Bugagia Bidibo Kolesagade Po Asęai Buku 16:7 - Godigo dwagi yai po buku

⁷ Te bidigo te Genuai Bidigo wei homu yabo tobage kolesaga dabe ebaso da, teda te Genuai Bidigo aga tau siyu, te tigidali bidi, me te aga boi bidi dabe dali, te augwali aga dali bugagia bidimainu tau saibao.

Bugagia Bidibo Kolesagade Po Asęai Buku 16:7 Referans Kwoze

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

1 Jon 3:22

Tama tiyu, tama dago magi nai me sainogo gedu haluasa po obaso da, te agai dabolo mabo dao. Magi basowe? Dago agai bomo yai po wali peyu, tama agai godolo ebo kolesaga dago ebo dao.

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.

Tuni Bidi Dabego Po Elalubo Buku Si 17:10

Te Jehosafat aga king bidibadi Genuai Bidigo te Juda bulu pąde elalubo kantri king bidi dabe me tobolu bidi dabe augwali Jehosafatde wi dwai mu emainogo ilali. Tama tibaso augwaligo aga dali boi me hwįagasobeo.

Jeremaia 15:11

Tialima, Genuai Bidigo enabolo te tiwai po wali, “Haliga sęgę ebo tagalao. Te eno nage tau siyu, te nage bugagia bidaibao. Te eno boi bidi dabe nageba asomainu eyu, te nago augwali sęgę ebo sogo, me te dwai sogo, augwali gegebo sogo te nago augwali tau somainu hanalu wagasomainogo ilaibao,” wali.

Tigidali Nai Gagalama Nigali Side 33:4

Tiali goli, Iso udada aselama, tama aga ama pagea sagaselama, tama aga dali nono nai. Tama aga si talua si gela wali.

Tigidali Nai Gagalama Nigali Side 32:28

Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”

Kolosi 3:20

Wai dabe, dagego duga aya ida sigo wabo nai po tigidali odoyu wali pao. Te dwagi yai kolesaga ebogo te dago Genuai Bidi dwagi yai homu ilibo dao.

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

Godigo Nogi Ugwaba Sabo Tęąbi Po Wabo Buku Dabe 69:31

Tama Genuai Bidigo te kolesaga wei mu ebao. Agai te bulmakaugo ofa ebo te wei eyu, godolo me ebeo.

Tigidali Nai Gagalama Nigali Side 27:41

Isogo homugo te ayago te dwagi yai sę pedelabo po te Jekop te bolo mani, te agai homude wado ebo homu dwai mu te Jekop dali yai. Tialima, Isogo e tama homu elama, te po wai, “Te pąde dwasianu sogo naga te aya isibaso, tama dago aga homu dene yaibao. Te homu dene yali sogo sia sabo si da, teda eno te Jekop ela muaibao.” Isogo te tama homu elalualio.

1 Pita 3:13

Te dage bomo eyu, tama te dwagi yai sę yabo homu dąų weyu da, teda tego dagebolo dene mawaibawe? Woo, te tobage sę ebo bidi hauwa meni.

Ma Dobola Sali 3:21

“Eno tama ilama, tama te Isip we bidi augwaligo dage dali dwagi yai homu yaibao, tama dagego te Isip tǫ taga soainogo ebode, te dage olo me pogobeo. Menio.

Bugagia Bidibo Kolesagade Po Asęai Buku 3:17

Te wiegi yai homu kolesagago te nage sesemane sogo te nage bugagia wiegi yai haliga ilama, tama homu tegaluama, nage bidibo te wiegi yai mu pedelaibao.

Bugagia Bidibo Kolesagade Po Asęai Buku 16:8

Te nago dwasianu nai naga elalu, tama nago doloba pai kolesaga wali pobaso da, teda nago te tebo ulago te moni mone pesage hauwa umabo elalubo bidigo te dwai sę ebo kolesaga ebo bidi te aiyaba elalueibao.

Jeremaia 39:12

“Nago Jeremaia sigi pelama, bugagia tonaluao. Nago agaba dwai sę me igio. Te agai magi sę me yainogo nageba hanalu obaso, te nago agai homu wali pao,” wali.

Jeremaia 42:12

Eno olo mu tau sabo wiegi yai homu kolesaga dageba eyu, te eno digi agai me dageba te olo tau sabo wiegi yai homu ebo kolesaga emainogo yaibao. Tama agai dage te duga page buluba pomainogo tagala palaibao,’ Genuai Bidigo te po wai,” Jeremaiago te po wai.

Daniel 1:9

Tama Godigo te Aspenasgo te Daniel homu dene emainu ilali,

Tuni Bidi Dabego Po Elalubo Buku Si 20:30

Tama te Jehosafat king bidibadi boi me hwįagasobeo. Magi baso meni, Godigo aga kantri bugagia tonaluali.

Esra 8:36

Tama eno te kingo enabolo mani pas te selama, tama eno te polalubo gavmanba me te wę Yufretis e badu tǫ pedaide bidibo te gasa ofisa dabeba me, te pas tolali. Augwaligo te pas selama, teda augwaligo daba wiegi yai homu bugagia eyu, tama te Godigo be sę ebo tau salio.