Bugagia Bidibo Kolesagade Po Asęai Buku 16:5 - Godigo dwagi yai po buku

⁵ Genuai Bidigo te hagoma ebo bidi dabe, me te augwa digi augwa nogi ugwaba sabo bidi dabe, te agai wei mu me isiąyu, augwali dali dwai homu ebo dao. Dago e tama koneao, Genuai Bidigo augwali te odolali me tagala palogobeo. Menio. Te agai augwaliba te tigi dene mawaibao.

Bugagia Bidibo Kolesagade Po Asęai Buku 16:5 Referans Kwoze

Bugagia Bidibo Kolesagade Po Asęai Buku 11:21

Mu tamao, Genuai Bidigo te dwai kolesaga ebo bidi dabeba po tų ilama, tama agai augwaliba dene gesoai mu ilaibao. Tiali goli, te wiegi yai kolesaga ebo bidi dabego hanigo te po tų ebo ugwaba igulaibao.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Jems 4:6

Tama God agai aga Mobo Bidigo dabolo mabo sę te genuai dao. Tama agai da olo mu tau sabo sę, te genuai mu dao. Tama tiyu, agai da olo tau siyu, te dago homude pedalobo ‘Dwai sę yao’ po te po dago odosiąma, tama dago te po aiyaba elalubo dao. Tama te sę ebode te Godigo wali po bukude te po elalubao, “Te aga digi aga nogi ugwaba sabo bidi, te bidi God aga tudiba mubo dao. Tiali goli te imilai bidi da, te bidi God agai olo mu tau sabo dao,” te po asęani.

Jopgo Po Asęani Elalubo Buku 40:12

Awe. Nago dwai kolesaga ebo bidi dabe sulama, tama augwali aiyaba elaluao. Tama nago dwai kolesaga ebo bidi augwa bidibo bulude sągągo agayagameo.

Aisaia 3:11

Tiali goli, dwai bidi dabe da, dolaibao. Augwali te dwai pe te augwa yali dwai sęde saibao.

Ma Dobola Sali 20:7

“Nago eno nogi God dwai odolali nogi egio, te nago Genuai Bidi dao. Magi baso meni, ena nogi olo nogi ebo we bidi te eno augwali dene ilaibao.”

Bugagia Bidibo Kolesagade Po Asęai Buku 6:29

Te tama tiwai gilama naga, te nage gasa bidigo we dali pigi pali da, te augwaligo nageba te genuai dene me sęgę mabo te nago me geda mugobeo.

Bugagia Bidibo Kolesagade Po Asęai Buku 16:4

Genuai Bidigo te tigidali nai nigilama, tama augwalide te sę dabe elalubao. Tama tiwai naga, Genuai Bidigo te dwai kolesaga yabo bidi dabe nigilali, tama agai augwali nigali te po tųde hagamainu nigalio.

Bugagia Bidibo Kolesagade Po Asęai Buku 16:6

Te bidigo Genuai Bidi godolo homu mu elama, tama aga dali mu kęą pobaso da, teda Genuai Bidigo te agai sęgę sela sąwaibao. Tama te bidi Genuai Bidide wi eyu, aga dologode bidibaso da, teda te bidigo te dwai sę ebo kolesaga te ela sobaso, usu yaibao.

Jeremaia 13:15

Dage Juda, Genuai Bidigo po dageba walio, te dagego agai poba bugagia olo muiąo. Dagego hagoma munu me elamu dao wali.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Aisaia 2:12

Genuai Bidi Tigidali Bomo Elalubo Bidigo bodolu elalubo, te augwa nogi ugwa sabo bidi dabe aiyaba elaluabo sogo. Tama te sogo agai te bidi dabego genuai nai dabe me augwaligo godolo elama, gawebo nai dabe dolaibao.