Bugagia Bidibo Kolesagade Po Asęai Buku 16:14 - Godigo dwagi yai po buku

¹⁴ Te kingo bidi me delide haliga sębę eyu da, teda te kingo aga ela muaibao. Tiali goli, te wiegi yai homu elalubo bidigo da, agai te king dua digi te haliga nagame ma ilaibao.

Bugagia Bidibo Kolesagade Po Asęai Buku 16:14 Referans Kwoze

Bugagia Bidibo Kolesagade Po Asęai Buku 20:2

Te kingo wado eyu, te haliga sębę ebogo te bidi wi ilaibao, te laiongo genuai gaa wabo tiwai yaibao. Nago te king haliga sębę yabo sę ebaso da, teda nago bidibo ula te hagawaibao.

Bugagia Bidibo Kolesagade Po Asęai Buku 19:12

Te kingo wado weyu, te haliga sębę eyu ebo, aga te laiongo bomonama te gaa wabo tiwai ebao. Tiali goli, agai te bugai haliga elama, tama te we bidi dabe tau sabo homu eyu da, te segeni tulubage tuluyu, te nai bugagia holomainu ebo tiwai te ebao.

2 Korin 5:20

Tama tibaso, dago te Kraisgo pedauwalide po selama tama agai po pusubao. Te tiwai God aga digi te tigidali bidi dago pedauwaligo i obao. Dago Kraisde digi te po tigidali we bidibolo pusubao, tama dago te tiwai po augwalibolo obao, “Te dagego boi bidi homu ebo kolesaga tagalama, God dali abagi homu ebo kolesaga mu yao,” dago te po pusubo dao.

Godigo Sęba Tagala Palai Bidigo Po 12:20

Te nosali Herotgo te Tair bidi dali, te Saidon bidi dali, te bulu si bidi dabe dali agai moni sębę yai. Tama tibaso, tigidali sisinama, aga sugi pali. Hasia bolo augwaligo te Herotgo be tonalubo sę ebo bidi deli suali, agai nogi Blastas. Augwaligo te bidi ‘Abagi mu’ wali. Tama augwaligo agabolo hanalu wali, “Te Herotgo wado po mena tama isilaibawe?” Tama nosali augwali te Herot pageba pelama, te po wai, “Te dago nai abelebo nago bulude naga dago nai abelama, tubo dao. Tama tibaso, dago te hwįbo sę tagalinao,” wali.

Dwagi Yai Gesi Po Makgo Asęani 6:27

Tialima, polo tama te tuni bidi Herot agai te ami bidi me deli tagala palama, te Jongo tobolu togogi pelama sela asomainogo yali. Te ami bidi te kalabus beba pelama, tama Jongo tobolu mage togwai.

Kolesaga Koneai Bidigo Pusali Po Elalubo Buku 10:4

Te naga tobolu bidigo nageba wado po obaso da, teda nago naga sę me tagalamuo. Te nago sali sęgę genuai elalubadi digi, tagalao, te nage bugagia dua digi bidibaso da, teda agai nago sali sęgę te tagalaibao.

Bugagia Bidibo Kolesagade Po Asęai Buku 17:11

Te dwai kolesaga ebo bidigo, agai te hagoma eyu, tama te wąbi hwįbo sę hodolaibao. Tiali goli, te augwaligo te homu dene isąbo bidi me deli tagala palama, tama agaba te dene mabo sę umabo mu yaibao.

Tigidali Nai Gagalama Nigali Side 40:2

Fero te sę tonalubo bidi si dali sębę elama,

Bugagia Bidibo Kolesagade Po Asęai Buku 15:18

Te haliga sębę polo ebo bidigo te gasa bidi dabego wado po omainu ilaibao. Tiali goli, haliga nagame ebo bidigo da, te bidi dabego wado po wabo te homu aiyaba elaluama, tama augwa deli homu ma elama bidibo dao.

Bugagia Bidibo Kolesagade Po Asęai Buku 16:13

Kingo te mu po naga wabo bidi wei mu ebo dao. Awe, te tobage bidi te kingo gedude te dwagi yai bidi mu dao.

Bugagia Bidibo Kolesagade Po Asęai Buku 16:15

Te kingo bugai haliga pemene te bidi me deli dali ebaso da, teda agai te bidiba wiegi yai sę eyu, tama aga te bugagia bidaibao. Kingo te tebo kolesagago te pǫgo tulubage selasa aselama, tama te nai tau emainu ebo tiwai ebo dao.

Bugagia Bidibo Kolesagade Po Asęai Buku 29:8

Te hagoma ebo bidi dabego te taun bidi dabego te hale sębę ilama, tama augwade digi te dwai wado homu emainu yaibao. Tiali goli, te wiegi yai homu elalubo bidi dabe, augwaligo te bidi dabego wado homu ebo te isilama, tama te bidi dabe augwa haliga nagame ma igulubo dao.

Esta 7:7

King bidigo odama, tama haliga sębę mu elama, tama te nai tudali tagalama, te be bulu badu plaua gi elalubo badu buluba teda pali. Hamango te tama sulama, tama koneani, te tuni bidigo aga dolaibao homu yai. Tama Haman te be tomode bidali, te kwin Estabolo te aga tuni bidigo dolainu ebo te olo tau siyu te gogolama, sula tagalalumainu yabo po te Estabolo hanalu wai dao.

Bugagia Bidibo Kolesagade Po Asęai Buku 29:26

Te bidi hauwago te bulu tǫ kantri tonalubo tuni bidi dali te homu bega sabo po weyu, te agai augwali wei homu emainogo tebao. Tiali goli, Genuai Bidi agaduba deligo naga te dago po dolo dagaluyu, tama da tau sabo dao.

Daniel 2:16

Tama Daniel te kingba polo pelama, tama agabolo hanalugi pelama, agai te po page koneani bidi dabe te polo asesa ela mugio olama, tama agai te na yali po page pusaibao po wai dao.