Bugagia Bidibo Kolesagade Po Asęai Buku 16:18 - Godigo dwagi yai po buku

¹⁸ Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

Bugagia Bidibo Kolesagade Po Asęai Buku 16:18 Referans Kwoze

Bugagia Bidibo Kolesagade Po Asęai Buku 11:2

Te augwa digi augwa nogi ugwaba sabo bidi dabe te hale genuai saibao. Te augwa digi augwa aiyaba elalubo we bidi augwaligo te wiegi yai homu kolesaga tama sabo dao.

Bugagia Bidibo Kolesagade Po Asęai Buku 18:12

Te bidigo hagoma eyu, te aga digi aga nogi ugwaba sobaso da, teda te nosali aga dolaibao. Te hasia bolo naga digi naga aiyaba elalusiąbaso da, teda nago te genuai nogi me sogobeo.

Bugagia Bidibo Kolesagade Po Asęai Buku 29:23

Te bidigo hagoma homu eyu, tama aga digi aga nogi ugaba sobaso da, te augwaligo aga nogi aiyaba elaluaibao. Tiali goli, te bidi aga digi aga nogi aiyaba elalubo bidi da, te genuai nogi saibao.

2 Timoti 3:6

Te tamadi gesi noma baptais tamadi sali bidi te tonalubo bidi sę munu me menamuo. Tiyu aga te hagoma ebaso tama Godigo aga dali po tų elama dene mayu, te agai Satan po tų yaligia tiwai elama sela sąwani.

Polgo Po Pas Rom Dabeba Asęani 11:20

Awe, te mu dao. Tiali goli, te augwaligo Kraisde konealubo po dąų me wasiąwani, tama te tialigo naga agai augwali togwa sąwai. Tama dagego konealubo po dąų obaso, tama dage bugagia bidibao. Tiali goli dua dao, dagego hagoma me elamuo. Te dage wi iyąo.

Bugagia Bidibo Kolesagade Po Asęai Buku 17:19

Te dwai kolesaga yabo wei homu ebo bidigo, agai te konila po wabo hodolobo sę me wei yaibao. Tama te bidi aga digi aga nogi ugwaba sabo bidi, aga te dolobo sę iduaibao.

Esta 6:6

Tialima, Haman te be tomoba asobode, king bidigo agabolo te po wai, “Te bidi me deli bidibo bidi agabolo eno te genuai nogi mawainogo ebao. Te eno mena wiegi yai sę agabolo yabo te eno konebe. Nago homugo eno magi sę emainogowe?” wali. Tama Haman agade digi te tiwai homu yai, “Te tuni bidigo te sę debolo egowe?” te homu yai. “Te gasa bidi me meni, enabolo naga yaibao.”

Esta 7:10

Tama agai te Mordekai walainogo tulali posde augwaligo te Haman aga ma tede walali. Augwaligo te tiwai tama ela silama, tama king bidigo haliga sębę yali silai dao.

Daniel 5:22

“Te Belsasar, nage te Nebukatnesargo wąį ogwa, tama nago te yali sę dabe koneai. Tiali goli, naga digi naga aiyaba elalubeo. Menio.

Aisaia 37:38

Me sogo side deli sogo aga te aga tibo godigo lotu beba pelama, te aga god Nisrokba lotu udubo sę yali. Te aga ogwa sigo digi, te Adramelek me Sareser sigo, te bainat hwą selama, te lotu be tomoba pelama, te aga ela muanio. Te nosali augwa si wi pelama, te bulu tǫ kantri Araratba bidigi pai. Tialima, aga gasa ogwa me, aga nogi te Esarhadongo, te aga aya pesage hasegelama, te Asiria king pedelai dao.

Esta 3:5

Hamango suali, Mordekaigo te kidu sugunama, tama agaba genuai nogi masiąbaso, tama aga haliga sębę dwai mu yalio.

Daniel 5:24

Tama tibaso, Godigo te nogo tagala palama, te be paide po asęagasali.”

Matyu 26:74

Tialima megi da Pitago po bomo mu elama weyu, agai tibo po obaso da, teda Godigo aga ela mumainogo eyu te po wai, “Mu tamao, eno te bidi munu me konebeo. Mu menio.” Agai te po ola silai madi, tama polo te ba kakaruk po walio.

1 Samuel 17:42

tama agai Devit suali, te gesi bidi mu, tama aga gesabidi te wiegi yai mu yai, tama agai hwįabo usu meni yai. Tama tiyu, agai homugo Devit te olo nai naga homu yali.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Jeremaia 49:16

Nago te gasa hani we bidi dabe wi mu ilama, te nago nage te polalubo mu da homu yali. Tialima, naga digi tibo po ola mawai. Nago genuai taun te bulu du pesage daide ugwadu elaluali. Tialima, te nago taun te ba kemodagego be daide ugwadu sę ebo tiwai elalubo, te tagalao, te nage eno aiyaba kekasa duleibao. Te Genuai Bidi, eno po dao.”

Esekiel 29:9

Tama te kantri Isip dolama, tama te kantri te olo tǫ bulu mu elaluaibao. Tialima, dagego bugagia mu e tama koneaibao, ena deli naga ena Genuai Bidi dao homu yaibao,’ te po agabolo wao,” wali. “‘King, nago te po wai dao, naga digi te wę Nail nigilai dao po wai dao. Tama nago te po wali, te naga ąį dao, wali.

Te Israel Tobolu Bidi Dabe 11:28

Tiali goli Amon king bidigo te Jeptago ola tolali po me odisiąwai.

Jeremaia 50:32

Nage te hagoma ebo bulu tǫ kantri, te nage tula munama dolaibao, te nage ma hodolabo bidi deli me meni yaibao. Te eno nago taun dabe isigo ulama, tama te siago nago doado bage tigidali daibao,” te po wai.

Esekiel 28:17

Nago homugo tiali, nago gesabidi sawi yai mu dao homu yali, tama nago hagoma mu elama, tama naga nogi ugwaba salio. Nago genuai homu kolesaga elaluali, tama nago homugo te homu kolesagago te genuai nogi sabo dao homu yali. Tiali, te po page delide naga tama eno nage aiyaba te tǫba sąwai dao, te gasa meba king dabego nage sulama, tama augwaligo nage gisugu dwai mu momainogo yali.’

Daniel 11:12

“Agai te hwįanide te aga wiegi yai homu pemene yaibao. Agai te ami bidi hauwa umabo mu elaibao, tiali goli agai te yali bomo tiwai te sesabi elama gana me elalugobeo,” wali.