel me Juda Hani Sigo Tuni Bidigo Po Elalubo Buku Deli 21:22

Nago te we bidi augwali dwai sę eboba kegebaso, tama nago te tebo kolesagago ena haliga sębę ilibao. Tama tialima, eno te deli tigi poai kolesaga te nago deli hani sibiba yaibao, eno te king Jeroboamgo deli hani sibiba yali sę tiwai yaibao, te Nebatgo ogwa da, te king Basago deli hani sibiba me te tiwai yali, te Ahiyago ogwa dao,’ wali.

Bugagia Bidibo Kolesagade Po Asęai Buku 13:21

Te dwai sęgęgo te dwai sę ebo bidi dabe deliba gesabidi ununaibao. Tiali goli, te doloba pai bidi dabego augwa te wiegi yai nai te augwa mone sabo tiwai ebo dao.