Bugagia Bidibo Kolesagade Po Asęai Buku 16:30 - Godigo dwagi yai po buku

³⁰ Te nago suali, te bidigo te gasa bidiba te gedu gagamu ebo subaso da, teda nago koneao, te bidigo te dwai kolesaga yabo homu eyu te ebao. Tama nago suali, te bidigo aga pedauwali gagamunu baso da, teda nago koneao, agai te dwai kolesaga ebao.

Bugagia Bidibo Kolesagade Po Asęai Buku 16:30 Referans Kwoze

Dwagi Yai Gesi Po Jongo Asęani 3:20

Dwai kolesaga ebo bidi agai te ulade boi bidi ebo dao. Agai dwai kolesaga yali hania ugwaba sela muidali weyu, aga te ulaba asobo menio.

Matyu 13:15

Magi baso meni. E we bidi hanigo homu kolesaga te puna pai dao. Tama augwaligo ologo po odobo te hagela eyu, tama augwaligo augwa gedu palia sai. Tiyu augwaligo gedugo te magi nai me deli suidali weyu tiali, tama augwaligo ologo po odidali weyu tiali, tama augwaligo homude te po page ma koneama, tama augwali begesa enaba ma aselama, te eno augwali usu ma ilidali weyu augwaligo tama kolesaga yai dao,’ Aisaiago Godigo wali po augwalide tama asęai dao.

Maika 7:3

Augwaligo te dwai sę ebo kolesaga mu koneani. Te ofisa dabego me jas dabego te bidi dabeba i weyu, te augwaliba te mone menama, te po tų dolainu ebo dao. Augwaligo deli homu ebo dao. Te genuai nogi elalubo bidi dabego te jas dabeba te homu wei godolo ebo po obaso, te po tų doloyu, te jas dabego te bidi dabego wabo po wali peyu ebo dao.

Aisaia 6:10

Magi baso meni. E we bidi hanigo homu kolesaga te puna pai dao. Tama augwaligo odogo po odobo hagela eyu, tama augwaligo augwa gedu palia sai. Tiyu, augwaligo gedugo te magi nai me deli suidali weyu tiali, tama augwaligo odogo po odidali weyu tiali, tama augwaligo homude te po page ma koneama, tama augwali begasa, enaba ma aselama, tama eno augwali usu ma ilidali weyu, augwaligo tama kolesaga yai dao,” wali.

Bugagia Bidibo Kolesagade Po Asęai Buku 16:27

Bidi dwai mugo te haniani sunumi gegelama, te dwai sę te gasa we bidi dabeba yainu tiaibao. Agai po da, te genuai sia bogoli tiwai eyu, tama te augwali dolobo dao.

Bugagia Bidibo Kolesagade Po Asęai Buku 10:10

Te poli po niga selama wabo bidi dabego te dwai sę hauwa yaibao. Tama te po pedauwalide dogia pabo bidi dabe te dolaibao.

Bugagia Bidibo Kolesagade Po Asęai Buku 16:29

Te hwįbo bidigo te aga abagi haliga hodolobo sę eyu, tama aga te dwai sunumiba odasa pabo sę ebo dao.

Bugagia Bidibo Kolesagade Po Asęai Buku 16:31

Te bidi dabego te monu dabego ayadeba tobolu nisi sulama, tama augwa koneaibao, te monu dabe augwa te doloba pai kolesaga wali paligo tama augwa te tǫde sesabi elama bidibao. Tama tiyu, te augwaligo te genuai nogi augwaliba mabo dao.